بداية ادعولي بالذريه الصالحه المعافاه..
ابغى اعرف ايش حدود امهات الزوج على حياتكم لاني ماابغى اسوي شي غلط ولاابغى اعمل مشاكل مع زوجي واكون سبب في انه يعق امه لانها ام كبرت وتعبت ولها الحق على ولدها وماابغى الزمن يدور فيني ويقهروني عيالي بسبب زوجاتهم..بس متضايقه من بعض الاشياء وهل لي حق اتضايق او لا..!
اول شي امه تعرف بدخلاتنا وطلعاتنا ولازم يبلغها اذا بنطلع كنوع من الاستاذان ويبغاني اعلمها بس انا رفضت قلت مايحتاج لانك تخبرها بكل شي وعصب علي!!
تحب يقابلها بكل الوجبات فطور وغداء وعشاء وانا اكل مع خواته!!
لو ماعجبها شي مني او مثلا مانزلت عالغداء ولاعشاء تخبر زوجي اني مانزلت او اي شي مو عاجبها لاني اعرف زوجي لما ينصحني بشي اعرف مو منه لاني اعرفه مايهتم بهالاشياء ف اعرف انه احد وصاه يكلمني!!!
تتدخل ف زوجي بشكل مبالغ فيه في لبسه وماتحب يتاخر عالبيت وتدقدق عليه بالاتصالات واذا تاخرنا برا تهاوشه تقول ليش هالوقت انت برى!!!!
تتدخل في تنظيفي لشقتي تقول لي يابنتي نظفي المكان الفلاني تراه خايس وانا رديت بااحترام اقول ان شاء الله واكثر من مره تقول نظفي اعتبرتها ام تنصح بس حيل تفشلت قدام زوجي وخواته !!
ماتحب زوجي يشتري اي شي كونها تعوده مايفسفس ولايبذر لو شرى تلفون ولاشي تهاوشه وليش تبذر ومدري ايش حتى علمته عالبخل وصار يحاسب بالصرف معي وكل احتياجاتي حتى السوبر ماركت مايدفع وطالبته بااشياء وبالصدفه عرفت انه استشار امه بهالشغله اخته خبرتني انه بغا هالشي وقلت لها ايه ناويين نشتريها وكل شي يستشيرهم فيها تعود على هالشي ولما صرت اهاوشه مايخبرني يستشيرهم من وراي
وتتدخل باوقات بيوديني لاهلي مره حبيت اروح لاهلي واليوم اللي بعده جيت عند زوجي واليوم اللي بعده رحت لاهلي قالت له ليش موديها وجايبها وموديها كان حطيتها عندهم فتره وجيتها طيب ليه تتدخلي يمكن عندنا شي!!
واذا شلت شي من المطبخ تسال زوجي وش بتسوي؟؟
واشياء كثيره تحب تتلقف فيها
احس بكل شي تتلقف فيني وفي زوجي وهو يطيعها بكل شي لانها لو زعلت تزعل بالاسابيع ماتكلمه وهو يقول اخاف من زعلها واللي مخليني اسكت لانها طيبه معي مابغيت اخرب العلاقه بيننا
كيف اوقف تدخلاتها وهل هالتدخلات عاديه ؟؟؟
رزة انثى @rz_anth
عضوة
يلزم عليك تسجيل الدخول أولًا لكتابة تعليق.
قطر عز و فخر
•
الله يرزقج بالذريه الصالحه...
من كلامك انتم لسا جدد .. الله يعينك اذا جاك طفل واضح تحب تتحكم بالنسبة لخالتي أم زوجي كنت أعتبرها زي امي لحد ما قلبت علي فجأة ورفضت تستقبلني في بيتها أو تشوفني والحمدلله خليتها بهواها
الام طبعا مهما كبر ابنها تراه صغير ؟؟؟ وانت تقبلي انتقادها بصدر رحب لان الكبير ترا له تجارب بالحياة اكثر من الاصغر بالسن ومهما فعلت بالاخير هي تبغى مصلحة ابنها
البعض من الامهات تغار من زوجة الابن وهالنوعية هذي تحتاج صبر اذا ولدها يستاهل وتعامله مع زوجتة طيب
دائم الام تراء ابنائها ع غلط وتحاول تتدخل حتى توجهم وهذا موب تسلط او تجبر منها
البعض من الامهات تغار من زوجة الابن وهالنوعية هذي تحتاج صبر اذا ولدها يستاهل وتعامله مع زوجتة طيب
دائم الام تراء ابنائها ع غلط وتحاول تتدخل حتى توجهم وهذا موب تسلط او تجبر منها
Falla.M
•
انتي حاولي تفهمينه انو اذا يخاف من زعلها مش لازم يقل لها بكل شي لان مع الايام واذاجو عيال بتكثر مشاويركم ومصاريفكم وبكذا بتنقنقون من التدخلات حتى بدون قصد منها لكن حب لمصلحة ولدها وما تدرك ان الزمن تغير وكل شي اصبح اغلا واللي كان زمان كمالي اصبح الان من الضروريات مثلا عمتي الله يسخرها كانت تكلم واحد من اخواني انو مصروفاتنا كثيره ومن جملة الكلام والله ياوليدي انه جاب لهم سلة طماط وبصل وبطاط كراتين كراتين والله تفشلت من اخوي هذي اشياء ضروريه قلت لها هذه اشياء محد يتكلم فيها ضروريات يعني نصوم اف ما ابغى اتلقف لكن يخرج الواحد عن طوره الله يسخرنا لهن ويسخرهن لنا
Falla.M
•
Falla.M :
انتي حاولي تفهمينه انو اذا يخاف من زعلها مش لازم يقل لها بكل شي لان مع الايام واذاجو عيال بتكثر مشاويركم ومصاريفكم وبكذا بتنقنقون من التدخلات حتى بدون قصد منها لكن حب لمصلحة ولدها وما تدرك ان الزمن تغير وكل شي اصبح اغلا واللي كان زمان كمالي اصبح الان من الضروريات مثلا عمتي الله يسخرها كانت تكلم واحد من اخواني انو مصروفاتنا كثيره ومن جملة الكلام والله ياوليدي انه جاب لهم سلة طماط وبصل وبطاط كراتين كراتين والله تفشلت من اخوي هذي اشياء ضروريه قلت لها هذه اشياء محد يتكلم فيها ضروريات يعني نصوم اف ما ابغى اتلقف لكن يخرج الواحد عن طوره الله يسخرنا لهن ويسخرهن لناانتي حاولي تفهمينه انو اذا يخاف من زعلها مش لازم يقل لها بكل شي لان مع الايام واذاجو عيال بتكثر...
تنخنقون*
الصفحة الأخيرة