witty&pretty :

اوووه ياكثرها *النمنم وان الحديقة اللي قدام مدرستي الابتدائية فيها 39 نمنم واذا كملوا 40 بيخرجون وياكلون كل الناس ومايبقى بشر وهم يحتلون الارض طبعا عشت طفولتي كلها جري في جري اذا خرجت من المدرسة اروح جري على البيت واذا رحت البقالة جري اذا طلبني احد شي من المطبخ جري << ايش دخل بس تعودت شكلي *كنا نختبر في المتوسط والمدرسة كلها هدوء وفجأة سمعنا صراخ يفجع بنات يصرخون وصوت كراسي وركض وحالة رعب طبعا كلنا قمنا من اماكننا نبغا نهرب ماندري وش السالفة بس بنهرب مع الخيل ياشقرا<< العمر غالي وانا اختس المهم كان المعلمة اللي تراقب علينا الله يذكرها بالخير ضخمة الله يحفظها فحالت دون خروجنا وضربت بيد من حديد مو هذا الموضوع الموضوع هو الصاروخ الارنوبي النووي اللي اطلقته وحده جنبي الله يسعدها قالت لي: دريتي ايش صار؟ لاحظوا مافيه وحده من فصلنا خرجت ولا دخل علينا احد قلت :ايش صار وانا مرعوبة كذا وجهي (طبعا الرعب اللي فيني ماخلاني اقول لها وكيف ان شاء الله عرفتي ايش صار وانت مكانك ماتحركتي ياعميلة الـ اف بي اي انت) قالت : فيه معلمة اشتعل شعرها نار !!!! :icon810: اه ايش اسوي فيها بالله المهم طلع كل مافي الامر ان معلمة اغمي عليها وهي تراقب والبنات انفجعوا وبس لا اشتعال شعر ولا شي مدري من وين جايبة ذي الافكار الله يسعدها شكلها كانت تتفرج توم جيري كثير *كذبة عام 2000 وان الكمبيوترات بتوقف ويتعطل كل شي والحياة بتوقف والمصانع وانه عام 2001بترجع الحياة بدائية لا سيارات لا طيارات ولا شي لا وكان فيه وحده زودت لي شوي بهارات من عندها تقول حتى الاكسجين بينقطع بيصيرون الناس مايمشون الا بانابيب اكسجين وبتصير حروب على الاكسجين ويتقاتلون الناس علشان يحصلون على الانابيب وسطو على الناس يسرقون انابيب الاكسجين حقتهم :07: النصابة ياني عشت في هم وغم وقلق بسببها الله يسامحها هذي كنت صغيره في حينها وكنت اصدق بسرعة *كذبة 2012 وانها نهاية العالم وتقويم شعب المايا وكويكب نيبرو اللي بيصطدم بالارض طبعا كنت كبيرة حينها وعاقلة واكيد ماصدقتها لايماني بالله مقدر الامور وعالم الغيب

اوووه ياكثرها *النمنم وان الحديقة اللي قدام مدرستي الابتدائية فيها 39 نمنم واذا كملوا 40 بيخرجون...