اللحين هالموضوع عشان قالك سويلي سندوشت؟؟ معليش مع اني انا سلبيه واحط مواضيع لكن انتي تعديتييني بمراحل لو قالك سويلي كبسه ايش بتسوين تطعنينه بالسكين كن محد حمل غيرك بالدنيا دراميه انتي بزياده مدري وش تبين بالضبط ترا كل الحريم يسوون غدا وعشاء وفطور وحوامل وع وجه ولاده وعندهم اطفال محد تشكى يختي انتي تدورين الزله ع زوجك الله يعينه عليك اذا م سويتي اكله وش فايدتك بالبيت تراه كله خبز وجبن مايحتاج كل هالشي مدري وش تبينا نقولك بالضبط عشان نرضيك يومني حامل اطبخ غدا وعشاء وعادي الوضع

ياكثر حلطمتك

هو غلط ماراعى وضعك
بس صدقيني مايقصد يضايقك أو يزيد تعبك.
في لحظات الصفاء قوليله بأدب ساعدني شوي بالذات في الأيام الي أكون تعبانه فيها.

عادي ومعروف ان اغلب الرجال كذا اتكاليين نسوي صامولي والشاهي حتى كاس المويه نجيب له مايسوي شي وش المشكله ؟
لااشتكينا ولاتضايقنا احمدي ربك ماقال ابي كبسه سوي لي صامولي اسهل شي يختي اجر من الله احتسبيه




مشكلتك لاعبه فيك هرمونات الحمل ومزاجك متعكر ٢٤ ساعه وكارهته تدورين عليه الزله واضح وهالشي طبيعي من الحمل انتي اولدي بالسلامه ويصير خير
بعدها بتقولين وش هالشكاوي اللي كتبتها وتضخكين على نفسك

٢٠ سنه متزوجه ماعمري قلت له لا مااسوي لك هالشي وانا زعلانه منه ابدا
مو حرب هي ترى !! اعطيه اللي يبي بس برسميه ومااكلمه ابدا كلمه ورد غطاها مااجلس عنده وعالصامت يعرف اني متضايقه وزعلانه على طول فيقول الله يعافيك ياام فلان يعطي كلمات زينه ومدح اذا طعته ويوضح على ملامحه انه عارف غلطه ماابي يشوف علي شي ويشتكيني عند احد ولا يقلبها علي ابيه يتحسسسف فهمتي ؟؟ اما اني بتهاوش وماراح اجيب لك لا غلط مو بزارين حنا؟؟ كذا بتصير كل يوم مشاكل ومناقر وضيقة خلق والنفسيه صفر وش حادني

الحياة الزوجيه احترام حطي تحته مليون خط وموده ورحمه

ليه اسوي له لان اللي يحترم نفسه يلقى اللي يحترمه
وانا تعلمت اني احترم نفسي في كل شي والله يحترمك غصب وتخف مشاكله ومشاكلك معه
شفتي معاملتي هذي له كان يقول لي لا وليش ونقاش اذا بغيت شي بعدييين يوافق الحين يوم فرضت احترامي لنفسي قدامه من اطلب منه قال ايه موافق وسوي اللي تبينه ويشاورني اذا يبي يشتري له شي ياخذ ذوقي واعلمه حتى عيالي اذا خذهم بيشتري لهم ملابس ولاجزم الله يكرمك يرسل لي صور اختاري وش احلى صار لين معي ويطيعني لكن لازم صبر وطولة بال تعلمي الحكمه واكسبي الشي اللي في صالحك ترتاحين وترتاح نفسيتك والله وخلي التحلطم مامنه فايده الا النكد ووجع الراس

حملك حاطينه عذر لك يمكنك كارهته
الا اذا انتي كذا معاملتك معه قبل الحمل الله اعلم

لابد من المشاكل ومحد مرتاح كلن عنده اللي مكفيه  لكن الواحد يتعلم التغاضي عن الاشياء التافهه ومايكبر المواضيع


لكن اشياء كبيره ضرب لاسمح الله مايصلي  يتعاطى مثل هالاشياء لا طبعا مانسكت  بتكلم معه وافهمه مافاد ادخل اهلي يتفاهمون معه ابحث عن حل 

زي مشكلتك الان هل تعتبرينها تسوى الشكوى؟؟ والله شي تافه ونكدتي على عمرك وبس عشان ايش ساندويتش 

تعوذي من ابليس بس 


كتبت لك هالرد الطووويل واتمنى تسمعين نصايحنا وتطبقينها

والله لمصلحتك ❤️