الســــــــــــــــلام عليكم ورحمه الله وبركاته...
أهليييييييين والله انا عارفه اقرقت روسكن بمواضيعي ...ههه ماعلينا اليوم جايه وأبي اسولف لكم سوليفات..<==ايه هين والله انها موشحات اندلسيه,,,
المهم ياخياتي ياجعلني نتقابل بالجنه,,,,,
ماعلينا :
موضوعي عن فئة من الناس وش حليلهم ماينسمع حسهم
يالبى قليباتهم يبارون الساس و لين دخلوا مكان يدخلون بكل رقه
و هدوء زي النسمة
و في العزايم مايحبون اللعلعه والصجة ومدة اللسان لا يصيرون في حالهم
او يتهامسون مع اللي جنبهم
السالفه في هالناس انهم معرضين لاتهام خطير و شنيع في حق البشريه
فتجي حرمة صارتن عيونها و مادتن بوزها وتقول ابببببببد ماينخاف الا من المسبط
والمسبط يا اخواتي في الله في اللغة الزرقاء اي الســـاكت
مدري وش سنع هالنظرية ولا على اي اساس طلعت
نفس الحاله لمعشر اخواننا في الله
نلقى رجال على قولتهم يمشي جنب الحيط و يقول يالله سترك
وفي المجالس مب من النوعيه اللي يحب يتفشخر وانا سويت و فعلت
ويقعد يعدد انجازاته ولا نظرياته ويغث العالم بأفكاره العبقريه اللي ياويل من يغلطه فيها
ف الرجال قاعد في حاله مايدري الا تمر عليه جملة وش فيك ساكت
ويعلق الثاني خل عننننك ما ينخاف الا من هالساكتين
طيييييييييييب ليش
كل العالم فيهم الخير والشر الساكت والقلق والبربار وكل الفئات
يومنكم تتسلطون على الساكتين خلوهم ساكتين وهاجدين
مرتن من المرات رايحتن لناس ومستاحشه
يمكن لاني مااعرفهم ولا العاده لساني يلوط اذاني بس هالمره مسبطه
شوي الا اختين استقعدوا الله لا يحوجنا لهم << مب مكانها الدعوه بس مالقيت شي يناسب
المهم الاخت تشوت واختها ترقع
وحده تقول ليش مسبطه وانا اسبطت زياده مدري وش ارد
ثمن تقول لي الحكمة العبقريه ان ماينخاف الا من المسبط
و اجاوبها ايه صادقين << مبين انها متوهقه .. يعني بالله وش ارد
اقول لاااااااا وانفي التهمه واصير تسني اللي على راسه بطحاء
المهم مادريت الا اختها تشهق آآآآآآآآآآآآ وتقول يالله ترى شين تبيين
انتي وراتك شي و مسبطه
الله ياخذ ابليس لبسوني تهمه وانا ساكته
عاد من قواة الوجه قلت ايه داريه << مدري وش جاني انواع التناحه
بس احيانا مايجيكم شعور مالكم نفس تردون ولا وشوله تردون الدنيا ساعة صدر
وخل اللي يفهم يفهم واللي يتذيهن يتذهين على كيفه والحياااة حلووووة
صح ولا لا
وش رايكم انتم في الناس السكاتين
هل تشكون في وضعهم ولا ترحمونهم ولا تحققون معهم ولا ماتدرون عنهم ؟؟؟؟؟
بنت أطيب إنسان @bnt_atyb_ansan
كبيرة محررات
يلزم عليك تسجيل الدخول أولًا لكتابة تعليق.
تصدقين هذي قاعده ولكل قاعده شواذ طبعا
لكن بتلاقينها فيها كثييييييييييييير من الصحه وشبه واقعيه
لكن بتلاقينها فيها كثييييييييييييير من الصحه وشبه واقعيه
8888888 احم احم8888888 احم احم
لاتخافين منيب اخت رجلك << مااتذكر ان حشيت بحريم اخواني عند رجالهم:35:
الصفحة الأخيرة
وبحكم معاشرتي لعينه من الساكتين المرقطين
زي ما قلتي والله انهم يبارون الساس ولا يفتحون فمهم بكلمه بالعزايم يدخلون طابور ورا امهم كانهم القطار بس مش سريع لا بطيى
وش حليلهم بس تعالي شوفي بعد العزيمه انواع الحش والنم وتحريض يجون لخوهم ويحرضونه ويفسرون كل تصرف طلع منك بتفسير الله يسامحم اسوء من السيئ
هذي العينه خوات زوجي لدرجت اول زواجي انصدمت كم مره يدخل علي منفلت ويسب ويلعن واكون انا قبلها بساعه عندهم وساكتات ومهنى مثلهم بالرقه والطيبه والهدوء واخرتها انصدم مستدعينه ومكلمينه كم كلمه
فا اصدق في ذي النوعيات لاني جربتهم