~~~~]~~~~
حيل الله اقوى مابقى في يـدي شـيّ
مافيه حل ٍ فـي يـدي .. ماذخرتـه
حاولت .. لكن المحاصيل هيّ هـيّ
الطير طـار ولا بقـى الا شجرتـه
وقفّت اشوف شويّ واغمّض شـويّ
واللي انكسر في خاطـري ماجبرتـه
لين الحقت شمسي على بارد الفـيّ
وشفت ان كل اللي جمعته خسرتـه
من كثر ماعزيت ريقي عـن المـيّ
ملّ الصبر من كثر صبـر ٍ صبرتـه
كم هقوة ٍ ضاعت على سكـة الغـيّ
وكم حلم فـ ( تراب ) الحقيقه قبرتـه
واقف .. وطعنات الزمن كلهـا فـيّ
وساقي لو انه كلّ منـي / كسرتـه
بعد ماعاش اليأس في احساسي الحيّ
اخوي .. لو هو صد عنـي عذرتـه
مدري عن اللي كنت احسبه بقى ليّ
اللي حزمت به الضلـوع وذكرتـه
اللي طوى حالي بحكم الهـوى طـيّ
قصّر .. وانا كل الطريق اختصرتـه
ماهو خطا لاقلت ( تآمر على شيّ )
الا الخطا .. لا اشتقت له وانتظرته
للشاعر مشعان البراق
أتمنـــــــــــــــــــــى أن تنــــــــــــال رضــــــاكــــ
وترتقـــــــــــي لـــــــــذأئقتــــــــكمـــــــ
مــــــــــــع وديــــــــ
ضيـــــــــــم الجــــــــــــرااااااح
الله لا يحرمني منك يالذوق داوي جروحي ياضيم أبي أرتاااااح ....