..*.. ..*..
...
× الرســــالهـ ×
...
يا بعــد كــل الرسايــل.. هالـرساله
توّهـا ما كمّــلت عمــر الطفــوله
طفلــةٍ فيهــا العطـر يا طـووول بـاله
ودّه يفـوح و يبـوح.. وهـي خجــوله
مثـل طبــع اللي كتبهـا مـن دلالــه..
في تضــاريس الزمـن و اربـع فصــوله
دالــه لا جيت أشـوفه.. شـاف حــاله !
ما حصل لي منْــه لو نظــره عجــوله
صار عنـدي راس مـــال.. و راس ماله :
ضحكةٍ معــها عقــل.. بس مهبوووله !!
لا ضحـك في مسمعي كنّـي قبـــاله
كنّـي اقطــف ورده و عـقده و لــوله
و احبـس بعينـي خيــالٍ من جمـاله
و ارفـع لسمـعي يدي كنّـي بـ اطوله !!
و أرسم لـزوله شكـل يشبه خيــاله..
في خيــالي.. والاّ انا ماشفت زولــه !
كلّمــا حرّمتــه.. القانــي حلالـــه
و كلّمـــا عنْـه أبتعد.. قرّبت أنــوله
كنـت أفكّــر مـرّه.. ألقـى لـي بـداله
دام وصـله صعـب والأصـعب وصـوله
قلـت : يـااللـه نفـترق.. كلّـن و فــاله :
قال : ياالله . : قلت : لحظــه !! من يقوله ؟!
أطـري الفــرقا.. وانـا مــا مـن صماله
وادري ان فرقـاه.. ماهـي بالسهــوله
كم عــذولٍ قد عذلنــي في وصــاله
ومن عذلــني قلــت نفـس المقــوله
مــا يخلّــي حالــة الرجّـال حــاله
غــير : بـنتٍ في مــواقفها رجــوولـه !
...
...
× رشــيد الدهــام ×
...
مدري شلون @mdry_shlon
عضوة نشيطة
يلزم عليك تسجيل الدخول أولًا لكتابة تعليق.
الصفحة الأخيرة
وننتظر جديدك