موظوع حلو وتشكرين عليه.من جد البزارين ازعاج ووصاخه ولأم لاهيه بسولاف وتاركه العيال يعثون وللي يبط كبدك انها ماتقول لهم شي.بس الحمدالله انا بعيده عن القرايب ولا يجوني الا صحباتي وحده ثنتين بلكثير وبدون اطفال.واذا رحت لهم ادخل المطبخ وشيل وحط.بعدين أهل جده غير اغلبهم عندهم خدم مرفهين عمارهم.

صباح الخير

كل اللي قلتوه اوافقكم فيه والله صرت اكره الزيارات واشيل هم اذا احد قال بيزورني

بس في ناس عن ناس تفرق

عندي وحده من الاهل .. زارتني ليلة العيد وااااه كنت مرتبه البيت ومجهزة ضيافة العيد وباقي علي اشياء خفيفه بس من التجهيزات وحاطه ببالي ان بنام وبنوم العيال مثل كل يوم من وقت (بدري)

المهم جات الله يسامحها مع ولدها مع الشغالهوالله يا بنات ان البيت انحااااس والله كان ودي ابكي من القهر وما مشت من البيت الا الساعه 12 بالليل وزوجي تعبان يبي ينام وما اقدر اخليه يدخل لاني ساكنه بشقه واهي منزرعه بالصاله ما عندي مجلس ضيوف وطبعا ولدها عفس الشقه بالكامل والشغاله قاعده معانا ولا كلفت نفسها لحد ما انا طفشت وصرخت عليه فلان اقعد والله بالبدايه قمت اصرخ على عيالي يمكن الام تحس لا والله لا حياة لمن تنادي وطبعا دخلت بجزمتها النظيفه ولما ما بغيت احرجها جبت لها نعال البيت وقلت لها لبسي هذا اريح لك والله رجولها وسسسسخه بدون مبالغه يا بنات اضطريت اغسل النعال ( من قماش زي تبع الفنادق ) عشان تفهمو قصدي شبشب مثل ما يقولو ...وطلعت وناديت على زوجي عشان يجي ينام وفوضت امري الى الله واستعديت للكرف من جديد...

لما دخل زوجي الشقه انصدم من المنظر اللي شافه ... وقام يهاوشني ليش هالعفسه انتي وينك عنهم والقهر ما قدرت ارد ولا ادافع عنها لانها من الاهل ويعرفها زين ... قال لي اهي تقبل عيالك يسوو هالشي ببيتها طبعا لا ... وفعلا يا بنات اذا نروح بيتها تقفل الابواب وتصرخ عالعيال اذا حتى تحركو حركة بسيطه ... وما ترضى على اي شي من بيتها يتحرك من مكانه ...


انا انقهرت من اللي صار لي من تحت راسها وانا مالي ذنب ... لكن ما قلت الا حسبي الله ونعم الوكيل والقهر تزعل اذا كلمتي ولدها واهي ما ترضى تكلمه ... ومرة جابت ولدها والشغاله بس تخيلي تقول لي يبي يقعد مع ولدك قلت طيب وكان ليلة مدارس والله العظيم يا بنات ما جا ابوه اخذه الا الساعه 2 بالليل وزوجي عصب وتنرفز من اللي صار وتخيلي يبي يقعد بالصاله يتابع المباره والشغاله منرزة معانا والجو عندها عااادي جدا ... وانا يوم ثاني عندي دوام نومت عيالي متاخرين طبعا يمكن عالساعه تسع ولا عشر ولا اهتميت فيهم حتى الشغاله تقولي ولدك بينام وفلان يبي يلعب معاه قلت لها ايه بكرى مدرسة ما اقدر اخليه يسهر ... وخليتها تقعد معاه بالصاله وتنتظر معزبها والله اني نمت على نفسي كم مرة عيوني تتسكر واتصلت في معزبها قالت له تعال اخذنا لانهم بينامون هالكلام عالساعه 11.30 ولا جا الا الساعه2.00 بالليل ....

الله يكوت بعون الجميييع لو اقول اللي عندي كان انحشتووو ههههههههه عندي بلاوي ....

هذا مع الاقارب ....بس جيراني لامؤدبات ماتجي ابدا ومعها بزران بس انهم لازم احط من كل شكل ونوووع اتكلف قبل عزيمتهم وعندي قروبات بالجيران الحمدلله بس مافي اطفال اهم شي ...مشكلتهم قروب يجي بعد المغرب زيمشي بعد العشاء حلوووين كذا ومريحين القروب الثاني بعد العشااااء وسهررره وانا انام بدري مشكلتي مااعرف اسهر ولازم غير التقديمات ع القهوه والشاي فطاير ومقليات وورق عنب وحلويات وكيك وبعدها عشاء نظام بوفيه اطباااق متنوعه وصياني يعني انا احب الجيران من غير كلافه اجيها لو بقميص البيت او بجامتي عادي مو ساعه مكياج

انا اهله احيان مو كثير وبالمناسبات الرسمية يتصلون ان وحده بتجي بس

واتفاجا يابنات ان عشرين وحده جايه ؟؟؟؟؟
من اقاربهم

وانا اكون مجهزة تجهيز ع القد لكن يستاهلون قلة ذووق صراحه واغلب الوقت تصير واحيان اجهز لقبيله تجي وحده او ثنتين