متزوجته من سنتين ونص انسان عجاز واناني ومستهتر همه التلفزيون والجوال وطول وقته منبطح مافيه خوف من الله يقول بنت الناس في ذمتي مسؤول عنها ماقصرت قايمة فيني بطلعها وبوديها ومن ثاني يوم خذته وخواته الله يعينك عليه عجاز مايودي ولايجيب
وفعلا صدقوا بس خواته لاقين احد غيره يوصلهم وتزوجوا رجال ماشاءالله شغالين سواويق لهم لكن الله بلاني فيه ولاعندي أحد غيره يوصلني
للاعياد ماروح الا آخر يوم في رمضان اشتري اغراضي
لرمضان الناس الحين تقضوا مواعين وملابس وانا قاعدة
شاريه شنطة مواليد لبنتي وجلست شهر عندي ابي ابدلها وبالطقاق وداني ولما رحت قالوا الا ستبدال في 14 يوم بعدها مافي قالي ذبيها زبالة على باله ملونير زمانه
جاء الشتاء وخلص والله العظيم ماطبيت بر معه
تجي الأمطار والخير وتروح مادري عنها وهو خايس في مرقده
حديقه ورانا ماقد طبيتها
عروس ومناسبات وعزايم مايوديني اروح مع اهلي ومو اي يوم فقط ويكند وانا عند أهلي
تنانير ابي اوسعها من الشتاء قضى وجاء الصيف ولارحت خياط
مستاجر جنب اهلي عشان اقربله للمشاوير منهم ولهم
اقولكم الان لي سنتين ونص ماقد رحت لسوق الا بالصياح والطقاق واقعد يومين زعلانه وقولوني ينتفخ وراسي يبطبط وهو بارد ولاهامة قاعد عالجوال والتلفزيون خايس في كنبته
تعرفون متى يصير هب ريح ويقوم من مكانه فررررريرة لما يخرب جوال او نت او دش فقط لاغير
عروس من يوم خذته مارحت الا زواجين وبحب الخشوم وبرضو لازم ابكي
ماقدر استوعب اني بعيش مع واحد زي كذا السنين اللي قدام الله يمد في اعمارنا مو معقول على محل ابو ريالين حذفة حصا او ابدل أغراض ماروح الا بطلعة الروح وينه عن اللي يروحون سوقه آخر الدنيا
حتى وظيفة او دورة مافي امل انسي مشاوير غير انه يبي عشا وغدا وملابس مغسولة وبيت اكرف فيه مايستغنى لازم امورة كلها مجابه
دالوب عمر بنته سنة مافكر يشتري مواصير وبزابيز الحمامات والسخانه والغسالات خربانه لها شهور
الدش اتروش من غسالة اليدين والله العظيم ولافكر يصلح
يجي ويكند ويروح على خيابته واستراحته مستهتر ومطنش ولاعنده دم
لو اهله اقصر عليه بشي اوووووه ياكبرها عند الله بيجون لحد بيتي ويرفعون السنتهم ويزبدون ويرعدون لكن لو مرة وحدة أجيب طاري انه مايودي ولايجيب مايرضونها وبيردونها علي وبيعطوني محاضرات عن اني منيب راعية جوادة وسناعة وان مافيني خير إني أحشه
أول ماخذته على نياتي راح عمري معه في المطبخ والمواعين والغسيل والكوي ومتفانية واجتهد ولاافتح فمي وادعيله واقول بكرة يتغير يتعدل يتبدل الحين خلاص مل الصبر مني ادعي عليه واتحيسب من كل قلبي جعله يشوف ويذوق ماشفت وذقت منه واهله الله حسيبهم مايرضونها عليه
وهو وظيفته يرقد و يبلع ويلبس ويطلع استراحته بالأربع ساعات
وبنته ولا يأكل ولايشرب ولايشيل ولاينفع ولايشفع ذابها علي اسم ابو جيد بس يلبسها ويستعرض فيها عند أهله
ولو لهيت بتلبيسها او ترضيع او توكيل ليه غداك ماجهز ليه هذا محيوس ليه ماكويتي ليه ماغسلتي خواته ازواجهم متسنعين تبي تاكل امسك بزرتك ولا كل هوا وانشب.
بالله وش الحل مع الاشكال ذي طبعا عادي عنده اني ازعل يرتاح مني ويروق مصيري بطلع واطبخ
ماعنده مشكله يقوم يصلح له قرص بيض ويحوس المطبخ ويبلع ويرقد
الانسان هذا عجزت فيه قمت فيه وماقد رديت له طلب بكيت قدامه ونفس الوضع مايطلعني الا بالصياح والزعل لما اطنقر وينتفخ قولوني واهيج
جعله يذوق ماذقت منه
سمية@ @smy_18
عضوة نشيطة
مايطلعني حتى لو لأقرب مكان إلا بعد هواش وصياح وينتفخ قولوني كيف أعيش معه باقي العمر
44
7K
يلزم عليك تسجيل الدخول أولًا لكتابة تعليق.
lolo 110
•
كتبتي المشكلة كلها بالعنوان ماقصرتي هههه....طولي بالك يا اختي شكلك كاتبة المشكلة بعد ما طلبتي منه شيء ورفض فطلعتي كل شيء بقلبك...احسن حل بما انك قريبة من اهلك اطلعي معهم وريحي راسك..وعفكرة اغلب الازواج كذا ما يحبون الطلعات وانا زوجي لو ابغى اشتري شيء بطلوع الروح اما يودينا مطاعم وجلسات عادي وحدائق بسرعة البرق لانه يكره الازمة...يمكن زوجك كذا اطلعوا خلال الاسبوع وان ماوافق خليك مع اهلك وريحي
ميما25
•
والله مدري ايش اقولك الله يعينك ويصبرك جربي يوم تضربين عن الشغل واذا جا وتكلم قولي كل اللي بقلبك زي مايعطي ياخذ مو تجلسين تعطين طول عمرك ولا يبين بعينه
كيف كذا راح تكملين باقي العمر رضا ولا مااااارضا خذي لك لسته ارقام سواويق وتقضي امورك وهو يدفع اجرتهم حلوه هذي عليه ترا انتي ماراح تعتبين فتحه الباب انسي لازم تشوفين حل معاه لبسي عبايتك وقولي احتاج ذا المشوار اذا مارضا قولي بكلم سواق اذا سوا سالفه لاتطبخين ولا تنظفين ولا شي لين يتسنع . واذا قلنا نبي نسوق ياحريم حواء قلتوا لا زحمه حرام عيب شفتوا كيف هذي النتيجه بدون ذكر ماتقدرين تقضين امورك
الصفحة الأخيرة