ماهي الطريقه المفضله للتحميم الطفل فوق سنه وليت تكتبون نوع الشامبو والصابون

ياهلا اختي ام اتوري

انا اسبح ولدي في البانيو الي ينباع حق الاطفال الصغار احنا نسميه ( الطشت)

احط فيه ماي دافئ معتدل حق البيبي . واحط ولدي فيه

اغسل شعره بشامبو جونسون للاطفال لادموع بعد اليوم

واغسل جسمه بصابون جونسون بعد او نونو

اذا كان الجو بارد شتاء يعني اخلي ثياب البيبي معاي في الحمام والبسه بعد الحمام مباشره

داخل الحمام يعني . واذا كان الجو صيف البسه في الغرفه . بس اهم شي مافيه مكيف

عشان ماياخذ برد . طبعا انشف شعره عدل واحط فيه زيت اطفال جونسون. بس مش كل يوم الزيت. وفي الشتاء ماسبحه كل يوم في السبوع مرتين او ثلاث مرات

في الصيف كل يوم او يوم ويوم

تحياتي

نسيت اقول شي. اذا كنت مستعجله اسبحه على الطاير يعني في المغسله الي نغسل فيها الايدي . اسرع واختصار للوقت. بس اهم شي تكون المغسله واسعه عشان البيبي يرتاح فيها
مايتضايق

هلا باختي عذاب السنين مشكوره وما قصرتي

حياك الله ام اتوري اسفرت وانورت انا بالنسبه لولدي احممه في البانيو حقه غالباً منتجات جونسون و ادعي لنا في الحرم يا قمر و بالذات نبغى دعوه من الشيخه اتوري

بنتي فوق السنه
اسبحها في البانيو ولازم معاي الخدامه لان بنتي كنها قطوه من يجي الماي على راسها تستخف
اغسل شعرها بجونسون وجسمها بصابون جونسون السائل