الله يسر امورك موضوع اللهيه مره جاني في الواتس مقطع عائله اجنبيه كيف تفطم بنتها من اللاهيه علقوها في بالون وخلوها تطيره بصراحه حسيتها مررره حلوه الطريقه
ان شاء الله اكون افدتك

الف مبروك والله يرزقك بالولد الصالح أن شاء الله أنا أقول بنتك الكبيرة أبدي علميها على الحمام أصبري عليها حق شهر وان شاء الله تتعلم لأن البنات على طول يتعلمون واللهايه ذوبي شويه (مر)مع مويه وأذا طلبت اللهايه غطسيها في المر وأعطيها وأن شاء الله تكرهها لأن طعمه مومقبول واذا ولدتي بالسلامه خذي شغاله أذا ظروفك تمام على الأقل تمسك البيت وأنتي أهتمي بنفسك وزوجك والعيال

الله يسهل حملك وولدتك


الله يجعلهم من الذريه الطيبه

الحمدلله يا أختي أولاً وآخراً اللي منّ عليك بالذريه ..
غيرك والله يتمناها وعلاج وادوية وعمليات كله لأجلها وأنتِ من أولهم كونك جلستِ ٤ سنوات بلا حمل ..

اللي ابغى آقوله لك يابعد عمري
أولاً اتكلي على ربك والجئي له واستعيني به ، فلا خاب ولاندم من اعتصم بذي الجلال سبحانه ..
الأمر عسير وما أكذب عليك وأقول سهل ويسير لكن مع الاستعانه برب العباد اللي خلقك وخلقهم راح ييسر لك جميع امورك ويكون في عونك ..
الأمر الثاني .. رتبتِ وقتك من الآن ضعي جدول لكل شي أيام الطلعات ايام التنظيف والغسيل جدول بالطبخات اليومية الطبخ الخ .. واذا جاء طفلك بمشيئة الرحمن حاولي تستغلين وقتك وتنظمينه واحرصي ع اوقات الصباح استغليها بالتنظيف والغسيل سبحان الله وقت الصباح فيه بركه عظيمه فما كذب المصطفى صلوات ربي وسلامه عليه حين قال ( بورك لأمتي في بكورها ) وهالأمر مجرب ..
الأمر الثالث .. اعطي نفسك إيحاء من الان أنك أنتِ قوية وقادرة ع إدارة شؤون حياتك ومنزلك وأطفالك وزوجك بكل براعه وجمال ، وابعدي عن نفسك أي ايحاء سلبي دائماً رددي بينك وبين نفسك أنك قوية بالله أن الله راح يكون معك وأن الله بيساعدك .. الخ من الايحاءات الايجابية واربطيها بالله أهم حاجة ..
الأمر الرابع .. ممكن اذا عندك قدرة مادية تحددين يوم في الاسبوع تجيك شغاله بالساعه تكوي الملابس وتغسل دورات المياه ( انتِ والقارئات بكرامة ) الخ من أعمال التنظيف ، وأيضاً ممكن تستعينين بعد الله بالأجهزة الكهربائية الي تخفف عليك أشغال البيت مثل الغسالة الأتوماتيك والمجفف والحراري وغسالة الأواني مرررره تفيد ياقلبي وتشيل عنك عبئ كبير بإذن الله ..
وكمان ممكن تشترين الأواني البلاستيك اللي استخدام مره واحد مريييحه جداً ..

وفيه حاجة كمان جميلة
ممكن تحددي يوم ف الأسبوع يكون لك ولزوجك تخلي أطفالك عند أحد أقربائك وتروحي تستجمي مع زوجك او حتى تقعدوا في البيت بس اهم شي يكون هذا اليوم لكم لوحدكم تغيرون فيها جو بعيد عن الأطفال وإزعاجهم وتنعشون فيها آرواحكم ..

هذا اللي عندي
وبالتووووووفيق ياعسل :)

أسال الله العظيم رب العرش الكريم أن يسهل حملك وولادتك وان يدبر وييسر لك جمييع شؤونك
و يرزقك ربي بر أطفالك وصلاحهم ويُقر الله بك عين زوجك ويملأ حياتكما أنساً وسعادة ..

ما قصرو الأخوات وخاصة أختي مخملية الله يحفظك ويحفظها

ما شاء الله هذا رزق وفضل من الله ..بس اللي باضيفه زيادة انك لا تخلي زوجك خارج الدائرة ويوقف موقف المتفرج لا استعيني فيه بعد الله منها يخفف عنك ومنها يشاركك مسؤليات أطفالك ويحس انكم فعلا جزء منه وهو جزء منكم ..وإن هذولا الأطفال مسؤولية مشتركة بينكم انتم الإثنين مو مسؤوليتك انت لحالك.