حينما تزوجت كان زوجي لايعمل وعيشتنا على اهله لان كنت اسكن معهم والعيشه على الاكل والشرب فقط والله عانيت في البدايه وانا ايضا لا اعمل فحينما اريد اشتري ملابس او اي شي اخجل اطلب منه لانه بدون راتب وانا ايضا اخجل ايضا اطلب من اهلي فهذا عيب على زوجي عانيت لمده سنه الى ان بدا زوجي يعمل فتح مشروع والحمد لله لسنا ميسورين الحال وانما مستورين والحمد لله
نصيحه اذا كان عندك راتب وترغبين بالزواج من هذا الشخص ليش لا اقلها اضمني عيال واستقرار على شرط ان لا يكون طمعان فقير وغني النفس اعتبره احسن من الميسور ويذل

لو الزمن يرجع والله اعنس لين اوصل 80 ولااتزوج فقير واتمنى حليب البودره ومالقاه الشكوى لله

رب العالمين قال( المال والبنون زينة الحياه الدنيا)

اذا موضوع المال مفروغ منه انه يجمل الحياه ويجعلها افضل...

وانا ضد ان الوحده تتزوج واحد بدون وظيفه او موظف براتب رمزي يعني 3000 واقل.... لانها ببساطه راح تعاني

لكن اذا كان ميسور يعني راتبه 4000 او اكثر ليش لاء اذا فيه مميزات ثانيه..

راح اقولكم تجربتي وانتو احكمو انا جربت الغني والفقير ... كنت متزوجه واحد راتبه قريب 18 الف والان متزوجه واحد راتبه قريب 5000 الالف..

اش اريكم ؟

نقله نوعيه صح؟؟


لكن لاتستعجلو لانكم ماراح تصدقو لو قلتلكم انا الان افضل واسعد من كل النواحي بما فيها الماديه!!

لمن كنت مع زوجي الغني كنت هبله نوعا ما يعني ماكنت اقضي للبيت كل شهر لا اكتفي اني اكتب الاشياء الناقصه وهو يجيبها وكلها على بعضها ماتجي 400 ريال..
اما الان اروح اقضي لبيتي بنفسي شهريا من السوبر ماركت واشتري كل اللي يخطر على بالي يارب لك الحمد بحدود 800 ريال

لمن كنت مع زوجي الغني كنت مااشتري من الصيدليه الا الادويه الضروريه الان صرت شهريا لازم انزل الصيدليه واغلب الاشياء كماليات بحدود 200 ريال

لمن كنت مع زوجي الغني ماكنت اطلب مصروف شهري لكن الان صار عندي مصروف شهري بحدود 800 ريال


لمن كنت عند زوجي ماكنت افكر اجمع فلوس عشان استفيد منها لاي غرض في بالي لانه ماكان يستجيب لكل طلباتي لكن اللحين صرت مخصصه مبلغ للتوفير وهذه الفكره مهمه للفقير والغني..

على فكره زوجي الغني ماكان بخيل بس انا كنت صغيره وهبله وماافكر بالماديات وطبعا انا اللي طلبت الطلاق منه واستغنيت عن فلوسه لانه خاااين مع القريب والبعيد وغير كذا يعاني من صعف جنسي قوي ...


كثير من الناس لاموني على طلاقي وقالو رفست نعمتها برجولها وماهمهم القهر اللي كنت اعانيه معاه طبعا لان الناس مالهم الا الظاهر..


ولمن اتزوجت زوجي الميسور هذا اغلبهم قالو يعني تطلقت من الغني عشان تاخذ هذا؟!

ومادرو انه الميسور هذا عرفت معاه معنى راحت البال ومعنى السكن الزوجي ...

وعرفت معاه كيف اديير امورنا الماديه واقسم الميزانيه بعقل بحيث اني ماانقص على نفسي ولا على بيتي شي ومااحس بالنقص..

والله ماراح تصدقو اننا ولله الحمد ندخل افخم المطاعم طبعا مره بالشهر مو بس عشان الميزانيه لا عشان كمان يكون لها طعم..

ولبسي الحمدلله كله ماركات واهم شي الذووووق في الكشخه..

الحمدلله جوالي من احدث الجوالات الذكيه اللي نازله...

وثلاجتي عمرانه يارب لك الحمد...

وبيتي كله مأثثته على ذوقي من افضل مايمكن...

واللحين قاعدين نجمع عشان نسافر ان شاء الله...

قولو لي وين احساس الفقر في هذه الحياه؟؟

والله الموضوع كله في انك تقتنعي بالشخص اللي معاكي وتحبيه ساعتها بتحبي كل شي بحياتك واذا حبيتي حياتك خططتي لها صح..

واستمتعتي بكل شي فيها والتعب راح تشوفيه راحه... والفلوس راح يكون لها طعم ... والخرجه لها طعم ... واللقمه لها طعم...

وربي البذخ الزايد مافيه سعاده.... والفقر الزايد عذاب ...

لكن انا ااتكلم عن الازواج ميسوري الحال شوية ترتيب للميزانيه...مع توفير شهري لمبلغ بسيط... مع تخصيص مبلغ للصدقه... مع تفكير ايجابي ومتفائل...مع زوج طيب وحنون

ابشري باحلى حياه...


وحابه ارد على اللي تقول ليش تقرنو المال بالفساد؟

ياعزيزتي شي معروف ان المال يشجع على الفساد...

اذا الرجال يبغى بنات الحرام لازم يكون معاه فلوس...

اذا يبغى يسافر ويفسد هناك لازم فلوس..

اذا يبغى يحشش ولا يسكر لازم فلوووس...

انا زوجي الغني كان الحريم اللي يعرفوه اغلبهم يبغون يتمصلحون من وراه لانه زي ماذكرت عنده ضعف جنسي اغلبهم يبغون فلوسه..

اللي تطلب منه شي غالي .. واللي تبغاه يسدد فاتورتها... واللي تطلب منه سلف...

واذا طلع الغني ملتزم ويخاف الله صدقني راح يخليكي توصلي الاربعين بالكثير ويطقك بالثانيه هذه مافيها كلام ...

والاحتمال الثاني انه يكون غني وبخيييييييل ويعيشك بفقر وياكثرهم اللي كذا..


انا مااقول خذي واحد معدم... لا اذا جاكي غني وطيب الحمدلله..لكن اذا جاواحد ميسور وطيب اصحك تفوتيه وربي تندمي بعدين..

الرجل الطيب جنة المرأه في الدنيا


وعلى فكره مو بكيفك تختاري الغني ولا الفقير ولا تختاري تعنسي هذه كلها اقدااار مكتوبه على جبينك وانتي ببطن امك

والله الفلوس صارت شي أساسي بالزمن هذا كل شي يمشي بالفلوس الا ماندر منها 

فقير ولا بخييييل.