احيانا اعصب واقوم الدنيا على الاش وزوجي يزعل مني يقول كل شي ممكن يصير بالهداوه ليش ترفعين صوتك خاصا من عيالي بس لي فتره احاول انسى العصبيه قدر الامكان

كثير اوسوس بنظافه والترتيب وهذا الشي تعبني وااااااااااااايد وتعب زوجي وعيالي من تذمري المستمر منهم احب كل شي يبقى مكانه بس ما انكر انه له فايده احيانا

اكثر شي حز بخاطري لمن التهي مع كل الاقارب بالواتس طوال الوقت وبعدها النت وبعدها تلفزيون ويتخللها شغل البيت والطبخ واحس عيالي مالهم وقت لدرجه ان عيالي يترجوني اعطيهم من وقتي شوي خاصا اني من قبل كنت قمه بالتواصل معهم واحسهم فقدوني ويقولوا ماما سولفي معانا ومره كنت اسولف معهم قبل النوم شوي وما انتبهت الا ولدي المسكين يمسك جوالي ويخبيه بالكومدينا يحسب اني ماشفته قلت ليش حمودي قال ماما خلي الجوال خلالالالالاص ياعمري عليه ومره كنت اكل ومتحمسه اسولف وهم يبون يكلموني ومو عاطيتهم وجه قال ماما حرام تاكلين وتمسكين الجوال يبني اعطيه وجه من يومها صرت شوي واسكر الجوال نهائيا عشان ماسمع الرسايل واحاول اعطيهم من وقتي بس لسى مقصره

احب بشخصيتي التسامح واني ما اعطي الموضوع اكبر من حجمه مهما كان يزعل واحب اني اعدي وافوت للناس اللي يعزون علي بس مقابل اني ما اجرحهم ولا اصطتدم معاهم واني اواجه نفسي بعيوبي اللي بشخصيتي اكثر الاحيان ما انتظر احد يلفت انتباهي لها وابحث وادور للحلول ما استسلم احاول اتخلص من هالعيوب واكسب التجربه واكسب الخبره و النجاح والتغلب على المشكله بنفس الوقت

موضوعك حلو خليتيها وقفه مع الذات

اكره في شخصيتي الفضول و سوء التصرف
احب فيها الصدق ومساعدة الاخرين

اكره نفسي لاني جداً مزاجيه. واحب تسامحي

احب في نفسي السلام مسالمــــــــه لأبعد الحدود..
اكره في نفسي الأنانية..
تشكرااات على الموضوع,,

أكره عصبيتي الزائدة والسريعة بسرعة أفور وأخاف في أحد المرات أتسرع في القرارات
أحب صفه الحمد لله فيني حب لأخيك ما تحب لنفسك وطيبة مع الكل والله يسامح اللي زعلني وأنا صادقت بإخلاص لكن أطنش ويكون بيني وبينه حدود لأن المؤمن لا يلدغ من الجحر مرتين
والإنسان يطالع لآخرته من عمل ويحاول يعدل من طباعه لأن ما فيه حد كامل لكن نحاول