شوفي مو كل الرجال ينفع معاهم نعتذر ونتغاضى ونمشي واتركه الين مايهدى واتناقش معاه..
انتبهي..


في نوعيه اذا شافك ساكته وتداريه وتمتصي غضبه في كل مره يبدأ يتمادى جداً ويتعمد يهز ثقتك بنفسك ويلغي شخصيتك، وسكوتك بالنسبه له يعتبره اعتراف بأنك غلطانه..


وبكذا كفة الحياه الزوجيه كل ثقلها يكون عندك ويكون في طرف طاغي وطرف ثاني مستقبل،. تستمري سنه سنتين ممكن تنفذ طاقتك ولاسمح الله الانفجار يؤدي للانفجار..


العلاقه الزوجيه لابد فيها تفاهم وتوازن علشان تمشي الحياه مو شخص طاغي وشخص ضعيف..


طيب الحل؟


الحل عندك، ردي عليه بأدب وبصوت محترم وبالفاظ مهذبه وخلي ردودك جاهزه وذكيه وفوريه..


اذا عنده عيوب لاتتحرجي من ذكرها وتنبيهه عليها (علشان مايعيش دور انا صح وهي اللي دائماً غلط)


عبري عن مشاعر غضبك حزنك او اي شي ينقصك في العلاقه بدون تحرج مثل ماهو يذكر كل شي ويتفنن في ذكر اغلاطك..


خذي حقوقك بأدب وبذكاء ولاتسمحيله يلغي شخصك،
مشكلتك الخوف منه والخوف من المشاكل والخوف انك تتخذي اي اجراء غير الخضوع لأنك تعودتي على كذا..


جربي تعيشي علاقه متوازنه وتتحرري من الخوف وتعطيه مثل مايعطيك بالضبط ولاتعيشي دور الاسفنجه اللي تمتص الغضب لانه بيجيك يوم تنتهي طاقتك وتنفذ..


هالكلام اقوله لك من تجاربي وتجارب اللي حولي، لازم تتخذي موقف وتكون ردودك حاضره وسريعه واذا زعل من نقاشك لانه ماتعود ترادديه تجاهلي وتعاملي معاه بطريقه عاديه ولا كأنه صار شي بدون اعتذارات..


فهمتي هالنقطه؟
اذا ناقشتيه او انتقدتيه او زعلتي(وكان كلامك بدون التقليل من شأنه) وهو زعل اتركيه يزعل عادي عطيه مساحته اللي يستوعب فيها تغييرك وبعدها بدون اعتذارات ارجعي اتكلمي معاه عادي وامزحي واضحكي..


اعرف نوعية زوجك وترا السكوت راح تخليه يزيد ماراح يقدر سكوتك ومداراتك..


الله يوفقك وييسر امورك ❤️🌿

والله شوفي هذا النوع مرح يتغير اخوي كذا واناا مستغربه من زوجته شلون صابره عليه يعني الي زي كذا صراحه مايتعاشرون طلقيه لانو هذيلا يبون لهم حرمه عينها قويه تطلع عينهم تاخذ حقها وتتكلم وماتسكت