فقير وفي ولا مليونير خاين

الفقير احسن لك معزه بقلبه يقدر الحرمه ومصروفه على قده يادوبك لاخر الشهر ويخلص الراتب وترتاحين ان مافي جيبه ولاريال تنامين نوعا ما مرتاحه
اما الغني يبسطك لكن يعيشك في قلق وهم تخافين في اي لحظه يتزوج والرجال كل من يقول له تعال ازوجك ورجله ممدوده سفريات البعض منهم اذل الحرمه بفلوسه يكون شايفه نفسه عليها قيمتها عنده ليست كزوجه الفقير
وجهههههههههههههه نظري

م ادري بس ترى غالبا اللي تشوفينهم مبسوطين ..

كانت بداية حياتها عدم بس مع الايام يزيد راتبه ويترقى ووو

ف يزيد دخله .. و تتحسن حياته ويعوضها ..

انتي شوفي اذا دخله فيه مجال مع السنين يزيد لاتترددين ..

اما لو وضعه عدم وراح يفضل على حاله !

انا اقول لك فكري و الدنيا تغيرت والفلوس فعلا ضرورية ب هالزمن ..

فكري الف مرة .. الوحده تبي تتزوج ترتاح وتتدلع مو تعيش فقر طول حياتها ..

المشكلة مو هنا المشكلة انه م راح تفضلين انتي وهو وبس ..

بكرة بتكوّنون عائلة والله العالم وش بيصير فيهم ..

وترى كلمة عانس مو حلوه .. الحين حتى ام ٢٥ سنة تقول على نفسها عانس غلللللللط ..

الله يرزق كل الآنسات الازواج اللي يملون عيونهم ي رب ..

حبيبتي انتي شكلك فاهمه غلط الله يصلحك

يعني اذا كان عايش على راتبه صار فقير

لا طبعا

واذا ما شريتي الفستان اللي على موضه الشهر هذا اشتري موضه الشهر الجاي او شي عادي مو لازم تكونين متالقه دايما

بعدين بسالك سؤال

لو خيروك بين شخصين واحد غني وفيه عيوب وواحد عايش على راتبه ورجل بمعنى الكلمه او على الاقل افضل من الغني

اش تختارين ؟

صدقيني الغنى غنى النفس
والفقر فقر الدين والرجوله والاخلاق

لا يكون تفكيرك سطحي وتافه الفستان مو هو اللي بيسترك لا والله ولا عمر الفلوس تعطيك راحه البال
ما يسترك الا رجال يخاف الله فيك وما يرضى عليك الغلط رجال اذا احتجتيه تلقينه سند لك رجال كلمته مسموعه ورايه حكيم

الفساتين تجي وتروح والفلوس وسخ دنيا
بس الناس هم الاصل

ياما ناس كانوا اغنياء وبقدره رب العباد فلسوا ويا ما ناس كانوا ينامون بجوعهم وربي اغناهم
وانا اعرف كثير منهم

يا بنات لا يكون تفكيركم عقيم ولا تفكرون في المظاهر والله ما تنفع احد

عن تجربة ولله الحمد:
بما اني كنت عند اهلي ما احط شي براسي الا اجيبه ولو من فلوسي ماعندي مشكلة اجيبه يعني اجيبه تمام وكنت اهتم ببيتنا عند اهلي كنه بيتي يوم كتب الله اتزوج ويطلع فقير قال ابويه ها تبينه ترا ماعنده وظيفة انت اختاري محد يجبرك عادي استخرت وتوكلت على الله .
كل احلامك بأثاث حلو سوف تتحطم
كل احلامك بمطبخ وثلاجة عامرة يتبخر
كل احلامك بطلعات وخرجات ونزهات تطير
كل احلامك بحفلات ومناسبات واعياد تتبعثر
كل احلامك بتغيير سنوي او نصف سنوي يذهب ادراج الرياح
كل كل كل كل كل كل كل
ويبقي الحب والقناعة والتعفف ولا مانع من الحكره بالبيت لحين نزول الراتب الذي نصه ديون
وبيجي يوم تنقطعين عن الناس فترات بسبب الفلوس
وبيجي وقت تفطرين وتتغدين وتتعشين لا الكذب خيبه وجبتين فقط فطورك وغداك شابورة او بسكوت او معمول مع كاس عصير والله العظيم احيان ماء
وبيجي وقت ولا يكون عند لبس او الابره سوت شوارع في قميصك من كثر الشقوق ووالله العظيم اني خيطت ملابسي الداخلية وعادي انصدمت في البداية بس خلاص تعودت
لايغركم قناعتي يجي عليه وقت وابكي بالساعات على حالتي مع ذا الرجال بس اقول هو وش ذنبه هذا قدرة يالله وعلى ذا الحال يوم باكيه وعشرة راضية والله اشياء كثييييييييرة بتنحرمين منها وخاصة الاجتماعات والحفلات العائلية اذا كنتي اجتماعية ام لوكنتي انطوائية متفرق معك واللى يقهر الناس يعرفون وضعكم المادي ولا يزورونكم عشان لايكلفون عليكم