ماهي فوائــد وتجــارب لتظيــم وترتيــب المنـزل وتنظيفــهـ في وقت قيــاسي// تعديل

هلا و غلا

شاهدي هذا الرابط

فيه تجارب لاخوات بالمسابقة

http://forum.hawaaworld.com/showthread.php?t=1702189

ومنكم نستفيد....
متابعة...

هلا اختي انت كأنك تتكلمين عني بيتي جدا متعب في التنظيف دورين واحواش وكله سيراميك والله انهد حيلي انظف مايبان ومع هالغبار الله يرحم حالنا بس 0
لذلك حاولت اخفف عن نفسي شوي وفرشت المقلط وخليت قعدتنا فيه يعني صار التنظيف ارحم شوي ثلاث ارباع الغرفه زوليه 0
والمجالس مسكره بس اشيك عليها ودايما مقفله وكل يوم ثلاثاء امسح السيراميك وانفض التحف والكنب وابخرها0
اما غرف النوم فغرفة نومي الحمد لله ماابهذلها كثير دايما مرتبه وكانت سيراميك وفرشتها وافتكيت وانا كل شوي اطارد شعره منا ولا منا0
اما غرف العيال فدايما انا وياهم هواش واحاول اكون على دماغهم كل يوم حتى تترتب0
والحمامات تنظيفها يومي اغسلهم نص النهار كلهم 0
والمطبخ هم يومي الله يعين بس 0 التنظيف الرسمي الصبح وامر عليه المغرب وقبل انام واحاول اخفف قدر المستطاع من كركبته00
انا مشكلتي الدرج والصالات مهما نظفت تتوسخ 0 الله يعيني وياك واعذريني هذرت كثير من قرفي وترى ماعندي شغاله 0 الله يساعدنا وياجرنا يارب0

مرحبا حبيبتي انا من النوع اللي اذا حطيت جدول مستحيل امشي عليه
فترتيبي اللي ماشيه عليه علشان مااقصر بشي وفي نفس الوقت استفيد من وقتي مايروح كله فالتنظيف
الملابس احاول باي طريقه اني اغسل مره وحده فالاسبوع وانشر الملابس واليوم الثاني تطبيق وكوي
كيف اقتصد فالملابس عيالي ملابس الطلعه مايلبسونها الا للطلعه فالبيت ملابس خفيفه بيجامات وترنقات واشياء كذا حتى لو طلعنا ورجعنا يلبسون ملابس البيت فتقعد ملابس الطلعات نظيفه وما تتجمع عندي ملابس كثيره
في اثناء مالغساله تنتهي بما انها غساله عاديه انا اغسل الدرج او الحوش وارجع للغساله
يوم الكوي اجلس مع اني احب اشتغل وانا واقفه بس علشان اريح نفسي اجلس وافتح التلفزيون على برنامج او شي اشوفه واستمتع واذا عندي مكالمات مهمه وماجلتها اسويها وانا اكوي خخخخخخخخخخخخ بس الحمدد لله ماحترق ولا احرق الملابس
طبعا الطبخ اغسل اول باول وامسح الفرن على طول مااترك الهون تتجمع
دورات المياه اغسلهم كامل اي يوم اكون فاضيه بعد ماينامون العيال وباقي الايام غسيل سريع
عندي يوم فالاسبوع امسح سيراميك كل اللبيت وانشفه وطول الاسبوع بس اذا شفت بقعه امسحا بالخلطه اللي اخذتها من هنا فالبخاخ مويه مع شوي فيري وكل مااشوف بقعه بخه ومسحه وخلاص
واهم شي لاتنسين قبل النوم ذكر الله والتسبيح 33 والتحميد33 والتكبير 34
بس هذا اللي اتذكره الحين والله ييسر لك

الله يعييننا أحس أني بدوامه من البيت والعيال بس أحس أني يوم شريت غسالة الصحون ارتحت كثير وخف وجع ظهري وارسل الثياب للكواي