ماوجدت عنوان لقصتي احتاج رأي حكيمه لاعدمتكن خواتي

السلام عليكم ورحمة الله

طول وقت بقائي بالمنتدى اقرا المشاكل والقصص ولم افكر بيوم اني احط قصتي مهوب لشي لكن سبحان الله سلمت امري لله واعلم انه سبحانه مايخيب رجا عبده وسبحان الله يقولون كلام بالماضي نقصان بالعقل ولاني دايم افكر الناس موب ناقصين كل عنده اللي يكفيه لكن مضطره اكتبها بشكل مختصر انا تطلقت من تسع سنين وكان عندي بنت عمرها سنة والشهر الجاي بسم الله عليها تكمل 10 وتدخل 11 سنةوكان حياتي الزوجية القصير غريبة زي الحلم وتعبت فيها وكرهت الرجال وانا اللي غلطت عليه وهو الله يجزاه خير ماشفت منه الا كل خير وماقصر معي انحست من غير سبب شي مااقدر افسره والحمدلله لكني كنت مضطربة ومااستعدت توازني الا بعد الطلاق .. والحمدلله على قضائه وقدره ورجعت لبيت اهلي ندمت ندم شديد اني تطلقت وحسيت مثل اللي كنت نايمة وصحيت ورجع لي تفكيري وتقطع قلبي على بنتي ولقيت اني منبوذة من امي عاملتني معاملة قاسيه اهانة واحتقار وحرمان من ابسط الحقوق ووصت اخواني مايجيبون لي شي ولا بريال الا معطيتهم وقالت لي اطلعي دوري شغل وطلعت واشتغلت بمدارس اهلية وكنت
اشتغلت بمدرسة سنة وبدار سنتيين وبمدرسة سنتين واول راتب جمعته كان حوالي 1600 جتني وقالت اخوك طبعا اخوي هذا كان مايشتغل وتصرف عليه وترضيه فاتورة جواله 300 عطيني اللي عندك لاني اجمع له الفاتورة وارجعها لك قلت لايمه لاترجعينها بس اذا احتجت شي عطيني قالت طيب واول مااحتجت وقلت لها يمه عطيني قالت ماعندي!!مع ان اخواني وخواتي كلهم مقتدرين وامي مقتدرة وماهيب بحاجة وقالت لااخواني مايفرشون لي الغرفة ولا يحطون ستاير على الشباك لدرجة حتى المكيف عيت يحطون لي يعني الشغاله تجيبينها وتهيئين لها بتفرشين وتحطين لها مكيف وكانت تقول لي اشتغلي بالبيت بلقمتك وكنت ماارد لاني كنت منكسره عيني بسبب الطلاق طبعا مايودوني ولا بنتي لاسوق لا دكتور لا صيدليه ولا شي غاسلين ايديهم من وكانت اختي الكبيرة تساعدني وتوديني مع سواقها من وبنتي صغيرة واخر شي اكتشفت انها بنفس الوقت تحسن لي لكن اشاعت بين الناس ان مالي طاري بالعرس وكنت حاطه عندها باقي ذهبي حق العرس قايله لو حده من خواتي شي اببيعه وشي ابلبسه وامي تطلع وتدخل ولاتجيب طاريي عند الناس وانا صرت اكره الطلوع للناس لاني كنت مااقدر على مواجهتهم ومنعزلة بالغرفة ولا احد يحس فيني
سنين لي عشت على هالحالة لحد رمضان مهوب اللي فات اللي قبله طلعت لهم وقلت تفرشون لي غصب عنكم وتحطون لي ستاير ذبحنا البرد انا وبنتي ( طبعا انا كنت حاطه بالغرفة اللي ننام بها انا وبنتي فرشه قديمة لغرفة حلوس ) وجيت وناديت شغالات خواتي وقلت ساعدوني وشلناها وطلعناها بالحوش ) وقلت تفرشون لي وتحطون لي ولااشتكيتكم وماخلى اختي الكبيرة تدوس علي وتتحكم فيني الا فعلكم فيني وجو فرشو لي وحطو ستاير وتعطوني كل شهر خمسميه ومن قهري من فعلة امي واختي وشلون كل الناس لعبوا فيني دقيت على خطابات وصارو يكلموني وصارت امي تقول مانبي الرجاجيل يدلون بيتنا !! قلت ترى ابدعي عليكم بالليل حرام اللي تسوينه وتحسبت الله وفعلا قابلوا اثنين من طريق خطابات وطبعا كلهم الله يستر علينا وعليهم
طبعا انا اصغر البنات واصغر وحده فيهن اكبر من بحوالي 8 سنين وكل البنات والعيال متزوجين ومافيه اساسي بالبيت الا انا وامي وبنتي الله يحفظها يعني كبار وبيتنا كله شحناء وحسد وكذب ونميمة وغيبة وظلم وبخل وتقتير وخلاص الضعيف ببيتنا ينداس عليه والحمدلله رب العالمين
طولت عليكم لكن ابختم باستشارة عن بنت اخوي المسكينه من حرمته الاولى عمرها الحين 18 سنة ويوم عمرها سنتين تطلقت امها من ابوها وحطهم هي واخوانها اثنين عند امي تربيهم وزوجته امي من حرمة ثانية ويوم كبرو شي رجع امهم لكن حصل خلاف وطلعت وطبعا مسكنهم بعمارة ملك الدور الاول كان مأجر والثاني شقتين شقة للحرمة الثاني وشقة االاولين وفرق بين الاثاث والتعامل والمقاضي وهالبنت امي كسرت مجاديفها من وهي صغيرة محرومة من كل شي وفرق بين العيال ذولا وذولاك طبعا امي عشانه يحب الثانيه خلاص ماتتعرض لها وقالت له عيالك الاولين ماعليك منهم دخل عليهم اكلهم وخلاص تشوفونهم مهملين بكل شي بالصلاة والدراسة وكل شي بنته من الثانيه عمرها الحين يمكن 12 لكن الدلال والعز والبنت الكبيره ضعيفه ومنكسرة وتحملت مسئولية اخوانها من وهي صغيرة وحبيبة وطيبة وامي تحاسبها لو تاخذ ريال من ابوها واللي من الحرمة الثانية امي ماتشوف عليهم شي ظلم صريح
وكانت امي معيية يجيب لهم ابو هم شغاله من يوم طلعت امهم وكانت البنت بالمتوسط وكانت تغسل وتكنس وتطبخ لان مرت ابوهم ماعليها منهم طبعا برضا من امي واخر شي طلع مستاجر الدور الاسفل وضبطه عشان يسكن فيه الحرمة الثانيه وعيالها طبعا بمباركة امي وجت البنت وانهبلت من هالظلم وقعدت تدعي على امي وتحسب الله عليها
والمشكلة امي الله يهديها الضعيف تدوس عليه والقوي تهابة وانا ماابي البنت وهي مظلومة تدعي على امي وامي امس يوم قالت له البنت لاتدخلين فينا وانتي خربتي حياتنا قامت تصيح وتقول تبلون علي ومدري وش مع اني مااصدق هالاشياء انا بنته عانيت منظلمة فمابالك هالمسكينة
ابي مشورتكم يااخوات طبعا القصة جدا ذكرتها بايجاز لكن ابي رايكم