ماهي اعراض العين والحسد

السلام عليكم
انا كنت شخص ملتزم لبسي كله ساتر

الاغلاط البسيطة اتجنبها

اقوم على البيت وحدي انظفه
النوافل ما اسيبها
المسلسلات ما اشوفها الا نادرا
اغار من الصحابه وازعل اني مو افضل منهم
دافوره
كانوا الناس يمدحوني وكنت افرح واقول لهم مميزاتي علشان يمدحوني ااكثر

تركت الصلاة وصابتني نفسيه
فالبدايه قلق يخليني ما اقعد ف مكاني ابكي مع خوف

الصلاة ارجع لها وارجع اتركها لما نفسيتي تصير زفت
اقلكم اش هي النفسيه
احس بحرارة تخرج من قلبي افح كثير كأني شايله هم كأن فيه طبقات واثقال ضاغطه على قلبي الطاقه صفر غبااء وتناحة شنيعة عصبيه حتى عيوني تقلب كأني اكل مخدرات بؤبؤ عيني يطوف في مقلتي كأن ماتت في الحياه وجهي يصير اسود اوقات احس ابغى اطير من مكاني تجني ابغى مالمس الارض هالاشياء كنوبات واوقات طول اليوم معها اهمال شنيع لنفسي لاكلي طول اليوم جالسة مو قادرة ولا في حالي حتى اسلي نفسي
تعطلت حياتي
فشلت دراسيا
بديت ارسب واحذف مواد وتاخرت سنه وانا اللي درجاتي ماتنزل عن ممتاز مو غباء تركت الدراسه
ادخل الاختبارات النهائية مو فاتحة الكتاب طول يومي نايمه

تعرفون اللعبة العروسه الجالسة بمكانها عيونها سارحة كأن الزمن توقف كأن مافي بطاريه

اوقات على مضض اشد على نفسي احاول ارجع امسك زمام حياتي من جديد وارجع اديرها وارجع اصلي
اقسم بالله نفسيتي تتغير
شفتوا النفسية الللي قلتلكم عليها تختفي
كأن شربت ترياق بس مففعوله وقتي
الحياة تنبث في من جديد
من هنا شكيت
هل شيطان مأثر علي
هل اشتقت للعبادة وحنت نفسي ورجع عبيق من الماضي يحييني
هل نفسي سيطرت علي
هل فعلا عين رغم ان العين اخر همي زمان خفت لما اقراء الاذكار؟
هل عقلي يوهم نفسي بالمرض ويوهمني بالشفاء
هل انا مريضه نفسيا
ماهي الا ايام
حتى انتكس
ماخذه ركن بالبيت كأني جثه اهمال وكأن الزمن رجع وقف عندي
صارلي سنين اصارع على ذا الحال
اقسم بالله ان من حرارة جسمي والقيد اللي احس اني مربوطه فيه كنت اشك عندي مرض خبيث لذا الدرجة كنت اقول ممكن ورم ماثر على هرموناتي ضاغط على الغدة و لا شيء من ذا القبيل اللي احس فيه مو طبيعي

حتى لو حاولت كم يوم برجع انتكس من جديد
تجيني لحظه احس ابغى اصرخ وان كل خليه بجسمي تألمني

ياليت اللي مرت بذا الشعور وتجاوزته تشاركنا بخبرتها ايش اللي فيني بالضبط

تقولولي تعالجي بالقران
اقلكم استغفر الله لكن احس حتى ثقتي بالعلاج تلاشت
خلاص نفسي قيدتني وكبحتني وتم تثبيطي