مايكلمني لانه طلبت منه كلمة حب

السلام عليكم ورحمة الله وبركاته
اولا المعرف هذا استعرته من صديقتي
اسمحو لي بدخل في المشكله على طول بدون مقدمات.
انا متزوجه الان وماعندي أبناء وتزوجت من سنه تقريبا - راح أتكلم عن مشكلتي من ايام الخطوبه الى الزواج .
من ايام الخطوبه زوجي قال لي اخاف ما أعطيك احتياجاتك المعنويه قلت له شلون ?? غير الموضوع على طول ودائما يكرر موضوع انه مايقدر يعطيني احتياجاتي المعنويه بدون ما يوضح القصد طبعا من بعد هالجمله شكيت في أشياء وايد بس كنت أتعوذ بالله من الشيطان الرجيم وطول فترة الخطوبه ماصار بينا ولاشي ولا حتى بوسه اللهم مسكت يد بين وقت وآخر . ومره قال لي قربي مني ولمن قربت منه قال انا مو متعود عليك .?? وخطوبتي كانت قبل رمضان السنه اللي فاتت وجاء البيت كم مره بعدها في رمضان ما جاء ولا مره وعذره انه مشغول !!! شهر كامل مشغول !!!!!
نسيت أوضح لكم شي وهو اني مملوحه وجميله بشهادة الناس ما اقول اني ملكة جمال ولكن ولله الحمد حلوه  وانخطبت وايد لكن نصيبي صار مع هذا الرجل .
لمن كنت البس قصير في ايام الخطوبه كان يقول لي في أشياء تجئ بعدين مع الوقت وكنت ادري شنو يقصد لكن ماكنت متأكده ميه بالميه .. وطول فتره الخطوبه ما سمعت منه كلمة غزل اللهم كلمة حبيبتي ونادر ما يقولها ودائما يقول انه ماله علاقات واحيانا يقول ياريت لو تعرفت على بنات قبل لااخطبك عشان اعرف شلون اتعامل  معاك وفعلا انا احس انه ماله علاقات سابقه لانه يعاملني كأني واحد من ربعه . والله اعلم اذا كان صادق في كلامه عن موضوع العلاقات .. بس دائماً أشوفه يتكلم عن الزواج عن حب وانه يتمنى انه يتزوج زواج حب ويقول انه لو شاف وحده وأعجبته في الجامعة يقدر يخطبها بس ماشاف.. وموضوع الزواج عن حب دائماً يكرره انه يتمنى الزواج بهذي الطريقه وانه وايد من ربعه تزوجو بهذي الطريقه.واقصد بفترة الخطوبه فترة عقد القران 

تم الزواج وماقدر أوصف لكم شلون كانت هالليله بارده مافيه كلمات غزل ولاحب وكل شي تم ببرود بطريقه استغربت منها .. وطبعا ماصار هذاك الشي من اول يوم لانه كان في محاولات وتفشل وبعد اسبوع تم هذا الشي وبطريقة غير طبيعيه اسمحو لي ماقدر اذكر الطريقه لانه المنتدى عام وصعب اكتب هالشي على الملا.. طول هالفتره كنت اكشخ واتعدل واتزين بس لا حياة لمن تنادي تخيلو ياعالم عروس في شهر العسل وماصار بينها وبين زوجها الا اربع او خمس مرات وكل شي يتم سريعا وبصعوبة بالنسبة له ولي .. اعذروني عن ذكر الصعوبة اللي بالنسبة له.. طبعا في كل مره يلصق فشله علي ويقول العيب منك وانتي ماتقدرين وكنت اسكت طبعا .. وتخليو طول هالفتره لااحضان ولا قبلات الا نادره جداً جدا جداً ولمن أتقرب منه واحضنه يصد عني في اغلب الاحيان ويبعدني عنه ويرفض بوسة الخد يقول واحيانا يصرخ صرخه خفيفه والرقبه يقول ماحب تخيلو كل شي ممنوع ومايحبه . تخيلو ممنوع الاقتراب من وجهه ممنوع الاقتراب من رقبته ممنوع أحضنه واحيانا احسه يخاف من هذا الموضوع . مره من المرات حاول بس ماقدر فصار يضربني اسمحو لي عن ذكر هذي التفاصيل ولكن انا في نار مايعلم بها الا رب العالمين
لمن فاتحته في الموضوع قال لي انتي ليش تحبين هالخرابيط واحنا مب في سن اللي نفكر فيه في هالاشياء علما انه عمره 27 لمن تزوجنا وانا كذلك ويقول الزواج مب نفس ماانتي متوقعه كله رومانسيه ووناسه ووو  لا علما بانه قال لي هالكلام واحنا في شهر العسل .. تخيلو لمن البس قصير واحنا تونا مالنا اسبوع يتهرب على طول انه بينام وأول يوم لمن لبست قميص نوم يقول لي ليش مالبستي بجاما وكل مره وقت النوم ننام جنب بعض وكانه إحنا إخوان ويمسك الجوال بيده عشان يتهرب والله انه مره قربت منه وقال بنام لمن قال هالشي مسكت جوالي وقعدت اسولف مع صديقتي بالكتابة قام خذ الجوال مني وكتب لها صديقتك اللحين مع زوجها ??? ماعرف افسر هالحاله شنو معناها ???
هذا وانا اتكشخ واتزين واتعطر ومره قلت له انت تحبني قعد يصارخ وعصب والحب يبي له وقت ووو
مره قلت له انا احبك يقول أي حب الحب يجئ بعد العشرة هالكلام كان في شهر العسل.. ولامره حسيته ينظر لي نظرة إعجاب ولامره حسيت انه راغب فيني اللي اسمعه من صديقاتي انه الرجل حتى لو شاف خدامه لابسه قصير مايقدر يستحمل وانا ولامره حسيته يبي قربي.. لمن اقول له ليش احس انه إحنا مثل الاخوان انا ابي احضنك وابي أتقرب منك يقول يمكن انتي تحسين اكثر مني !!!!!! ويقول معاج حق يعني عارف نفسه انه مايحب يتقرب بس ما يفسر ليش كله يقول ماعرف ليش ولمن قلت له ليش مايصير بيننا نفس اللي يصير مع المتزوجين والمقصود ...... قال لي بقول لك يمكن الشي يتحسن مع الايام ويمكن يتم على ماهو عليه ويمكن يسوء ???????? شيقصد يعني ?? 
وبذكر لكم موقف صار في بداية زواجنا وهو انه دايما يخاف لمن اقعده من النوم ومره قعدته من النوم وخاف كالعادة وقعد يصارخ ويشوفني وهو خائف قلت له بسم الله عليك شفيك انا ريم وقال لحضه خلني افتح الليت ابي اتاكد وقعد يطالعني مده طويله عشان يتأكد وبعدين طلعت من الغرفة وهو لحقني وقال أكيد اللحين بتقولين عني مجنون قلت له لا عادي تحصل للكل بس لازم تقرا قران فقعد يصيح واستغربت ???
ومايحب اشوفه افهموها عاد وكل شي يبيه يكون في الظلام
ومره سالته الرجال يحبون يسمعون كلام حب قال لي الرجال يختلفون عن بعضهم وانا ماحب اسمع كلام حب ودائما يقول انه عملي وانا ما شفت عملي ولا نظري اااااااااااااه في قلبي غصه
لمن احضنه يقول أشتبين وعلى طول يبعدني عنه
من كم يوم صارت مشكله بيني وبينه قلت له ابي اسمع كلام حب منك ولا مره سمعت كلام غزل منك يقول خافي الله الله بيقطك في جهنم اللحين انا ما اقول لك حبيبتي ??? يعني كلمة حبيببتي يعتبرها كلمة غزل اللحين ويقول انتي العيب منك لأنه عواطفك ومشاعرك زايده واني اطلب اكثر من المعقول والله ودي لو أصرخ ياعالم وين طلبت اكثر من المعقول وين ?????? .. وانا اقسم لكم انه ما سمعت كلام غزل منه أبدا أبدا بعدين ناقض كلامه يقول عشان اقول كلام حلو لازم احس فيه مايصير أقوله وانا مب حاس فيه وهالشي يبي له وقت ويقول ليش مستعجله بعدين قلت له ليكون كنت تحب وحده وتشوف انها تستحق انك تقول لها هالكلام وانا ما استحق قال إيه بتلقينها عذر اللحين وبعدين قال انتي اللي تعرفين واحد قبلي ولا أيش دراك بكلام الحب ???? قلت له انت شنو قاعد تقول ??? وقلت له صديقاتي دايما يقولون انه أزواجهم يقولون لهم كلام حب من ايام الخطوبه قال ماعليك من صديقاتك ولا يقصون عليك .. قلت له ليش تبخل علي انا ماطلبت منك سياره انا طلبت منك كلمه حلوه وشنو بيكلفك هالشي ???? وأنهرت وقعدت اصيح ... لاكلام حلو ولا........؟

لاويقول احمدي ربك انه عندك زوج هذي نعمه من الله غيرك مو محصلين احمدي ربك وسكتي!!! 
بكيت بحراره ودعيت في ليالي القدر انه الله يكشف لي هل أنا تزوجت انثى ام .... ام جان??? اعذروني على كلامي الملخبط واللي ما عندها رد تدعي لي في هالايام الفضيله انه الله يفرجها علي وادعو لي بعمره قريبه
 مايكلمني لانه طلبت منه كلمة حب و... في مره شفتو أحد نفس مشكلتي مادري اضحك او اصيح او أصرخ 
أرجوكم ياحكيمات ساعدوني - أرجوكم ارفعو الموضوع