هاهااااهاهاهاههاهاها
حبووووووووبه موتيني ضحككككككك الله يسعدج ان شاء الله
انا اذا بشيل حلاوه اشيل لما يكون بالدوام هذا اضمن شي
بعد انا مااحبه يشوفنى لما اقعد من النوم
الويه منتفخخخ والحاله حااااااااله
اكره شي يشوفنى جذي
اروح ركض على الحمام واغسل ويهي بماي بارد او اي شي يرجع ويهي لطبيعته

ضحكتينى يا حبوبه حيل
وانا مثلكم وزياده انى ما احب زوجى ايشوفنى وانا معصبه على احد من الاطفال ولا احبه ايشوفنى وانا مشغوله بالتيلفون او قاعده على النت ..

السلام عليكم و رحمة الله و بركاته......
عزيزتي بنت العز موضوعك جدا حلو.........
و معظمنا متفقين على المناظر اللي ما نحب ازواجنا تشوفنا فيها ...:)
بالنسبة لي اكره ما علي يجي بدري من الدوام و يلاقيني في المطبخ و شعري منكوش و اصرخ في دانة ساعتها اقول يا ارض انشقي و ابلعيني......وريحة البصل و الثوم وانا قايمة من النوم ...................لا والاقنعة حدث ولا حرج مرة دخل البيت و انا مسويه قناع كأنه طين على الوجه و انا معطيته ظهري وحب يفاجأني انه جه بدري ومادري الا وانا اصرخ و التفت و هو لما شاف المنظر ما في داعي اقول طبعا اتفجع
:)
وبس من يومها مايجي البيت بدري الا يتصل بالموبايل قبل لا يدخل :) عشان يوشف الوضع كيف...:26:
طولت عليكم معليش...:27:
شكررررررررررررررررررا

ا لسلام عليكم اخت بنت العز شكرا على الموضوع الحلو جزاك الله خير انك تنبهين الحريم لأشياء ممكن البعض يغفل عنها واحب اقلكم قصة صارت معى وهي انواحدة نصحتنى بالحناء مع البيض احطه على شعرى وقالت يفيد كثير للشعر وهو من واقع تجربتها والحقيقة ان موضوع البيض هذا ماهو جديد علي بس ماعمرى حطيته على شعرى لانى اعرف زوجى مايطيق الروائح اللى ماهى حلوة المهم الحرمه اكدت لى انه بعد ماينغسل الشعرماراح يكون فيه ريحة ابد وحطيته وغسلت شعرى وبعدين بخرته ويم جاء الليل قال زوجى انت ايش حاطه في شعرك ريحته تلوع الكبد الله لا يوريكم حالتى تمنيت ساعتها تنشق الارض وتبلعنى مت مت من الخجل من نفسى وحاولت انى ابرر اللى سويته لكن تدرون ويش قال




قال راح احلق لك شعرك بالموس ان شميت فيه ريحة مرة ثانيه واريحك واريح نفسى

وبت ذيك الليله وان اردد الله لا يسامحك يا فلانه على هذا الموقف
سلامتكم وسامحونى طولت عليكم

ويه يا عيونى الشيماء ماتستاهلين
بس ما عليه الايام الجايه اكيد ماراح تسوين لانج تعلمتى
:)
ماعليه لا تزعلين نفسج قلبي