مايعطيني مصروف ويلومني

كيفكم بدخل ف الموضوع على طول لان منجد شي يقهر
وحده من صديقاتي ارسلت عن الضمان الاجتماعي المطور ان يمدي الزوجه تاخذه اذا عندهم قروض او زوجها متقاعد بس تضيف نفسها وعيالها بس
انا من زمان اقول لزوجي ليش ماتسجل في الضمان يقول لا ويشوف نفسه وهو متقاعد راتبه مايجي حتى اربع الاف لان عليه قرض وقلت ليش انا مااسجل دام هو مايبي على نيتي ماادري وجيت سجلت وحطيت بياناتي لقيته انه ضايفيني ومسجل فيه بس ماقالي عشان اذا نزل شي مايعطيني وكلمته قلت ليش ماتقولي قال من شهرين سجلت قلت خلاص انا دخلت وسجلت وحطيت رفض ابي اكون لحالي انا وعيالي عشان يعطوني وزعل مني قال بسببك ماراح ينزل شي لنا عشانك حطيتي رفض وسجلتي لحالك مع العلم اني ماقدرت اضيف عيالي معي لان هو حاطهم معاه ولما شفته زعل حذفت التقديم وحسابي كله قلت خلاص ارجع ضيفيني والله يبارك لك فيها ماابي شي قال بعد ايش خربتي علينا قلت انت تبي تاخذها ساكت وماتعطيني ولاريال وانا بحاجة الفلوس !
وربي يابنات حتى اغراضي الشخصيه يمر كل شهر مااقدر اشتري شي صرت اخلي بنته هي الي تشتري وتطلب وانا اقعد وانزل السوق واخليها تاخذ الي تبي واطلع بيدي فاضيه
كنت احتاج بس عطر وساعه قبل كم شهر واحاول اشتري مااقدر وجتني هديه من اخوي وقاعده اقتصد بالعطر
وقبل فتره امي مرسله لي اغراض هدايا لي انا وعيالي والله يابنات اني متفشله مااقدر حتى اجيبلها هديه لو بمبلغ بسيط💔كم تعطيني وتسويلي طول ذا السنين ماقدرت ارد شي مع انها ماتنتظر مني شي ياعمري بس انا ابي افرحها حتى ماشاء الله حافظه القران اشوفهم يسوون حفلات وهدايا اتخيل بس اني افاجأها واسويلها شي يبسطها ماني قادره والله😭😭
قاعد يبني برا غرفه وحوش وامس يقولي عشانك بس انتي ماتستاهلين والله مااحط فيها ريال ووقف بناء من فتره ماعد كمل
مااشوف اني غلطت كثير سجلو فيه واخذوه من غير ازواجهم من زمان كان اذا جت زياده على راتبه ماكان يقول ولايعطيني الا حقت شحن بس
فيني غصه وقهر مو قاده ابكي😭
وربي ماشاء الله تبارك الله كثير ازواجهم مع الرواتب يحولون لهم من الف والفين انا حولي بس100 كان مستلفها مني
غير ان عيالي ماعندهم لبس صاحي وربي قديمه ومعدومه واشترالهم قبل 4 شهور بس من لبسه وحده قلتله بطلبلهم من المواقع قال ماعندي خليها بعدين
عاد جت بنته وكلمتني تقول تبي فساتين وملابس وبالمره بتطلب للعيد قلت خلاص اطلبي من شي ان وطلبت ب500 وانا قلت خلاص بحاول اطلب الشهر الجاي بس الي يقهر اهلي بيجون الاجازه ماعندي ملابس دايم اكررها من سنين 💔 وفي ملكة الاسبوع هذا بحضرها بنفس الفستان الي اكرره دايم قلت بنزل السوق اشوف قال منتي من النوع هذا الي يشتري كل شوي يضحك على بكلمتين وهو ذا الفستان من عيد الاضحى وربي كل ماجت مناسبه او زواج لبسته
واليوم يسبني يقول تبين تكونين مستقله عني تاخذينه لحالك قلت انت ماتعطيني ولاريال ولااشوف منك شي وانا ماكنت ادري انك مسجل ماقلتلي قلت انا اخذه واقضي بس احتياجاتي منه قال انا بصرف عليك مابقصر بس انتي مافيك خير والله يابنات مايعطيني ولاماكان فكرت اسجل ف الضمان حذفت حسابي من الغبنه
مدري انا غلطانه او لا؟😞