ماهو السن المناسب لنوم الطفل في غرفته

موضوعك جا في وقته ...انا بنتي عمرها 5سنين ونصومن شهر يمكن سويت لها غرفة نوم عشان لما أولد ماتنزعج معانا بنفس الغرفه بس لحد الحين ماترضى تنام فيها لوحدها لازم انام معاها لحد ماتنام
بعدين اروح غرفتي وبعد ساعه تجيني تبكي <<<أجل وش الفايده من الغرفه..مع العلم ان الشغاله تنام معاها ...
الحين رجعت تنام معانا وابوها يقول احسن لك من الفرفره بين الغرف خليها تنام الحين معانا واذا جا البيبي يمكن هي من حالها تروح غرفتها...وانا اقول ياااااااااااااااااااااارب
بس انتي اطفالك احسهم صغار ...جربي وشوفي فيه اطفال ماشالله مايخافون وينامون بأي مكان

السلام عليكم
ما شاء الله كبار المفروض يناموا لحالهم
امهم ان تكون حجرتك قريبة من حجرتهم تسمعيهم ان استيقظوا
ويكونوا لا يقلقوا ليلا
ابدئى انك تجلسى معهم فى حجرتهم حتى يناموا
وان استيقظوا ليلا لا تخرجيهم ابقة معهم حتىيناموا
وفهميهم انهم كبار الان
وبهدوء ومع الوقت سوف يتعودوا

اولادي بنفس عمر اولادك وينامون في غرفتهم بروحهم ،باب غرفتهم يكون مفتوح طول الليل ، علشان

اذا حد منهم صاح ولا شي اسمعهم ، وغرفتي قريبه من غرفتهم، في البدايه رفضو ينامون بروحهم ، لكن مع شوية حزم، تم الامر ، ساعدني على ذلك برنامج سوبر ناني اللي يحطوونه على قناة mbc4
وشويةصبر اسبوع واحد وخلاص بترتاحين ، صار لهم سنة ينامون بروحهم، الحمد لله .

الله يوفقك اختي ،

لاو الله يا حبيبتي احسهم كبار على النوم معك لا تتردين خلاص قررتي كملي انا بنتي نامت وحدها وعمرها اقل من السنتين وعادي بس صح اني تبهذلت معها بس والله ما علي منها انا غرفتي قريبه منها بس اهم شي انك تصرين عليها وولدي نام مع اخته لما صار عمره سته شهور والحين بسم الله عليهم اذا جاء وقت النوم راحو عادي كل وحد سريره
بس اهم شي تقرين عليهم وتسمين واحسن شي ما تكون في غرفتهم اي نوع من العاب المجسمات وايضا ما يكون فيها صور
والله يخليهم لك حبيبتي ويحفظهم ربي

الله يساعدك حبيبتي ..
عمر ولدي تلات سنوات واربع شهور

ليلة العيد بكل بساطه اخدته وفهمته انه لازم ينام في غرفته
وصباح العيد صحيته بدري حتى مايتفاجا وقلتله لأنك بطل ونمت في غرفتك راح البسك توب الرجاجيل والغتره زي بابا وزي جدو وخلاص سريرك صغير ومو حلو بنخليه حق اخوك الصغير ..

وطول اليوم وانا انوة ياجماعه ياعالم صلوح البطل نام في غرفته ..

بس فيه برولم صغيره ..انه الصباح يصحى قبلي ..؟؟
طيب وين البروبلم ...
البروبلم انه يرجع ينام عندي هو هدفه يصحيني فأنا اصحى حتى ما يتعود...

احدركم يا بنات من تعويد الطفل على ملاصقة الماما وقت النوم او البابا ماتفرق

لانه راح تخسري وقت وجهد حتى يتعود على الانفصال...