مايغار علي و حاذف وجبة العشاء

السلام عليكم ورحمة الله وبركاته
بنات تحملوني ازعجتكم بمشاكلي 
اللي خلاني اكتب موضوعي اني
توي قريت موضوع لعضوه ان زوجها يغار لدرجه شهر السلاح عليه
انا عكسها تماما والله مايغار  وعندي مراجعات يحطني عند باب المستشفى ويروح والدكتور رجال لاتقولوا روحي لحرمه هو زائر كل شهر يجي 3ايام للمستشفى لانا بمحافظة صغيره جدا وزحمه عليه واشوف الحريم يطلعن مع رجالهن غير انا انادي الممرضه تدخل معي لانها حاطه لها مكتب ترتب الملفات عند باب العياده 
وزوجي لايغار ولايحس كم مرا اقوله ادخل معي ويطنش والله العظيم لي سنه ونص كل شهر اروح للدكتور ولاعمره دخل معي دايم يتعذر 
وكمان تجيني اتصال ع جوالي اقول مين ويقولي ام محمد اقوله غلطان ويرجع يتصل ومره طفشت وقلت لزوجي كلمه ودق الجوال عنده لمافصل ولا رد عليه 
كيف اخليه يغار ويهتم ابغا كيد حريم لاني طفشت والله 
ومشكلتي الثانيه تهون مرا عند بقيه مشاكلي 
انه مستحيل يحسبني بالعشا  ادا جاب من برا يعني يجيب ساندوشت له ولاطفاله وبس او بروست قليل جدا يادوب يكفي العيال 
 وبس 
لي اسبوعين اطلبه بعشا نفسي فيه ولا يجيب واليوم قلت ابغا عشا من المطعم الفلاني نفسي فيه 
قال والله ماني جايب وراح جاب ساندوشتات له وللعيال وبس 
ومستحيل يقضي للبيت او خبز بس غير اقوله 
قبل يومين  جاب عشا له ولعياله قلت جيعانه جيب خبز وع الجوال ومطنش 
المهم انشغلت بالبيت ورحت قلت  ماصارت لي ساعه اطلبك خبز وماجبت

وزعل  وقالي ترفعي صوتك لعشان خبز قلت مو مساله خبز وجوع ابغا اهتمام تقدير منك 


وحاط اللوم علي اني احاسبه ع كل شي ونكديه وما انطاق  وكل شوي يقولي لعشان خبز 
ولما صحيت لايتكلم معي  وانا عادي اتكلم معه ابغا الحياه تمشي 
 انصحوني  انا ع غلط ومشفوحه بالاكل 
ولازم تصير عندي كرامه ولا اطلبه  
لاني كم مرا اطلب ولا يجيب 
قبل شوي قلت كلمه له ابغاه يحس وانا والله ماكنت جيعانه قلت   
اشرب قهوه ع الجوع الله يستر لا توجعني بطني 
ولا اتكلم ولاحس  مع اني طلبت قبلها عشاء ولا جاب لي
او اتخلى عن وجبه العشا وخلاص ما اطلبه  حتى لو جاب من المطعم اللي احبه اقول مابغا كرهته  لان فعلا مالي نفس فيه من كثره ماشتهيته  ع الفاضي 
وفيه ايام اطبخ انا فيها العشا وعادي اكل  
بس هو ماعمره اكل منه 

بنات انصحوني ابغا كيد حريم لعشان يغار ويحس في