ماهى الامور التى تساعد ربة المنزل علىالاستغناء عن الخادمة ؟؟؟؟

اذا كان عندك في الدور الثاني صاله حطي فيها كنب وتلفزيون وخلي عيالك دايم يجلسون فوق بحيث مايحوسون عليك الدور الارضي واذا جاك ضيوف فجأه يكون البيت مرتب ماتنحاسين ..
وعيالك في المدارس يعني كبار يفهمون خليهم يتعلمون انهم ينظفون ويرتبون غرفهم وشجعيهم دايم على انهم يرتبونها ..
واذا اخذوا شي من المطبخ كاس عصير او اي شي يرجعون الكاسه المطبخ ..
(في البداية بتتعبين معهم بس بعدها برتاحين مرره)

اما انتي والمطبخ .. اي شي تستخدمينه في المطبخ اغسليها بوقتها حتى لو ملعقه اريحلك عشان مايتجمع عليك شي وبعدها يضيق صدرك منها ..
الغسيل والكوي خصصي له وقت معين مثلا في الصباح اذا طلعوا العيال للمدرسه ..

هذا اللي عندي الحين وان شاء الله البنات راح يساعدونك بنصايحهم ..

اختي الحيرانه الله يعينك
من جد صعب الوحدة اذا ماكانت متعودة على شغل البيت
وفجأة يصير الشغل فوق راسها
اول شي استعيني بالله واتوكلي عليه
وان شاء الله شغل البيت يصير عليك سهل
الاخت اوراق بالزمن ما شاء الله عليها ماقصرت
وودي اضيف بعض النقاط
مثلا خلي يوم بالاسبوع للغسيل
والكوي اكوي الضروري منهم مثل ملابس زوجك للدوام وملابس اولادك للمدرسة
والباقي كل مافضيتي اكوي شوي
وتنضيف البيت
الغرف اللي ما تستخدمونها مثل غرف الضيوف مارح تحتاج كل يوم تنظيف
واهم شي انك تعودين عيالك انو خلاص مافي خدامة كل واحد اذا خرب لازم يرتبه
وانهم يرجعون كل شي لمكانه بعد استخدامه
والله يوفقك

ممكن الالستفاده من التقدم العلمي----احضري غسالة الصحون مريحه جدا وتطلع الاكواب يلمعوا---

قطاعة البصل ---قطاعه البطاط والسلطه
لا تنسي غسالة الملابس الحديثه الي تغسل وتملي ماء لحالها والنشافه حق الملابس الي تطلعهم ناشفين من غير تعب ومن غير عرضهم لشمس
ممكن الكوايه تكوي بري على ما تتئقلمي على الوضع---وشراء معلبات واكل مجمد حيثما التعود على الوضع لكن لا تتكلي عليه
اجعلي مفاتيح لكل غرفه واحتفظي باكثر من نسخه لكل غرفه وادعيهم بعيدا عن متناول الاطفال-- وحتفظي بالغرف نظيفه ومبخره----
لا تنسي اذكار الصباح والمساء ---والقيام والبدء بالعمل باكرا فنحن امه بارك الله لنا في بكورنا وصلاه الفجر تشرح صدرك للعمل والتفاني فيه والتسبيح والحمد والتكبير قبل النوم ثلاثه وثلاثين مره -----فلها اثر عجيب في بركة الوقتوانجاز الاعمال سريعا

انا اخالف جميع الاخوات ..

خسارة تستغني عن الشغاله ..

البيت كبير ودورين والاولاد ما شاء الله كبار
وانتي لوحدك

من وجهة نظري (( ستستقدمي شغالة اليوم او بكرة ولن تصبري على حالك ))

اسمعي كويس انك استغنيتي عنها ربنا بيعينك

اسمعي هذه النصيحه من نبينا محمد عليه الصلاة والسلام جاء اليه زوج ابنته علي بن ابي طالب رضي الله عنه يطلب منه خادمه لابنته لان العمل قد اتعبها فماذا قال له الرسول

قال (( ألا اعلمكما خيرا مما سألتماني ؟ إذا اخذتما مضاجعكما فسبحا ثلاثا وثلاثون واحمدا
ثلاثا وثلاثون وكبر ا اربعا وثلاثون فهو خير ا لكما من خادم ))

فودعهما ومضى بعد ان القى في اسماعهم ماينسي المتاعب ويهزم الصعاب

ممكن تجيبين وحده تساعدك مرة او مرتين في الاسبوع يعني تغسل وتكوي

عيالك خلي كل واحد فيهم يكون له دور ولو بسيط وكمان زوجك يساعدك انه ما يعفس الدنيا


حاولي بعد مايروحوا المدارس ماترجعين لنوم لاه في الصباح بركة وبعد الغذاء ارجعي نامي شوي بعد ماتغسلين الصحون

وعشان مااتشعرين بالملل عند الشغل شغلي شريط قران او محاضره شيقه