حبيبتي شيخة طيبة القلب مو عيب بل بالعكس ميزة تحسب لج مو عليج انتي بس تاكدى من صداقاتج والى ينقرص يتعلم وصدقيني العيب فيهم مو فيج توكلى على الله و خلى كل الغلطات وراج وابدى من جديد صداقات حقيقية. موفقة

موضوعك حلو مره..انا غلطة عمري اني وثقت بأخت زوجي واثاريها قدامي ملاك ومن
ورايه شيطان خبيثه الى ابعد الحدود ..كنت اتكلم معاها بكل برا ئه وهي تاخذ الكلام مني وتزيد عليه بلاوي وتخيلو تعلم ابوها وامها وتنافق بيني وبين اخواته ..انسانه خبيثه وغيوره الى
ابعد الحدود..وزعم انها تحب اهلها ووووو..الله ينتقم لي منها عاجلا غير اجل..
وهذا كله بسبب غبائي واني على نياتي.

سينابون2 الواحد يتعلم من اخطائة والعيب مو فيج الى وثقتي فيها العيب فيها اهيا ام وجهين ديري بالج والله يحفظج

انا غلطة عمري اني استعجلت في الزواج وتنازلت عن حلم حياتي انه يكون لي بيت خاص
لكن هذي قضاء وقدر

وانصح كل بنت انها تتزوج من الرجال اللي فيه كل المواصفات اللي تبي ولا تتنازل عن شي او تستعجل لانها بتندم بعدين والله بيرزقها انشالله

انا غلطت عمري او قدري
انه تركت الدراسه وانا في الثانويه اخر سنه وتزوجت وانا لسه صغيره
اشياء كثيره كنت اجهلها قبل الزواج والسنين هي الي علمتني بعد فوات الاوان
طيبتي الزايده وتجاهلي في اشياء كثيره خوف من المشاكل
وتهاوني في كرامتي لحد ما انداست
وما اقول الا حسبي الله ونعم الوكيل ..... وقدر الله وما شاء فعل