ماهي الامور التي تفكري فيها قبل النوم ؟

غاليتي(منوره الكويت)
والله موضوعك رائع ومدري والله شكتب لك اشياء كثيره تجي بالي لما اجي انام من ضمنها::

ساعات احب اتذكر خوياتي وسوالفنا وايام الدراسه
وساعات اتذكر اهلي واخواني بحكم اني بعيده عنهم
وساعات اسولف مع نفسي بلهجه غير مفهموم
وساعات اذا كنت زعلانه وابي اروح عن نفسي افكر بمنو بكره اسوي هوشه وياها عشان ابرد حرتي
واوقات يمر بالي حالي قبل الزواج وشلون اللحين بعد الزواج والمسؤليه

والله اشياء كثيره تمر لوا اقعد اعد ماانتهيت (لان خرابيط الليل ماتنتهي) ههههههههههههههه

موضوع كثييييييييييييييييير حلو

انا في الوقت الحالي اول مااحط راسي على المخده تكون صورة ابوي الله يرحمه في بالي لانه من سبوعين مات وابكي لحد مااتعب وانام
والاسابيع الماضيه مثل ماذكرتوا ايام دراسه وشغل بيت سوالف عيالي الي ماتخلص واذا كنت حزينه غصب عني اصيح اذكر امي وخواتي لاني بعيده عنهم ومثل ماقالت الاخت ضيم الجراح
سوالف الليل ماتخلص ومشكوووووووووووره على طرح هالموضوع على الاقل كنت اتوقع اني الوحيده الي غير شكل بس الحمد لله فيه حد معاي

انا اول مااحط راسي على المخدة اتذكر كل المشاكل والمصايب اللي مريت بها واقعد اهوجس وافكر فيها >>>كني بألقى لها حل ; لين يأذن الفجر ذبحني الارق والله بس عجزت أغير هالطبع الاقشر فيني !!!

اشياء كثيرة متنوعه

أتذكر أهلي بما أنني في غربة بعيدة عنهم فأنا أفكر بهم كثيرا
الكثير من الأفكار السوداء أستعرض المشاكل القديمة التي صارت معي وأحسب حساب اللحظة التي سأعود فيها لبلدي لمواجهة المشاكل
أفكر في موضوع إتمام دراستي في هذا البلد
وأحيانا أستحضر مواقف مضحكة
ولكنني لاآوي إلى فراشي إلا والمسبحة بيدي ولساني يلهج بالأذكار ورأسي طايف بالأفكار