كنت اعتقد إني ما غار ع زوجي ابد
حتى ساعات نطالع التلفزيون ونقول أنا وياه هاي حلوة وهاي لا وهاي اشرايك فيها ؟؟:eek:
احس ماعندي قلب ، حتى هو يتنرفز مني :30:
مع إني كنت أغار ع أخواني أما هو لا ...مادري ليه ؟؟

اول ماتزوجنا جلسنا شهرين عنداهله كنت اغار اذا جلس يسولف مع امه واخوانه وانا جالسه بالغرفه
ومطنشني واذا تذكر انه متزوج وجاء لمي يقولي وش فيك اقوله رح عند امك وخوانك احسن لك :(
الله يعطيك العافيه

يوم قالت لي اخته شفتي فلانه بغينا نخطبها لزوجك بس هو رفض ولعت نار مع العلم ان هذي السالفه كانت قبل مااتزوجه بس ايش اقول على نفسي.

بصراحة سوالفكم أهون عند سالفتي
هذاك اليوم كان جاي من البحرين عنده شغل وراح مع اصحابه يتجاروا بالحمام المهم
رجع لي ذاك اليوم وكله شوق وووله وقام يقول كلام غريب مثل
انا مستحيل ابدلك ببنات الدنيا ...أنا مستحيل أحب غيرك حتى لو حاولوا يبدلوك مستحيل اخذ غيرك
ومن هالكلام ...الهم سألته صاير معك شئ ؟ قال لا مره ثانيه سألته ماعندك شئ تقوله لي؟ قال لا
المهم أنا سكت قلت شكله مايبي يتكلم الحين ويقول وش عنده المهم جلسنا وتالي لما قام بيطلع
ماقدرت جاني فضول بقوووووووووه أبي اعرف وش صار معه اكيييييد فيه شئ
مارضى على اساس لا أزعل ولايضيق خلقي ولااضايق قلت له ماني زعلانه منك لاتخاف قول
المهم بالموت رضى يتكلم قال لي باختصار
اليوم اصحابي في البحرين قالوا لي بنختبرك في شئ لانه كان توه خاطبني
وجابوا له بنت ..... ولبسها :mad2: تعرفون هالسوالف رد على اصحابها مستحيل اخونها وطنشهم
وأنا أنقهررررررررررررررررررررررررررررررررررررررررررت لما قال السالفه وانصدمت:eek: <<< صار وجهي كذا قدامه وتغيرت ألوانه ماعرفت أرد عليه وتالي ابتسمت له
ابتسامه مزيفه :dozey: وطلع
وأنا شب قلبي نـــــــــــــــــــــــــــــااااااااااااااااااااااار وقلت مستحيل أحلل أصحابه نتواجه يوم القيامه معاهم
أما زوجي زادت ثقتي فيه وبالعكس من هالموقف حبيتته زياااااده كثر ماانقهرت هذاك اليوم كثر ماحبيته بعد القهر خخخخخخخ:pinklove2

:22: ياهلا بحريم حواء المشعللات يالله حيهم

Dandosh ياعمري والله موقفك صعب مع الهانيه لكن الله ستر وسلم ,, وحسيت بنعمة عدم الاختلاط في مجتمعاتنا الله لايغير علينا ,, بس مبين انك ان شاء الله مليتي عين زوجك عن هانيه وان شاء الله مايشوف غيرك قولي امين

-جنا- كرت مأذون عقد الانكحه ومع زوجك ,, بصراحه معك حق ترتاعين ,, لكن الحمد لله جت سليمه ,, بس اللي مافهمته وقعدت اقلب واحوس فيه هو كلمتك انك فتشتي جيب كندورته !! هو انتم عندكم كندوره فيها جيب :23:


الياقوت اللامع هلا بك الله يهدي اعصابك ويريح بالك ,, هدي يابنت الحلال الدنيا ماتسوى وسعي صدرك وخذيها بالهون وان شاء الله تنفرج امورك وتجين بابتسامة شاقه الوجه وتسولفين علينا ,,ننتظرك بس هاه لا تطولين علينا



--زهراء-- الله يعينك على الاشكال الوقحه هذي اللي تجي تستعرض و تبحلق وتضحك ودك ترقعينها بزبيرية زوجك على خشتها ترفع الضغط هالاشكال صراحه من قبل اتزوج وانا اكره هالنوع
تحسين فيها شفاحه و قله حياء الله يعافيهم ولا يبلانا الحل الأمثل لمعاملة مثل هالنوع اللي مايستحي هو عدم تعريض زوجك ونفسك لمثل هالمواقف ,,


دلوعة^_^ على كذا بينبسط ابو الشباب اذا المدام تتغزل والوقحه تتغزل !! ياسلاااام
على كذا بيحب هالموقف وبيعرضها له كل يوم وهو بينبسط وهي بيجي جلطه بسم الله عليها
والاشكال اللي ماتستحي مارح تكفيها نظره استحقار لانها داريه انها حقيره وشبعانه من هالمعلومه لكن ناقصها سوط يلسع جلدها من الهيئة ..


عفوك ربي لا ياقليبي صحصحي وانتبهي من التلفزيون لا يكون باب شر عليك ماحسبتي حسابه ولا تعرضين زوجك انه يتعود على هالمناظر ويألفها قد ماتقدرين ولا تتكلمين او تصفين احد لا زوجة زميله ولا غيرها ,, ولا هو وش عرفه عن زوجة زميله الا اكيد انك متكلمة انتي عنها فانتبهي ؟

@فتوش@ ايه والله معك حق تغارين الاحتكاك اللي يكون طويل المدى ينخاف منه ,, لكن مادام هذي طبعية عمله فحاولي تحصنينه وتدعين ربك

جنان الخلود طبعا الغيره اللي بحدود هي المطلوبه وحاولي تنصحين زوجك انه مايطالع هالمذيعات والفنانات لان النظره الاولى له والثانيه تحسب عليه وخوفيه بالله وهو مبين انه شخص صالح اللي يخاف على مشاعرك ولا يعرضك لمثل هالمواقف اما مسألة انه مافيه شئ لفت انتباهه فمستحيل الحين الفتن زادت والواحد صار يقول يالله الثبات بس ,, فنصحيه اهتمي بزوجك

ABEEEER اه ياعبير شفتي شلون ان الله له حكمه لما نهانا عن الوصف ’’ تدرين المشكلة اننا نحكي مع ازواجنا بأريحيه زي ما نحكي مع صديقاتنا ناسين انهم رجال و توصلهم المعلومات غير عن ماتوصل لنا ,, صديقتك مالها ذنب الذنب كله ذنبك لازم الحين تسوين جهد عشان تمسحين الصوره اللي تكونت في باله عنها ,, لكن لاتسأليني كيف ,, الله يعينك


القلب الذهب ياهلا بك يالله عاد لا تتغلين اذكري لنا ولو موقف واحد صغنون بليز ..حريم ولازم نغار الله يرحم حالنا وينضر ضعفنا ويصبرنا ويثبتنا

ام الصقرين والقمر معقوله اللي بالعبايات تفتن اكثر من السافرات !! او يمكن عشان العرق للعرق يحن فتشتعل نار الغيره من هالناحيه
واهل زوجك نبهيهم بذوق ان هالشئ يضايقك
وان شاء الله مايشوف زوجك غيرك بالدنيا كلها وتكتحل عيونه وتقر بشوفتك قولي امين


توته عاد اعمى مره وحده حرام عليك طيب وشلون بيشوف زينك .. تعوذي من ابليس بس:30:

غصن الخزامى هلا بك مامرت عليك شعله غيره بحياتك ,, ودنا نسمع صوتك ..


^SwEeTa^ ياهلا بالحلوه اللي طلت علينا ,, والله صادقه اكيد الغيره الموزونه هي اللي مطلوبه
وعلى قولك الرجاجيل يحبون يشوفون هالشعور في زوجاتهم بس لازم الوحده تضبط اعصابها وتتنقى له رد يبني مايهدم .. وترى الغيره في الحريم مو زي بعض فيه حريم غيوراااات خلقه وحريم غيرتهم هينه ,, اضرب لك مثال ام سلمة لما تقدم لها الرسول صلى الله عليه وسلم اعترفت له انها امرأه غيور وطلبت منه الدعاء لها فدعاء لها ,,
والحرمه اللي قصتي قصتها شكلها من النوع الغيور مره الله يكون في عونهم وزوجها يزيد الطين بله بس الحمد لله اللي ربي هداهم واصلح شانهم والله يديم الموده ,,
مشكوره اختي

بتيل 2006 امين امين امين امين امين امين حسبي الله ونعم الوكيل على هالقنوات اللي تفسد وماتصلح ياحبيبتي شفريها وشلون صابره على حرقة الدم شفريها وريحي عمرك قولي له ماحنا ناقصين ذنوب الله يتوب علينا

كلي امل امين ياهلا بك والله لايذوقك طعم الغيره ,,


ملائكة القلوب ياحياتي والله موقفك صعب بس يمكن انتي بمزحك مع البنات واريحيتك لهالاشياء اعطيتيه مجال شوي فديري بالك ,, والحرمه المتزوجه اللي حكيتي عنها ياخزياه كيف تتجرأ الله لا يبلانا بس الشيطان حريص وابن ادم ضعيف ,, و سالفه عرضه لخدماته عليها ومتباعتها لكم من جد تقهر :09: هذي المفروض تنتبهين منها اعوذ بالله من كيد الحريم


تعبااااانه ماشاء الله عليك مريحه اعصابك لكن اعتقد لابد يمر عليك يوم يطلع لك فيه قلب ,, بس ان شاء الله تعدي الامور على خير



ريم الفلا وكلي حلا ياهلا مالك حق تغارين مادام كان رافضها وبعد كانت هالسالفه قبل يخطبك بس لاتجيبين لنفسك الهم ولا تفتحين على نفسك الباب وانسيها خاااالص

الحروف الاربعه ياحليلك اول الزواج مايكونون مستوعبين انه فيه شخص جديد دخل حياتهم و مكترب ومغترب ويحتاج انس وألفه عشان تنفك الكربه اكثر من اي شخص ثاني فتنقهرين منه لانك تحسين انك اولى ولا حولك احد .. يعني مو السالفه غيره عليه من اهله وامه لانك واثقه من نظرته لهم ونظرتهم له لكن السالفه هي غيره سبيشليه :eek:



PINEAPPLE ياهلا بك ياقمر :26:



عيون عصام ههههه انا بريئة منكم ومن نواياكم الارهابيه :30:
هذا واسمك عيون عصام وناويه تعمينها:22: على كذا بيصير اسمك عيون عصام العميانه :eek:
ولووووووو مابيصير هيك لازم تتعدل الجملة وتصير عيون عصام العميانه الا عن زوجته :)

الله يغض ابصارنا وابصارهم ويحفظنا بحفظه ويكفينا بحلاله عن حرامه وبفضله عمن سواه


زهرة الأوركيد فعلا تكرار النظر يرفع الأمبير لكن اللي يعزينا انه لو تعمد يكرر يلحقه اثم
ووراه حساب وعقاب والكل بينحط في القبر لوحده ومارح ينفعه انه قدر يقهر زوجته ولا ماقدر
اما موقفك مع البنت بصراحه انتي مانتيب سهله تكفين عطينا كورسات نتعلم فيها نماذج من نظرتك كانها بتنفع علها تتأدب عقبها والله الحين صار ينخاف على الرجال لي صار لوحده ههههه صدق انعكست الايه الله يعين على ذا الزمان , بس حلو ان زوجك راعى مشاعرك وعدا الموقف بسلام والله يكفينا واياكم شر كل ذي شر

ذايبه بعيونك هههههههههه ياحليلك ,, كون انها طفله عمرها ثلاث سنوات , وكون انها بنت اخته
يعطيك شعور بالأمان الداخلي حتى ولو جاك احساس الغيره ,, يعني غيرة زغنونه الله لا يعرض للغيره المشعلله قولي امين


أنهار العسل ياساتر فعلا انتي موقفك بالصداره الله يكفينا واياكم شر اصدقاء السوء اعوذ بالله شوفي كيف جرأتهم , وترى فتنة النساء مو سهله ابد ابد ابد خاصه على عزوبي
والحمد لله اللي ربي ثبت خطيبك و الله يجعل ثباته دوم وحبه لك دوم بس ياغاليه انتبهي مره مره من اصدقاءه حاولي تخلصينه منهم بأي شكل لإنك لو تزوجتيه وماتغيرت هالشله اللي معه ماتضمنين وش يصير لك بكره ,, الله يوفقكم ويجمع بينكم على خير