صراحه احس هالعلاقه يحددها اهل الزوج وتعاملهم مع زوجه ولدهم اذا هم ناس طيبين وحليوين وعسل ويعاملونها فعلا مثل بنتهم وانها امانه عندهم شي طبيعي بتشيل الحدود بس اذا هم مشاكل او خبيثين او يدقون بالكلام تحط بينها وبينهم الف حااااجز وحاجز وتعاملهم برسميه شديده انا كنت مع اهل زوجي عسل وامه مااناديها الا يمه لانه امي متوفيه ولكن ماطمر فيهم كنت أسبوعيا اروح لها واذا بيتها وصخ انظف وأقول هذي مثل امي وكذا ومع الوقت اكتشفت اني مغفله وغيرت معاملتي تماما الحين يشوفوني كل 3 شهور مره ولا اجلس معهم كثير حدي نص ساعه وانحاااش واحس وضعي ووضعهم تمام ومرتاحين من بعض كثير

علاقتي فيهم بما يرضي الله
لا اضغط علي نفسي عشان رضاهم والتملق لهم
ولا اطنشهم واتحيقر عليهم ،،


اذا قعدت وصار موقف قدامي بينهم او تناقشوا بموضوع يخص البيت
اسكت ولا اشارك ،،
واذا احد كلمني عن احد يوصل الكلام عندي وستوب كاني مانقالي ولا سمعت
و زوجي احثه يبر بامه وماعندي سالفه امك قالت او امك سوت




باختصار سلام ياجاري انت بحالك وانا بحالي ،، مع العلم ساكنه انا فبيتهم وماعندي مدخل منفصل

مدري منين جت الرسميه صارات الدنيا كلها رسميه زوجة اخوي سوتها معنا هالرسميه وهي مشافت منا الاكل خير واالاحنا راعيت دق وطلبات ولاشي بالعكس شايفين خير قبلها واحسن منها وخلينها علي حالتها لدرجة تجي من السفر تجلس اسبوع بعدين تنزل لامي تسلم بعد اسبوع المهم تركنها ولانجلس عندها وتجلي 10دقايق وتطلع وتجي الايام وتولد وتبي احد يمسك ولدها لانها تدرس وجاء اخوي يطلبنا وكلنا عيينا نمسكه تبي الناس خدم عندها اقسم لها 3سنوات عمرها معزمتنا فوق تخيلو درج بينا بس خلي رسميتها تنفعها والحين ردت تحاول يتسولف معنا وحنا ساحبين واخوي طفش من دراستها خليها بسلامتها اقسم حمواتي واهل زوجي كاني بنتهم والله لصارات مشكله وقفوا معي يعني الرسميه متستفدين منها شي اروح ضحك وسوالف واعزمهن احشى نفسي اقول رسميه صح فيه اهل زوج البعد عنهم غنيمه اذا هم شر اما اذا شفتهم عيل لاوالله اعتبرهم اهلي الثانين هاذا من واقع تجربتي وبكيفكم انتم

حدودي معهم مثل حدودي مع اهلي معليششش الي برضاه لااهلي برضاه لهم هم مملكتي الثانيه ليش اشحنها غيره ومشاجرات وكره واذا راقبوني عادي لانك اكيد حتئ انتي بتراقبي وتعرفي طلعو ورجعو هههههههه ... الحمدلله حياتي معهم عاديه وخواته يحبوني وابوه وامه واخوانه وكل شي بعد بينا مكشوف حتئ خواته واخوانه انا عايشه بشقه خارج المنطقه بس نجي ع منطقه اهله بالاشهر لنا سويت خاص فينا ببيتهم يعني باب فلتهم مكشوف لي طالعه داخله وعادي طلعه وتمشيه وبلعكس خواته يقولون مشيها واخوانه يرشحون له مدن نسافرهاا بحكم انهم راحو لها وحياتنا فللله والحمدلله معليش الذكيه الي تكسب اهل زوجها مثل اهلها مثل ما لااهلك لهم هما كمان وريحي دماغك بلا عناد وكرهه وسيطره ومشااااكل حياه حلوووه وقومي بواجبهم واحتررررررررررام فقط ..... هذا راي اتمنا تقبله

هلا قهوة.. يتبارك علينا وعليك الشهر
أنا صراحة بعلاقتي معهم يهمني رضاء أمه وأبوه فقط.
لكن أحترم خواته وما أغلط على أحد وعلاقتي مع سلفاتي رسمية لأن سبق وحده منهم سببت لي سوء فهم مع خالتي.
طبعاً أنا موظفة الحمدلله ومشغولة كثير وزيارتي لهم ساعه أو ساعه ونص لكن أوجب خالتي بهدايا وأدخل معهم بالعزايم وماعمري دخلت وإيدي فاضيه.
والحمدلله الله يتمم علي وعليكم. ماقطعت ولدهم عنهم يزورهم كل يوم ويوديهم ويجيبهم أما أنا لا والله على حسب وقتي.
وعموماً مادامت الوحده منا تنوي خير بتلقى خير.