ماهي طريقة التعامل مع الاهل في اول ايام الزواج.فزعتكم

والله اخاف اقولك عن تجربتى تموتين من الضحك انا ياعزيزتى متزوجه من زمان يعنى بالضبط 18 سنه وكل ناس وطبايعهم يوم الجمعه العصارى بعد ما انفض المولد على قولت اخواننا المصريين وانا منبطه جبدى قاعده بروحى فى الدار (الغرفه) وما معاى احد لان الرجال ما يدش الغرفه على زوجته الا حزه النومه لانه رجل ما يقعد مع الحريم المهم وان اسمع صجه خوات زوجى وبنات عمه واهم قاعدين يغسلون الحوش وينضفون البيت بعد المعازيم لان ايامى ماكثرو الصالات حق الزواجات ولا طاحوا فيها الناس مثل هالوقت مدرى منبطه جبدى من الزهق ويش تبين بطوالتها :24: بطلت باب الحجرة وخميت مكنسه منوحدة من البنات وهاتك ياتشطيف والله من السنع عشتو وضيعت الوقت مع البنات ضحك وسوالف يعنى عطيتهم وجه من اول يوم وهذا اكبر خطا سويته :26: لكن الطبع يغلب التطبع:24:

هلا اختى جما نه انا صارلى سنتين متزوجه واتمنى انى افيدك
اهم شى الا خوات خليك طبيعيه معهم يعنى لا تفكين الميانه ولا تصرين كل يوم لك طريقه فى الكلام
ولا تدخلين فى شى يعنيهم ابد الا اذا طلبو رايك ولا تجبين طارى زوجك ابد وبعدين لا تصرين انتى الى دايم يبربر
ويسولف يعنى بينلهم ان كل شى عندك عادى وانك تحبينهم ووتمنيتى لك با السعاده:26:

السلام عليكم
اول شئ مبروك مقدما :26:
ثاني شئ احسن شي تسوينه انك تتعاملين معاهم وكأنك عند ناس اول مره تشوفينهم يعني كيف بتكونين
طبعا بتكونين رسميه شوي وبعدين ثقيله يعني عن السوالف واللقافه وايد ثقلي شوي
وبعدين اذا تكلم زوجك مع اهله لا تقاطعينه ولا تدخلين الا اذا طلب منك ومن الافضل اذا شفتيه قاعد مع ابوه لا تقعدين ولا تنادينه بعد ولا تنسبين الامر والكلام كله لج بعدين بيظنون انه ماله كلمه عليك يعني رزيه في كل الامور باصح يعني حسسيهم انه هو الكل بالكل
وبس ما بنثقل عليك وايد........ابد ما ثقلت.....ههههه

اهلين اختي ياسمين رهيبة صراحة
مرررة وحدة قمت تغسلين الحوش
الله يستر انا مامن بعد عنك انواع الطفاقة بس اباخذ كورس وشلون اثقل
واصير مرة سنعة

الله يوفقك اختي ’’

والبنات هنا راح يفيدونك اكثر ,, من خبرتهم :)

الله معك