مايرفع ضغطي الا ازعاج الاطفال والي تلحقك للمطبخ

ماحب الشرافه

اكره الضيفة الي اذا جاات تقعد تهرجكـ دقيقتين وبعدين تمسكـ الجوال وتدق على امها وعلى اختها وعلى اخت زوجها وما تخلي احد ما تكلمه .. << طيب لييه جاايه عندي من الاسااس ..

واكره ضيوف الغفلة .. ولا اللي تدق عليكـ وتقول لكـ بجيكـ بعد العشااء .. وتنط عليك بعد المغرب .. وين عاايشين ..

وكماان اللي تقعد تنتقد طبخك وفطاايرك وحلااكـ .. افففف .. احس اني للحين مقهوورة منهم ..

واكره الضيفة اللي تدخل المطبخ وتآخذ راحتها بالبيت بدون اذني ..

اه .. تعبت وانا اكتب ..

يسلموو ع الموضوع ..

لابد بالاطفال شقاوه بس مين المتفهمه اللي تتركهم بالبيت.! مع شغاله

زي اسبوع اللي فات انعزمت على عزيمة زواج ماجاب عياله االا اللي معه شغاله

مفروض الوحده تخلي عيالها عند زوجها ولااهلهاا..الخ

ولاتجي بنفاس وترفع السله كل شوي لبزارينها وش تبي هذ ولاهذا..الخ

اللي يضايقني تجيك وحده ولا تسولف طول الوقت ساكته وانا كني مهرج ولا محقق

كل شوي أسال وهي تجاوب المشكله كل اسبوع جايه طيب يابنت الحلال ليه جايه دامك ساكته طفشت ضيعت وقتي معاها

صرت اكره اربعاء وخميس خوف انها تقول بجيكم طفشانه وهي ع الصامت

اللي يضايقني من بعض الضيوف اللي ترمي المناديل ع الارض وع المغاسل وتسوي لعيالها سريلاك وتحط الصحن ع

المجلى مع الملعقه ولا تغسلها ولا اكلهم زبادي وتخليها ع الدولاب طيب فيه زباله ولا عميه واللي تروح بيتها وتخلي حفايض

عيالها في الحمام حتى بدون كيس ووع

وفيه بعض الناس تتعبين عمرك طول اليوم تطبخين وتجهزين ولا تاكل كنها بس تتذوق يعننـــــــــــي مستحيه:09:

وفيه بعض الناس تجيك وقت طويل وتجلس لين تتعشى وماتقوم تساعد بشي

وعيالها انواع الحوسه وهي تقلب في القنوات ولا ع الجوال انا بصراحه لما اروح عند وحده اعرف انها

تتعب وهي ترتب وتجهز لا ستقبالي عشان كذا مستحيل اطلع من عندها وفيه شي وسخ لو ملعقه

كلااااااام كثـــــــــــــير بس أنا وعدتك أرجــع ارد عليك

ياحلو الجلسه لما تكون كلها سواليف وضحك ونفس الوقت ما فيه حوسه يعني الام تنتبه لعيالها عادي عندي يلعبون

بس من غير حوسه والشي الثاني نقوم نجهز العشا سوا وننظف وبعدها صباحي ع القهوه بدل بعض الضيوف

اللي يغثونك في كل شي

ادري طولت بس من الحرره :22: