ماهو التلقيح الصناعي ؟

حبيبتي اللي اعرفه التلقيح الصناعي يعملوه للي تعاني من تاخر الحمل سواء السبب هي ضعف في التبويض او زوجها اذا كانت حيوانته المنويه قليله
فمثلا يبداون يعطون الوحده حبوب منشطه وابر تفجيريه ويراقبون لها البويضات وفي اليوم اللي تخرج فيه البويضات تروح هي و زوجها للمستشفى زوجها يروح يجيب عينه من السائل المنوي حقه في علبه ويعطيه لهم شرط تكون طازجه وهم يحطونها في جهاز وينقون الحيوانات السليمه والجيده وبعدين يحطونها فب انبوبه طويله وتدخل في مهبل الزوجه اللي تكون منسدحه على ظهرها بحيث انه هذه العمليه تضمن وصول الحيوانات المنويه الى العمق ويخلون الزوجه نايمه بالمستشفى لمدة ساعتينوبعدها يخلونها تروح البيت عادي
بس مو شرط كل من تسويها تحمل
الدكتوره قالت لي انه نسبه نجاحها 17%يعني يسوون لميه وحده ولا يحمل الا 17
وهذا كله بيد الله اولا واخيرا
اتمنى اني اكون قد افدتك

التلقيح الصناعي ان الوحده ىيعطونها ابر لتكبير حجم البويضات ولما توصل الى الحجم المطلوب يعطيهم الزوج عينه من السائل المنوي فيقومون بتنقيت السائل المنوي
ويتم تدخيل السائل المنوي في داخل رحم المرأه والعمليه ما تاخذ وقت ولا شيى مثل الفحص العادي ومن غير الم

حياج الله اختي ومرحبا فييج :)
اول شي لازم تعرفين ان التلقيح الصناعي يسونه اذا كانت المشكله عند الزوجه

اول شي ياخذون عينه (( حيوانات منويه )) من الزوج طبعا

ثاني شي اذا يحتاج : يسوون لها تنقيه ويختارون النشط منها


ثالث شي ,,
يحقنون العينه داخل عنق الرحم عند البويضه وبس


طبعا تاخذين قبلها ابره تفجير عشان كل ماكان حجم البويضه اكبر كانت النتيجه افضل



لمن تروحين تنسدحين :) ويحطون البطه اللي توسع فتحه المهبل وتدخل شي مثل الانبوب طوييل ويلقحون البويضه

وبس

بعدها لازم راااح وجماع نفس اليوم

موفقه

الله يعافي كل وحدة ردت علي بس ماقلتوا لي هي مؤلمه ولا لا ؟؟
وهي قالت لي تعالي ثاني يوم من الدورة تتوقعون وش تسوي لي ؟؟
انا خايفه مرة وزوجي يقول ماله داعي تسوينها مايحتاج وحملي متاخر وماادري وش السبب ؟؟

حبيبتي .. التلقيح الصناعي ما يؤلم .. والموضوع ما ياخذ 10 دقايق ..

وبعد التلقيح .. تطلب منج الدكتورة انه تنامين وترفع لج ريولج لمدة 15 دقيقة ..

انصحج اختي انج تسوينها وما تضيعين وقت وياريت تصلين استخارة عسب الله يوفقج .. مع الدعاء الكثير ..