تَعَبت أشيل الهَم عنّك وأداريك
وإنتَ همومي ثقلَهَا ما يهمِّك
لا يا حبيبي .. الزمن لا يخليك
تقسى على قلبي وتسقيه سِمِّك
دنياك هذي , لا تغيِّر مباديك
مهما إستطعت الظلم إعدل بحكمك
ما هي غريبه من يذمِّك يماشيك
لكن غريبه يمدحك من يذمِّك !!
ما كل واحد غاب معناه ناسيك
بعض البشر ينساك لو كان يمِّك
أدري تعزني .. الله يعز غاليك
وإن كان لي عندك معزَّه بضمك
في خاطري كم كلمةٍ : عن تجافيك
وإن شفت دمعاتي إنزَلَت .. حط كمِّك
إسمك حبيبي ويا كثِرها أساميك
وقلبي يفز .. لا جابوا الناس إسمك
ليتك تحس في ضيقتي يوم أحاتيك
أحرق لك أعصابي .. وما حَس دمِّك
غايب بدون أعذار .. ربِّي يجازيك
عطني سبب مُقنع حبيبي .. وألمك
همِّك , جنونك , ضحكتك , كل ما فيك
صوتك , سكوتك , وأرجع أقول: همِّك
طيشك , عنادك , لما تزعل وأراضيك
ترسم ملامح ضحكتي .. وتمحي رسمك
منِّك غير .. لمَّا أناديك
كن الكلام العَذب ... مرساه فمِّك
مهما غلوك قلوب ناسٍ حواليك
أغليك أكثر منِّهُم بس .. لعلمك
أبوك , خالك , إختك , أخوك , ماضيك
ربعك ، جميع الناس , وعيال عمِّك
شايف غلاهم لِك .. أكثر أنا أغليك
والِّي وِصَل ( نِص الغلا ) يمكن.. أمّك
متى اصير ام @mt_asyr_am
عضوة نشيطة
يلزم عليك تسجيل الدخول أولًا لكتابة تعليق.
صح لسانك.. لكن انتي كاتبهاصح لسانك.. لكن انتي كاتبها
دومه مشكوره يالغلا على الاطراء واسعدني مرورك
ارنوبه زوجي لبا قلبك بس انا ماكتبتها بل لطشتها ونسيت لاكتب ملطوش
ارنوبه زوجي لبا قلبك بس انا ماكتبتها بل لطشتها ونسيت لاكتب ملطوش
شايف غلاهم لِك .. أكثر أنا أغليك
والِّي وِصَل ( نِص الغلا ) يمكن.. أمّك
رووووع ــــه
يس ـــلمووو يالغـــــلا
الصفحة الأخيرة
لاعدمناك
دمتي بود
^
^
دومة