انا ولله الحمد منطلقة من اربع شهور او اقل وبعض الاحيان احن له و وكثييييييير اقول الحمد لله ربي فكني منه
اقروا قصتي
حبيت افضفض
كأي بنت تمنت الزوج الحنون ودعت الرحمن الرحيم ان يرزقها الزوج الذي يسعدها ويعيشها حياة كريمة
مرت سنين عمري واحسها تركض وصلت لعمر 27 سنة عمر الزهور الذي يعتبر بمجتمعي رمز العنوسة
مع ان الحمد لله انخطب كثير بس سبحان الله تتفركش وكان اللي يتقدم لي دكاترة في الجامعة وومهندسين
وانخطبت اختي اللي اصغر مني وتملكت وماشاء الله تزوجت
صرت اشوف نظرات من حولي بالشفقة او اني حساسة مدري
والحمد لله على كل حال
جاء فارس احلامي على حصان كحلي <<< من همي قاعدة احاول اضحك نفسي
جاء فارس احلامي عن طريق اخته التي تعمل والتي اوصلته لفوق وخلتني اقتنع (اعترف اني غلطانة )
كنت ما اشوف فيه (كان مطلق وعنده ولد )
وشرحت لي اخته انه ما توفق مع زوجته لانها قليلة ادب وصوتها طويل وقالت لي الحمد لله طيب وحنون ومافيه مثله
من حماقتي صدقت ورحت قلت لامي وامي قالت لابوي
جاء الولد لابوي وخطب قال لبوي انا بسأل عنك وان شاء الله يصير خير
مر شهر وشوي ابوي سال عنه الدوام والكل مدح فيه واثنى عليه
سال الجيران والمسجد نفس الشي اثنوا عليه (الغلطة ان حنا ماسالنا اهل زوجته الاولى عنه )
توكلنا على الله وتم كل شي على خير جاء وشافني وعجبته بس هو صراحة ما عجبني (قلت استخرت ومع الوقت بتعود عليه )
تملكت ولا طلبنا منه مهر هم اللي جابوا المهر ماكان على مستواي
كان اقل بكثير مما توقعت واقل من مهور اخواتي
ابوي قال اهم شي نشتري رجال
شرطنا عليه بالعقد بيت مستقل وانه ما يتدخل بوظيفتي وقبل بالشرط (كنت احسب هذا الشرط عيب من ابوي بس دريت انه من مصلحتي )
قلت ما راح اشوفه بالملكة (غلطة كبيررررررره ) احنا عادتنا يزور ويهدي ويكلم
بس قلت ماابيه يجي بزعمي استحي
شكله انبسط
مر اسبوع بعد الملكة ما كلم ولا شي بعد بيوم دق علي رقم غريب عرفت انه هو خليت اخوي الصغير يرد عليه
قال لاخوي ابكلم فلانه
رديت عليه ما خذت مكالمته الا 3 دقايق كنت فيها طايرة من الفرحة صوته حلو ههههههههههه
استمرت ملكتنا 5 شهور صار يدق يوميا ويرسل رسايل ويقول لي انا حبيتك وانتي وانتي طيرني فوووووووووووووق
وصار يتشرط يقول بتسووون عرس قلت ايه قال هذولي عدد معازيمنا( بدون مايقول تبون شي مساعدة )
باقي على زواجي شهر دق عليه ابوي بدون ما ادري قال له ياولدي ماجبت الشبكة
ودق علي بعد ما دق ابوي قال لي حبييتي تبين الشبكة او لااااااااااا انتي حددي لو بغيتي عيوني عطيتك
قلت لا مو لازم <<< بزعمي مستحية
ولا سالته عن شقتنا او شهر العسل قلت يمكن بيفاجئني(غلطة)
المهم حجزت قاعة وكل شي ويوم بقى على عرسي اسبوع توفو عيال خالتي بحادث الله يرحمهم ويغفر لهم ويصبر قلب امهم
اجل ابوي العرس
كلم الولد ابوي وقال له يا خال الملكة طولت وانا رتبت وضعي على اجازة وتعرف وضع الاجازات صعب
وانا بجي اخذ البنت ومايحتاج طقطة ولا شي
ابوي قال خلاص هذي زوجتك وانت حر
المهم سوينا حفلة صغيرة ببيتنا بس انا واخواني واخواتي وامي حتى اهله ماجو (مقدرين وضعننا )
جبت مصورة وصونا وفرحتي كانت كبيييييييييييييييييرة
اخذني من بيتنا على الفندق (وانا اقول في نفسي وين موديني للفيصلية او المملكة او أي اوتيل في الرياض )
فجاة وقف بمكان قريب من بيت اهلي واطالع زين شقق مفروشة
قلت يابنت ظروف الرجال طالع من زواج لثاني وتعرفين المادية
اهداني الشبكة وكانت على قد الحال
المهم ما صار شي بها الليلة فجاتني الحلوة والحمد لله صار اسبوع تعارف
جاء من بكرا رحت لبيت اهلي لقيت دمعة بعين ابوي كأنه يقول ياخسارة بنتي على هالولد
سلمت عليهم ورحت لديرة زوجي وانا بالطريق نمت لان لي اسبوع كامل مانمت
ووصلنا للديرة ونزلني الشقة للي بنسكن فيها (ما ابالغ يابنات مو من مستواي ابدا ابدا )
بس صبرت قلت بكرا ببتعدل وربك بيحلها
من اول يوم حطني بالشقة راح لاخوياه ماقال هذي بنت الناس اقعد معها واشوف وش تبي
تخيلو بعيدة عن اهلي شقتي ما فيها تلفزيون ما فيها اكل
رجع بدري ما طول قعد ساعة وحط راسه ونام
وانا ما قدرت انام
(اقول بنفسي بيتعدل يابنت اصبري )
من بكرا دقت الناس تبارك وجت امه واخته وخالاته في بيتي وجابوا هداياهم وجابو تورتات
مر اسبوع ما فكر يقول لي عن شهر العسل شي
يروح لشغل ابوه العصر ويرجع ساعة وبعدين يروح لاخوياه ويرجع الساعة عشرة
ما قال بمشي البنت
بفرجها على الديرة او بوسع صدرها
مر اسبوع قلت له اشتقت لاهلي بروح لهم قال لااااااا خليها الاسبوع الجاي
خنقتني العبرة تذكرت وعوده لي بالملكة قال خلاص الاسبوع الجابي وانا احتري الاسبوع الجاي بفارغ الصبر
مر الاسبوع ويوم جيت بروح لهلي قالت اخته الكبيرة بروح معكم (تخيلو معي اول سفرة لي ولمين لهلي )
من الهبل اللي فيني قلت معليش اللي مافيه خير لهله مافيه خير للناس (تخليو بتروح لزواج صديقة بنت خالتها )
قال لي اركبي ورا اختي الكبيرة ومدري ايش انا خنقتني العبرة وقلت عديها يابنت
المهم الاخت جايبه معها قبيلتها (اولادها والشغالة ) قالت بزعمها خل زوجتك قدام وتحلف عليه ويحلف عليها
انا هنا ضعت يحلفون علي كاني سلعة
قمت وركبت قدام وماعلي من حلف احد واسكر الباب بقوة
المهم طول الطريق وانا احاول اضغط على عمري واقول يابنت مشيها جت على اخته الوحيدة
ودايم يذكر سيرتها بالزينه انها وقفت معاه واختارت حبيبة قلبي ومن الكلام اللي ببلاش
المهم الاخت تقول وقف عن بقالة ولدي فلان يبي عصير وقف عند بقالة ولدي فلان يبي حليب يبي شيبس
وقف بغير لبنتي
خذوا بنتي قدام توسع صدركم
وانا فطست منهم
رحت لهلي وغيرت جو وقعدت عندهم 3 ايام ويسألوني مبسوطة او لا اكذب واقول مبسوطة
ما انكر اني حبيته وبغيبتي يرسل لي رسايل انه مشتاق وووووو
مر اسبوعين رجعت للدوام وهو رجع والحمد لله طلعت وغيرت جو
اللي بالدوام يقولون لي نحفانه وصاير وجهك اسود وشكلك مو مبسوطة
وانا اقولهم لااااااااااااااااااا مبسوطة الحمد لله (العب عليهم وامني نفسي )
مر 3 اسابيع ارسلت له رسالة
اني حبيتك وتعودت عليك بس ياشيخ ارحمني البيت مافيه تلفزيون طقت روحي وكمبيوتري عند اهلي ماعندي نت
وانت ما توديني لاهلي الا كل 3 اسابيع
جاء وحط راسه وقام يخانق ويقول انتي تعرفين ظروفي ووووو
بكيت رحمني وراح من بكرا يشتري تلفزيون
مرت شهر شهرين البيت فاضي ما يجيب الا على قد الطبخة
يمشيني بس بمزرعتهم والسوق ما يوديني النت اقوله اشحن لي بميتين يقول عطيني
اقوله لا تطول السهرة يعاند
مر الوقت صار يقولي انا والله ما استغني عنك انا احبك وانا وانا وانا
وقدر الله وحملت بس على طول سقطت وحزنت عليه كثيييييييييييييير وهو نفسه كان شفقان على ولد مني
لانه دايم يردد علي هالكلمة ابي اولاد منك وبس
والحمد لله على كل حال
صارت سيارته تخرب وصار يقولي معك ستمية اصلح السيارة وانا اعطيه لانه راتبه قليل وما عنده شي
بعدين باع السيارة بدون مايقول قلت له :ليه
قال متعود اسالي امي كم تقعد أي سيارة عندي
مشيناها على سيارات ابوه
لين ماجا يوم وقال لي سلفيني عشرة الالاف ريال بحطها بمقدم سيارة (وهالسيارة بوديك عليها لدوامك )
وانا وياك نتساعد عليها وعلى اقساطها
اعترف انا غبية بس مدري ليش ومدري وشلون اعطيته
مرت فتره وصرت ادفع انا قسط السيارة بدال ما نتساعد وبعدين حيا قلبي
قلت له انا امي تطلبني فلوس وبدفع لها شهريا والباقي ما يكفيني
استحى وصار يدفع
ومرت فتره وطلبني اسلفه 8 الالاف ريال ووعدني انه بيرجعها بشهر 11
وسلفته وقلت له يالله الرجال محتاج ولازم اوقف معه
طبعا طول هالفترة اعطيه هدايا وهو ولا همه
طول هالفتره اتقضى لنفسي ولا فكر يشتري شي
بعض الاحيان انا اشتري المقاضي
ومره شريت لاهله قلت دفعة بلا
والله ان اهله ماشاء الله تجار وابوه مليونير وامه وارثه من ابوها الشي الفلاني
بس فيهم بخل
ابوه صار يتدخل فيني ويقول له بقرتك ماحملت قام زوجي وزعل وطلعني انا وياه برا وقام يعتذر لي من تصرف ابوه
بعض الاحيان يغلط واسكت عشان خالتي وعشان تربيتي ما تسمح ارد على واحد اكبر من ابوي
المهم مرت الايام والشهور وتحملت بخل زوجي
زوجي من شغل ابوه يكسب بالاسبوع مية الف ريال وانا ياغافلين لكم الله
مره دق علي ابوي وقال لي يابنتي احسك مو مبسوطة واحس ان زوجك لاعب عليك وماخذ فلوسك
قلت له لا يبه انا مبسوطة الحمد لله
بالعكس مايقصر ولا يرفع صوته ولاشي
وحنووووووووووون
وفعلا هو ما يرفع صوته وحنون بس بخيييييييييييل
احيانا انام جوعانة واقوله ما فيه اكل يقول تعبان فيني نووووووم خليها بكرا ويجي بكرا
نروح لمطعم ومره على حسابي ومره على حسابه
المهم ابوي تدخل مره في حياتي وقال لي قولي لزوجك انتي مو خدامة وانك بنت ناس وانك عند اهلك مدلعة
قلت يابوي انا ما شكيت لك الحال ولا قلت لك شي ليش تتدخل قام ابوي وحط السماعة
مادريت ان زوجي يسمعني قام يقول لي ابوك شايف نفسه على ايش
ابوك هذا ادخله من كم واطلعه من كم ثاني
ابوك وابوك وابوك
وطلع من الظهر مارجع الا وحده
جيت انا براضيه واقوله ابوي خايف علي وبيطمئن علي
الا واسمع من كلااااااااااااااااااااااااااام يغث وقلت له ابوك يغلط علي وما عمري شكيت منه تدري ليش لاني ما احملك الغلط
كل واحد مسئول عن تصرفه وانت ما تحترمني قبل ما تحترم ابوي
وعلى فكرة انا ضغطي مرتفع وابغى اروح للمستشفى وابغيب بكرا قاااااااااااااااااااااااال لي احسن
(يعلم ربي اني اذا مرض ما انام اقلق عليه وابكي واسهر وهو والله نفس الحالة الا في هذي المرة)
المهم قاعد زعلان يومين ويوم جاء بياخذ حقه قام يراضيني ويقول انسي اللي فات
قمت ورفضت قام وعاد وزاد وسب ابوي
قامت عيوني تدمع وقلبي ينزف من طعناته
ما احترمني ولا احترم ابوي ولا قدر وقفاتي معه وكل هذا واحنا بس مكملين سنة وحده بس
ويقول لي فيه حريم تساعد رجالهم بالفلوس وتوقف وتسدد اجار البيت وانتي عمرك ماشفت منك مساعدة
وطلع من البيت
وكلمني وقال انا احبك بس ما اتحمل احد يتدخل وانسي اللي فااااااااااااااااااااااات
وابوك على عيني وعلى راسي
المم صفينا يومين ورحت لاهلي وقابل ابوي وقبست بينهم
ورفع صوته على ابوي وابوي بغا يضربه (ابوي ماشاء الله بنيته طويل وعريض وماشاء الله قوي )
بس تمالك نفسه عشاني
وقال لبوي انا متحمل بنتك وبنتك ما تطبخ وما تنظف البيت ووووووووووو وما تزور اهلي
(والله اني ازور اهله يومين بالاسبوع وبيتي نظيف كل يوم انظفه وابخره واجدد فيه ودايم اغسل البطانيات والستاير بس بيقلب السالفة علي لانه خايف اني اشتكي )
انا ما دريت باللي صاير تحت لحظة الهوشة قام ابوي وجاني وقال لي السالفة
انا صرت بين نارين
رحت وكلمته وما رد وقفل جواله
كلمته من بكرا لقيت جواله مسكر
حاولت لين مر 3 ايام فتح الاخ جواله وقال لي ابوك كذاب ابوك مربي لحيته كذب (ابوي امام مسجد )
قلت له تعال تفاهم مع ابوي عندي
ابغى اسمعك واسمعه
قال بجي
وجاء ونفس الشي كل انفعل وقال له ابوي احلف بالمصحف اني كذاب قال ياخال انا الحين مو طاهر
بس ما صار من اللي تقوله شي
المهم هدا الوضع وجاب سيرة زوجته الاولى وقال انها كانت مليلرديرة وانه ما حبها
وانه ماعمري خذت منها وقام حلف على المصحف
(يابن الناس تو تقول ما ني طاهر وفجاة طهرت)
وقال انه عمري ياخال ما لمست من راتب بنتك شي <<< عيني عينك
انابنت فلان معروضة علي وبنت علان مهداة لي
انا طول هالفترة ساكته وعرفت معدنه زين
وطلعت
وطلع وسكر جواله
وصار يرسلي لي انه بيتزوج وانه ماراح يطلق وان نجوم السماء اقرب لي
وبعدين يقول لي انتي مو رخيصة
ويرسل بتزوج
صاير متذبذب
والله قعدت عند اهلي شهرين لا فكر يتصل ولا احد من اهله كلم او سأل علي الا سلفاتي
الله يجزاهم خير
بس يرسل لي انا راح اتزوج
استخرت ربي بالطلاق ورفعت عليه قضية خلع
والحمد لله خلعته باول جلسة لاني من جد كرهته كررررررررررررررررررررررررررررر هته
والله ما ودي احس اني ظلمته بس هو ظلمني
وفيه اشياء كثيرة تشيب منها الراس
وياليت تقولون لي هل انا غلطت يوم خلعته او كان من الممكن اني اصبر لين يتعدل
لان مابي احس اني ظلمته
دق فليفل يا كمون @dk_flyfl_ya_kmon
عضوة فعالة
يلزم عليك تسجيل الدخول أولًا لكتابة تعليق.
Ms-Mona
•
امم
والله احسس اللي سويتيه عين العقل
اكرررهـ شي انو الرجال يصير بخيل
الحمدلله عندك اب ماشاء الله مدلعك وحاطك بعيونه
انتي انسسي هالتجربه ولاتفكرين كثييير وان شااء الله ان ربي بيعوضك خير
اسسستغفر الله الحي القيوم واتوب اليه
والله احسس اللي سويتيه عين العقل
اكرررهـ شي انو الرجال يصير بخيل
الحمدلله عندك اب ماشاء الله مدلعك وحاطك بعيونه
انتي انسسي هالتجربه ولاتفكرين كثييير وان شااء الله ان ربي بيعوضك خير
اسسستغفر الله الحي القيوم واتوب اليه
لا لا هذا وضع ماينسكت عنه كنتي عايشه بجحيم
وانتي شكلك ببيت اهلك متنعمه االحمدلله
لاتندمي على اي خطوه تخطينها
والله يرزقك بلي احسن منه
وانتي شكلك ببيت اهلك متنعمه االحمدلله
لاتندمي على اي خطوه تخطينها
والله يرزقك بلي احسن منه
حبيبتي صار الي صار وانتهى الموضوع ليش تفكرين في الموضوع وانك ظلمتيه ومااعرف ايش خلااااااااص كل واحد راح في طريقة والندم ماراح يرجع شي وكل شي صار مكتوب ومقدر وعسى ربي يعوضك بأحسن منه ان شاء اللهحبيبتي صار الي صار وانتهى الموضوع ليش تفكرين في الموضوع وانك ظلمتيه ومااعرف ايش خلااااااااص كل...
انا بعض الاحيان اقول يمكن اني ظلمته
ونزلت قصتي عشان كل وحده مقبلة عال الزواج او متزوجه تحاول تتدارك نفسها قبل ما تطيح في ورطتي
حبيبتي نزلت قصتي من باب الفضفضة
والله يجزااااااااااااك خير عالدعوة
ونزلت قصتي عشان كل وحده مقبلة عال الزواج او متزوجه تحاول تتدارك نفسها قبل ما تطيح في ورطتي
حبيبتي نزلت قصتي من باب الفضفضة
والله يجزااااااااااااك خير عالدعوة
الصفحة الأخيرة
خلااااااااص كل واحد راح في طريقة والندم ماراح يرجع شي وكل شي صار مكتوب ومقدر وعسى ربي يعوضك بأحسن منه ان شاء الله