ماهو ذنبي وذنب عائلتي بما يفعله ابي

صحيح هالشيء ملاحظ بالواقع , بس بعد نصيب ربي لا جاء محد يرده , و مو كل من أبوه سيء حكم عليه بالتعااسة و محد يزوّجه

والله أعرف شخص ربي يستر عليه مافيه صفة زينة , مع هذا بناته كلهن تزوجن و واحد من عياله زوج بنت خالي

صحيح سمعة الأب تأثر , بس تأثر من ناحية الناس البعيدين إللي مايدرون عن الواقع , أما الناس القراب لهم بيكونون عارفين أن الأب ماربّى

الأم المكافحه هي إللي ربّت و تعبت و طلعت للمجتمع رجال يعتمد عليهم ,


الله المستعان , و حسبي الله و نعم الوكيل على من ضيّع الأمانة و أهمل عياله

الله يفرج همكم وهم كل مهموم بالدنيا
صحيح ما لكم ذنب باللي سواه أبوكم لكن حسبكم الله ونعم الوكيل
استمروا في حياتكم وربي معاكم وماعليكم من الناس وكلامهم
،،

بالنسبه لمجتمعنا نهائي مافي كذا
لامن ناحية البنت ولا الولد
بس الولد ينظلم اكثر لان تخافين يطلع على ابوه

اعرف واحد كذا واقوى من فعل ابوك بالف مره وابببد اولاده ماتاثرو لامن ناحية مستقبلهم ولانصيبهم ماشاء الله
بالعكس الناس يخطبون بناتهم وهم لسى ماكملو العشرين ربي يوفقهم لانهم كلهم ثقه وقوه واعتزاز بذواتهم
وكلي امرك لله واصنعي مستقبلك وتفائلي خير

طيب لختي ممكن سؤال صغيرون اخوك الكبير هل تحسين تصرفاته او طبايعه مقاربه لابوك ؟

فعلا واقع بالمجتمع انا اعرف ناس ابوهم سيء والبنات ماشاء الله عليهم دليت ناس عليهم يخطبون منهم رفضوا الرجال قالوا احنا بنتعامل مع رجال بالخطبة وبالزواج وراح يكون فيه اتفاق وامور ماتمشي الا مع الرجال فاإنسان زي كذا كيف نكلمه وكيف راح يكون تعاملنا معه يعني بيفشلنا
الله يصلح احوالهم

فعلا الابناء يدفعون ضريبة تصرفات ابائهم او اماءهاتهم اعرف شاب كل ماخطب يرفض وهو يحمل مؤهلات واخلاق والتزم بسبب والدته التي اشتهرت بقوة شخصيتها ولسانها السليط حتى اضطر ان يخطب من احد الدول العربية