مايسوي هالحركات الا بخيييل والا انا غلطانة؟؟؟؟

يااارب عونك

بخل ؟؟
لا مبالاه؟؟
احتقار لي؟؟؟
شي عادي؟؟

ما ادددري ايش اصنف تصرفات خطيبي

مملكه
من شهوور
ماجاب لي جوال ولا اي هدية ثمينة مع انها متعاارف عليها في عائلتنا

جوالي صاير يهنق هالايام
قلت له

قالي ابشري اجيب لك غيره
كلمني بعدها
قال باجيب لك مستخدم

لان جالكسي اس2 باقي غالي

مع ان هو معاه جالكسي نوت
وقبله جالكسي اس2 جايبه

وكل فتره يغير لنفسه جوال ويدلع نفسه

مدري ما استحى وهو يقول لي اجيب لك مستخدم

الحين ودي اقوله
ليش تجيب لي مستخدم ؟؟
مع العلممم ان عنده فلوس
والرواتب الايام الجاية رح تنزل

احسه بخييل
بس احيانا اقول لا مو بخل ليش لانه يصرف ع نفسه وكمان يجيب لي ورد من فتره لفتره
ويجيب لي معاه احيانا بسكوتات وكذا

بس افكر احياانا انه يشوفني ما استاهل !
ليش لانه حتى فالشبكة ماجاب ساعه لي وجاااب لنفسه :angry2:
وبعده فتحنا موضوع الساعات وقلت له انه ماجاب بمزح فقال اسف ومدري ايه وانه رح اجيب لك
ولا جاب

شبكتي كانت من اررررخص شي في سوق الذهب

دبلتي ارررررخص شي ومرره خفيفة

والحين يقول ما اجيب لك غوايش فالذهب :eek:

لا تقولو الذهب غالي لان عنده

وقلت لكم قبل كذا لما قال نسافر ما ادري فين والحين طلع ماعنده سالفة ولا يبي يطلع برا

فووق هذا زي ماقلت لكم قبل مقصصررر فالصلاااة بس كلهم يقولون لي اهم شي يصلي واذا صرتي عنده بتعودينه يحافظ عليها وتصحينه له


افكر اكلمه بصراحة في كل هذي النقاط
واقوله اذا كان بخيل ومقصر فالصلاة
فانا افضل الانفصال قبل الزواج :(

بس حيييل متردده
قلت استشيركم وماخاب من استشار ولا ندم من استخار
استخرت وباقي استشيركم
هات شوركم
تعبت اسكت وهي بخاطري
خصوصا موضوع الجوال لان حتى امي واخواتي يلمحون انه ماجاب لي و امي تقول اطلبيه بس اختي تقول اللي عنده ذوق يجيب بدون طلب

انا ماهمني الجوال والسوالف هذي ورب البيت لا تقولو طماعة
بس بيني وبينه بتصير حياه
اخاف يكون بخييل
ومضيع صلاته

تكفون ابي نصااايح واراااء وتجارب الله يوفقكم