أول حمل لي كنا فرحانين فيه طبعا
وكنت أكلم أخواتي و أبشرهم
كان نفسي أكلم أمي و أبشرها و أفرح قلبها لكن الله يرحمها و يسكنها فسيح جناته
تأثرت نفسيتي وصرت أبكي زوجي ماكان موجود رجع و انا أبكي
جالس يحلفني يقولي اش فيك قلتله كان نفسي أكلم أمي و ابشرها
فجأة الآدمي قام من عندي راح المجلس ما أسمع الا صوته وهو يبكي بحرقه
صرت أهدي فيه هذا كله وهو ما يعرف امي و لا شافها توفت قبل زواجي بأربع سنوات
كبر في عيني من يومها كل ما زعلت منه أتذكر موقفه و يروح الزعل

موضوع رائع والله يهنيكم جميعا

من احسن مواقفه الاول معنوي وقفته بجنبي بالمستشفى قبل ثلاث شهور
والثاني انا اول ماتزوجت بعده ماتعين يعني مامعه راتب وكنت ع مكافاءتي واول ماتعين واستلم مجموعه رواتبه جاب لي جوال وطقم ذهب
والحمد لله بس الحين صار فيه فتور ياليت يرجع مثل اول
ولحمد لله ع كل حال

طبعا مافيه زوج كامل كل زوج وفيه عيوبه
بس مهما كان لابد ان يكون له مواقف حسنه مع زوجته
حتى لو انه بيطلقها


موقفي
يوم كنت حامل ببنتي الثالثه قالت الطبيبه اللي فيك ولد
وكان مبسووط مره

ولما راجعت بالشهر الثامن رحت لطبيبه شاطره واكدت لي انه بنت
ولما ركبت معه بالسياره كنت خايفه اعلمه ان اللي فيني بنت ونفسيتي زفتت استغفرالله
سألني وش قالت الطبيبه وعلمته وكنت متوقعه انه بيتضايق لو شوي
وصار موقفه بالعكس قال الحمدلله لك يارب معاصينا كثيره يمكن هالبنت الثالثه تدخلنا الجنة
والله طيب خاطري بشكل كبير وعمره ما حسسني انه متشفق للولد ابدااا

والله مافيه مواقف جميله كلها كذب وخيانه وهمال من اللي يحبه قلبك لعدوك