انا حتى صرت اكره الخروجات والاختلاط بالحريم والبنات لأسباب أخرى كمان مثل الحش والنم والهمز واللمز

:29:

بنات فيه فعلاً عادات وايد غلط...
يعني تحصلين الريال ملتزم ومتدين ويهتم بالدين في كل صغيرة وكبيرة... ويسمونه مطوع...
ويوم ايووون يخطبون اخته او بنته... يقولج... هذا امه اصلها مادري شووو...
لاحظوا مب الاب.... الأم.... يعني الله يكون في العون.. الدين ما قال جيه يا ناس؟؟؟

عندكم بعد...
الأب أو الأخ اللي ما يرضى انه اخته او بنته تشتغل في مكان غير التدريس...
طيب في وايد اماكن مافيها اختلاط... بس لا عيب.. بنت فلان تشتغل هني لاااااا...
والبنت المسكينة تخصصها غير مطلوب في التربية... وتموت قهر وتقعد في البيت... لا شغلة ولا مشغلة...

في وايد أشياء وصعب نحصرها كلها في رد واحد...

تحياتي لكم....

والله يابنات تبالغون كثير بالعكس في مجتمعنا يتعاطفون مع المطلقات والأرامل والعوانس

وتلقى الواحد يشيل هم أخته وبنت عمه وبنت خاله ويسعى في ذكرهن عند الفلاني والفلاني

عشان يدرى عنهن وينخطبن لكن المسألة مسألة نصيب مكتوب الحمد لله شوفي المجتمعات

النصرانية تعيش مع هذا شهر ومع الثاني سنة ومع الثالث يوم وآخرتها ياإيدز يايمل منها

ويرميها 000

والتكافؤ شي ضروري لازم الوحدة تأخذ واحد له نفس العادات والتقاليد وإلا ترى بتتعب

وأسألوا المجربات

ادري بتقولون نظرة تشاؤمية بس والله ما فيه شئ زين

بمجتمعاتنا بالنسبة للمراة بالذات وهل الكلام ماجبته من راسي

واكبر دليل المشاكل الي تذكر هنا بهالقسم كلها تدل علي اقوله

الاغلب موراضي بس ساكت وديننا الاسلامي دين رائع بس المشكلة بالناس

موعارفة تطبقه وذبحونا بعادات وتقاليد .... وليتهم يطبقونها صح حتى ذي موعارفين لها

والله لوتسمعون او تقرؤن عن معاملة الرسول صلى الله عليه وعلى اله وصحبه وسلم لزوجاته

والصحابة رضي الله عنهم لغير تبكون انا كل ماسمعت او قرات عنهم تمنيت اني منولدة

بزمن الرسول صلى الله عليه وعلى اله وصحبه وسلم جعله الله شفيعنا يوم القيامة امين يارب العالمين.