كثرة الآراء وفي الأخير المكان المناسب وعن تجربه اللي يكون قريب من مدارس الأولاد وعمل الزوج وقريب من الأهل

كل مابعد الواحد عن هذه الأشياء تعب انا سكنت في منطقه بعيده عن أهلي وعن مدارس أولادي وعمل زوجي

نبي الراحة لكن ما أرتحت الدوام متعب الزيارات متعبه والحمد لله على كل حال والجيران من نظري العلاقة الرسمية في هذا الزمن

أفضل للسلامة من دوشة الراس والمشاكل

مشكوريييييييييييييين وجزاكم الله خير على اراكم من ناحية الاهل لا اهلي ولا اهله موجودين بالرياض ودوامه هو معلم ويقدر يطلب نقل للحي اللي بنسكنه
حبيت اضيف انالبيت اللي راح نشتريه دور نسكنه وفوق شقق للايجار يعني سكن واستثمار
فيه ناس امدحوا المهدية والمونسية وش رايكم

الرياض كله زحمه

اكره الازعاج والزحمه

الله يعينك

يازين المدن الصغيره والهجر

اختي مادامك تبغين استثمار وسكن انصحك بضاحية لبن
البيوت دور كبير ومجلس خارجي بالحوش وثلاث شقق تقدرون تاجرونهم وبسعر حلو يعني في حدود مليون وابع ميه او حسب المساحه انتي روحي انتي وزوجك وشوفي العروض في مكاتب العقار في ضاحية لبن وبتلقين اللي يناسبك والحي انا ساكنه فيه حي راقي وهادي وكل شي فيه وكل يوم يتطور وبعيد عن الزحمه والدوشه هذا رايئ والكلام لك

احسن الاحياء شمال وشرق الرياض