هالأيام خاصة الصباح والليل نجلس نتنافض من البرد
وما يدفيك الا يا تنامين في سريرك وتتلحفين بس الله يعينك على الكسل وشغلك يتراكم
مالك الا تقومين و تسوين لك دلة قهوه وزنجبيل وحليب:35:ماتحب الحليب
وتشبين النار اذا عندك بيت شعر ولا مشب الله الله ياسلام صدق الصبح في الشتاء له نكهه
لا لا قبل تشبين الضو تسوين الحنيني
الحنيني للحنونات سموه الحنيني عشانه حنون من احسن انواع الغذاء (بر +تمر) فيعد الثنين من افضل الغذاء للإنسان يرم العظام ويجدد الخلايا ويعطي فيتامينات ومعادن من خلال التمر و يعطي بروتين وكربوهيدرات
بنسب متساويه ولاننسى ان افضل الطعام هو
وفايدته كبيره للي فيها الدوره وللنفاس وللناس العاملين والبردانين والطعم ياسلاااام
من كم يوم وانا مشتهيته وكل يوم اقول لابو الشباب بكره اسويه وكل يوم بكره وتعبت ومرضت وطبت وماسويته والفطور امس كان حنيني بس حسافه ماعندنا بيت شعر ولاشبينا ...
بلا هذره وبربره >>>تو الناس
المقادير:
تمر بدون نوى معجون او تطلعين نواه..
دقيق بر الكميه حسب عدد الاشخاص (انا حطيت 3 اكواب وكفى ل5اشخاص )
ماء للعجن
ز بـــده حسب الرغبة أو سمن ممكن
هذا التمر بعدما طلعنا النوى (انا افضل التمر العادي واطلع النوى منه وهذا احسن من المعجون الجاهز لأن الجاهز يصير فاتح ومايعطي لون وطعم طيب مثل اللي معجون بالبيت)
Swr052
العجين حين حضرته فقط دقيق بر عجنته بماء وتكون العجين مو سمكيه مره ولا سايله تكون اقرب للتماسك..
Swr038
ونجهز الحديد حقة الرصع او المراصيع وقبل نرصع بدقيقتين نشب عليها النار , انا حطيت بدال الحديده صاج تيفال >>توها شاريته خخخخ
Swr026
بعدين حمي الصاج او الحديد وجيبي مغرفه وخذي كميه متوسطه بالمغراف من العجين وحطيه على الصاج ويكون حامي اول شيء خلي النار عاليه بعدين هديها واذا حسيتي الاطراف نضجت اقلبيها على الوجه الثاني حتى يتحمر الجهين مضبوط مراصيع عاديه بس تكون ثقيله (يفضل ان يكون فيها شوية حراق )شوي مو كثير...
Swr040
انا طولت وانا ارصع عشان 3 كاسات مو قليله فحطيت تقريبا 9اقراص وبعد ماجهزتهم بصحن قطعتهم عشوائي بهذا الشكل
Swr042
وبعد مايستوي الرصع وتقطعينه تاخذين بيدك كميه من التمر المعجون وكميه من الرصع او المراصيع وتعجنينهم سواء بيدك حتى تنتهي من كل الكميات ويفضل يكون بفرامة اللحم (تكون فرامه مخصصه للرصع للناس اللي يسوون دايم او تضعين شريحه خاصه للحنيني)وممكن تخلطينهم بيدك
امي الله يطول بعمرها تحط كميه صغيره تمر وكميه صغيره رصع بالفرامه وهكذا حتى تخلص....
اعجني التمر كويس مع الرصع وصفيهم بصينية زجاج او بادية ستيل اللي تجبين وحطي عليها زبـده وفلفل اسود حسب الرغبه
Swr053
دخليها الفرن من تحت فقط حتى تكون حاره ويغمق اللون ويعطي ريحه طيبه وتذوب السمنه او الزبـده وتكون النار متوسطه وفي الفرن لمدة ربع الى ثلث ساعه فقطيعني من 15 الى 25دقيقه تقريبا
Swr054
وبكذا يكون جهز الحنيني وذابت الزبــده وجهزي القهوه معها او الزنجبيل وحليب وتنعمي باحلى فطور مفيد
Swr056
ولاتنسون الردود ي اخواتي الحبيبات الطيبات وايقونة الشكر جزاكن الله خيررر
وفي رواية لمسلم : « مَنْ شَهِدَ أَنْ لا إِلَهَ إِلاَّ اللَّهُ ، وأَنَّ مُحَمَّداً رسُولُ اللَّهِ ، حَرَّمَ اللَّهُ علَيهِ النَّارَ » .