اختي اموله
ممكن اجيب لها جوال وبدون كاميرا للضروره فقط اما جوال وبيدها ٢٤ ساعه وبسن صغير لا ولاافكر الصراحه ولما تكبر حتفهم من نفسها باذن الله

الحلوة المغرورة انت الصح والباقين اللي تشوفينهم يعطون اطفال جوالات هم الخطا
وابشرك ترا الدنيا لسه بخير
لسه فيها ناس مثلك مايعطون الاطفال جوالات
انا اشوف السن المناسب هو 16 للولد اذا كان من النوع اللي يخرج من البيت يقضي للبيت او غيره
والبنت اذا تخرجت من الثانوي قبل كذا ماله داعي لانها دايم معك ماتخرج فليش الجوال
ولا تنسون التفاهم معهم ومحاورتهم يعني تقولون لهم سبب عدم اعطائهم لانهم بيجون يقولون لكم ليش ماتشترون لنا
كل اصحابنا عندهم اجلسوا معهم وحاوروهم وعلموهم الاسباب مع الاكثار من الحضن والقبل والحنية يعني مو تقولون لهم:
"ممنوع جوالات يعني ممنوع وخلاص لا تناقشوني " واذا سال ليش تقول :"اص بس ولا كلمة وتراددني كمان "
لا كذا مررة ماينفع
الحوار وتوضيح الاسباب هذا مفيد طبعا فيه البعض من العيال مارح يقتنع باسبابك
معليش عادي متوقع لكن صدقيني بعد فترة لوحده بينه وبين نفسه بيشعر بنوع من الرضى واذا كبر ونضج ايضا راح يرتاح لانه راح يحس بحبنا واننا ماحرمناه بهدف الاذية وحرق الاعصاب لكن لو ماناقشناه وقمعناه " واص ولا كلمة ومافيه نقاش " لا هذي حتخليه ناقم طول الوقت وممكن اذا اكان جرئ يلجأ لطرق مش تمم علشان يحصل على جوال واذا كبر يحس بحرقة وعقد نفسية بسبب الحرمان
الاباء مساكين يظنون انهم اذا اعطوا عيالهم جوالات في صغرهم انهم احسنوا لهم لحب الاطفال لهذي الجوالات
بينما الاحسان الحقيقي للعيال هو اننا نريحهم منها ومن همها الطفل مايعي خطورتها لكن الكبار المفروض يكونون واعين
اعلمك عن شي
انا رافضة اشتري لعيالي ايبادات
ماراح اشتري لهم الا اذا دخلوا مدرسة
كل الناس اكلوني ليش ماتشترين لهم ليش تحرمينهم انت مافي قلبك رحمة
وردي لهم ايه احرمهم
احرمهم من الامراض العصبية اللي تسببها هذي الاجهزة
الطفل تحت 7 سنوات جهازه العصبي حساس ولسه مااكتمل
الاجهزة هذي تسبب نشاط زائد في كهرباء الدماغ مع شد وتوتر في الاعصاب بسبب الحماس
غير انوار الشاشة اللي يظل الطفل مبقق عيونه عليها لساعات كلها تؤدي لامراض عصبية ابسطها الصرع وامراض اكبر منه
عوضي طفلك بالالعاب العادية اشتري لهم الين يشبعون كور مكعبات مواعين بنات ادوات تجميل مسدسات مراجيح بسكليتات
وغيره وغير الالعاب اليدوية والحركية ذي ماتتصورون قد ايش مفيده لهم تحت سن المدرسة

خخخخ كثرت كلام صح

تعرفي اختي ايش المشكله ؟!!!!!

المشكله ماهي متى اخذ لاولادي جوال لااااا هو كذا كذا راح يجي يوم ويكون معاهم ....

المشكله الاهم هو لما يكون معاهم كيف يكونوا ضد اخطاره واستعماله الفكري الثقافي الاخلاقي وكمان الصحي ......

هالشيء هو ايلي لازم كأهل نهتم فييييه !!!!!

وكمان فيه نقطه مهمه هذي الجوالات كل يوم بتطور شكل وبتقنيه جديده ..... يعني الطفل يعطي على طووول بأحدث تقنيه ابداااااا مافيه تدرج بالنوع فهذا يولد ان الطفل او الولد سواء ذكر او انثى ينفتح على كل شيء شيء بهالتقنيه بدون استيعاب ...
فيتعود على بعض الامور ايلي بالبدايه مو فاهمها ولما بس يعرفها ويفهمها يكون متعود عليها وممكن مدمن والتراااجع عنها يكون صعب عليه والسيطره على ولدك يكون صعب جداااا ......!!!

حبيبتي أنتي الصح وتربيتك صح وأسلوبك صح
أما البشر إلي تعطي أطفالها جوالات صدقيني هذ التخلف بعينه
بس ما يبغون يقتنعون !!
أساس البلا الأهل وتربيتهم بدل مايربونهم ع القناعه ويربونهم ع الثقه بالنفس
ويربونهم على إحترام قرارت أهلهم ويربونهم على أساس كلن حر مع أطفاله ومالنا
شغل بالأخرين كاااااان حنا بخير !!
الأغلب الأغلب إلي معطين عيالهم جوالات وأجهزه متطوره صدقيني مبدأهم
الفشخره مبدأهم ما أبي عيالي يكونون أقل من غيرهم مبدأهم ما أبي عيالي
يحسون بالنقص و و و و

هذا غير إنه بعض الأهل مالهم خلق لتحمل أزعاج أطفالهم فيقولون نجيب لهم
هالأجهزه نشغلهم عنا مايدرون إنهم بيدفعون الثمن بعدين

هذا غير إلي يقولون من باب إراحة الضمير إنه إحنا نراقب أطفالنا !!!
تراقبينهم كيف مو معقول بتجلسين 24 ساعه مالك هم غير مراقبتهم
وش بيضمنك هالأطفال مايقومون بحذف أي شي يوصلهم ؟!!

على كلا سبق وناقشنا مثل هالمواضيع وكلن له وجهة نظر ويتحملها
بس ماننسى إننا بيوم راح نسأل عن هالأمانه إلي بين يدينا !
عن نفسي ماسلمت أطفالي مثل هالأجهزه ومعوضتهم عنها بشغلات يحبونها تفيدهم
وتشغلهم

وايت اند بريتي 
صدددقتي والله 
اعرف ولد صابه صرع و كهرباء في الراس وكلام الدكتور نفس كلامك 
شد اعصاب وبلاوي متلتله