سمايلي فيس @smayly_fys

محررة فضية

ما أبغي أنقرف لوحدي شاركوني القرف حبيباتي توني غاسلة شعري من بول الناقة

السلام عليكم حبيباتي طبعا مثل ما واضح من العنوان اني استعملت بول الناقة طبعا أي صنف ما ادري :hahaha: بول بكر بول ناقة بول جمل بول إبل بول قعود بول مغاتير ما اعرف المهم بول جمل وبس هههه مجرد اني قلت لناس أعرفهم أبي بول ناقة وجابولي ياه أمس بالليل طبعا الله لا يوريكم أول ما شفت شكله اخترعت من لونه كان برتقالي غامق >>> دليل التخمير هههه لأنهم حلبوها أقصد بولوها من ثلاثة ايام فكانت واصلتني مخمرة وياربيه على الريحة وربي ريحة ياعالم ريحة ما تنوصف من الشناعة ريحة شنيعة بجد وقلت خلاص ما بستخدمه لأني أحسها ضربت بمخي لما فتحت القارورة وشميتها واختي قالت لي لا تجازفي وخلاص ارميها بعدين قلت لها بستخير وبشوف وامس استخرت ولما صحيت الصبح حسيت ان الوضع عادي لا متضايقة ولا شي فقلت يللا يابنت يمكن هاي علامة عشان تستخدميه :cook: المهم وأنادي الشغالة واقول لها جيب بيبي مال جمل >>> قامت تضحك الشغالة وجابته وربي يابنات لما فتحت القارورة مرة ثانية قمت أصارخ بصوت عالي أنواع الوااااع والوييييع و الياااااع واختي كانت في غرفتها أجت تركض علي إلا وتشوف الشغالة فطسانة من الضحك علي وقامت اختي تصارخ علي وش الله حادك على هالقرف خلاص اقعدي على زيوتك وانثبري بلا بول بلا قرف وانا سارحة في عالم الخيال واتخيل شعري كيف لما يوقف تساقط ويسحل وراي من جهة وبنفس الوقت قاعدة تكفخني الريحة بخشمي بقوة من جهة ثانية :hahaha: وربي فاتحة شعري بيد وماسكة القارورة بيد وقاعدة أصبر نفسي وأتخيل وقلت توكلت على الله ولا حول ولا قوة الا بالله >>> رايحة تستشهد الأخت :27: المهم قامت الشغالة رحمت حالي وقالت لي ماما احط لك البيبي >>> دلع بول :04: داخل رشاش قلت لها إيه يكون احسن وبسرعة جابته مسكينة وصبت لي شوي وطبعا قبل ما استخدمه دفيته شوي بحمام مائي حار بعد كذا بديت احط على شعري ومو مصدقة اللي قاعدة اسويه اخر شي رحمتني مرة ثانية الشغالة وقالت لي جيبي ماما انا بسوي لك مسكينة قامت تحط لي وتمسج لي شعري وتحط وتمسج وبعد ما انهينا المهمة لفيت شعري بقباضة وقلت بخليه مهوي ما بحط عليه كيس وربي يا بنات بيتنا كبير وطابقين وشوي و أسمع صوت ابوي من تحت يقول يا بنات اللي فوق وش هالريحة اللي مالية البيت كنها ريحة هوش هههههههه وانا ميتة من الضحك على نفسي عاد الشغالة قامت نصحتني نصيحة لوجه الله عشان ما انطرد ويعدي اليوم على خير وقالت لي ماما حبيبتي احسن لفي كيس على شعر مال انتي عشان ريحة واجد قوي قلت لها ايه الله يعافيك جيبي كيس واستري علي وخلي ليلتي تعدي على خير عاد لفيته واختي قامت تصارخ وش سويتي بريحة البيت قمت قلت للشغالة بخري بسرعة البيت قبل مايجي اخوي الثاني ويطلعون هالبولة من عيني وخشمي قامت بخرت الحمدلله هدأ وضع البيت شوي لكن وربي يابنات طول ما انا قاعدة >>> طبعا خليته على شعري 5 ساعات المهم طول ما انا قاعدة وانا اشم ريحتي زريبة يييع علي وربي تخيلت نفسي غنمة أو ناقة يابنات مدري شلون اوصف الريحة غنم على هوش على حشيش على فضلات على ريحة نفاذة مدري كيف اوصفها المهم قلت يللا يابنت اللي يبي الدح مايقول أح أبغي يجي العيد وشعري زاين حتى لو ريحته مي حلوة محد بيقعد يشمشم راسي حتى زوجي وانفصلت عنه يعني ماعندي مشكلة بشي المهم توني قبل شوي غسلت شعري بشامبو الحصان >>> هههه أغسل بول الجمل بشامبو الحصان زريبة بحق وحقيقي ههههه بعدها حطيت حمام زيت باراشوت اللي ريحته تهبل وخليته على شعري وكنت محضرة قبلها مقادير القهوة التركية عشان أفرك جسمي على بال ما أفرك جسمي تكون الريحة راحت المهم خليتها على راسي مال 20 دقيقة تقريبا وغسلته وحطيت عليه غسولي المفضل وطلعت وخليت الشغالة تحضر لي المدخن والدخون ودخنت شعري ونفسي وكل شي وغطيت شعري مرة ثانية بالفوطة عشان تمسك ريحة الدخون بشعري والحين فتحت الفوطة إلا و تقب ريحة البول مرة ثانية وتكفخني بخشمي :44: وفوق هذا تساقط شعري هو هو زي ماهو يعني ما تغير أبد :( أدري طولتها مرة مرة وهي قصيرة لكن سؤالي لكل من استعملت بول الابل هل استخدمته مثلي وهو مخمر؟؟ يعني صار له يومين ثلاثة بايل الأخ وبعد كده حطته على راسها؟ وكم مرة حطته ووقف التساقط؟ ترى انا الهدف من استخدامه وقف التساقط امممم و سؤال ثاني كل كم لازم استخدمه؟؟ بس بصراحة بنات وللإمانة الصحفية :39: أحس بأن ملمس شعري ناااااعم بالرغم من ان الريحة ولا كأني غاسلة شعري :44:

يلزم عليك تسجيل الدخول أولًا لكتابة تعليق.

تسجيل دخول

Dream22 • 13 سنة

بجد بجد لله درِك ما اعرف كيف تحملتي الريحة وععععععععع

سمايلي فيس • 13 سنة

Dream22 :

بجد بجد لله درِك ما اعرف كيف تحملتي الريحة وععععععععع

بجد بجد لله درِك ما اعرف كيف تحملتي الريحة وععععععععع

أسكتي بس وربي وأنا أحط يمكن من كثر التخيلات اللي تخيلتها بشعري وكيف هو يسحب وراي وصاير كثيف من عدم التساقط انعدمت عندي حاسة الشم!! الحين انا على اعصابي يارب بس تجيني النتيجة اللي ابغاها وعلى طول بسوي له ديليت من حياتي :angry: روحي ياشيخة عساك تحصلين سمور الببغاء اللي ضيعتوه ههههه مشكورة على المرور ياعسل..

(الفراشة الصفراء) • 13 سنة

ووووووااااااااااااوووووك ...:eek:
وش اللي حادك ؟؟؟

موب كل شي يقرأ يصدق..!!!!
واللي أعرفه ..إنه لازم يصير طازج خخخخخ موب مخمر ..:blink:
عاد مدري مالي بهالسوالف
بالنسبه للتساقط ..
أنا قد تعبت وصار شعري يطييييح بالهههبل ..
وراجعت دكتور ووصف لي حبوب فيتامينات للشعر مااخذ شهرين الا وقف التساقط ..!!!
هالطرق أأمن وأنظف خخخخ

Moni..Moon • 13 سنة

هههههههههههههههههههههههههههههههههههههه ذكرتيني بتجربتي الاووووولى
ياربييييييييه رغم مافيني حيل اكتب القصة بس بقولها لك واتحمليني خخ

انا من كنت صغيرة كان شعري حلو وطوووويل لين جاته عين ماصلت ع النبي وخرب شعري من الاكزييييماااااا
والاكزيما هذي يعني تكون في الفروة قشوور كبااااارررر واحيانا صدى ,,,الخ الله يعاااافيكك يارب ولا يبتلي مسلم عانيت منها كثير من سنة خامس ابتدائي بدأت
المهم رحت عند اكثر من دكتوووووووور كل الدكاترة الممتازين زرناهم وكل واحد يشخص لي حالة مختلفة اللي يقول التهاب واللي يقول صدفية وكثرت الاقوواال لين رحنا عند دكتور ناصح وقال هذي اكزيماا وماتروح طول الحياة بس انها تزيد وتخف يعني زي الحساسية
ادري طوولت عليكي بالمققققققدمة خخخخخخخخخ
المهم صاحب اخويا عنده تقريبا زي حالتي وقال له بستخدم بول الابل ونصح اخويا فيه كمان لان شعره خفيييف المهم عاد اخويا ماصدق راح وجاب لنا بول ابل الله يكررررمك زي حقك لونه برتقالي وشكله حق واحد عجووز والريييييييييييحححححححححححححة واااااااااااااااااااااااووووو وربي في الحمام كنت بستفرررررررررغ مو قادرة اتنفس وبكيييت من الريحة القاسية :09: خخخخخخخخخ
والبيت كمان ابويا لما دخل يقول كأني دخلت زرييبة غنم هههههههههههه كنت ثاني متوسط واليوم اللي بعده في المدرسة نزل مطر تخيلي بس !! شعري تبلل والريييحة دخلت خششمي وانا مدري وين اودي وجهي من البنات رحت لبست الطاقية حق الجاكيت وجلست لوحدي تخيلي شكلي بس هههههههه
حرررمت من بعدها استخدمه
بعدها بكم شهر جاء اخويا وقال ترا هذاك البوول ريحته قوية لانها حقت جمل كبير وانا عرفت من وين اجيب حق البكرررر
صار كل 3 ايام تقريبا نحطه في الثلاجة يروح الصباح ويجيب بول بكررررر طازج وربي حتى دافي شوية هع
ولونه ذههههههههببببيييي كأنه عصير ليمون <امحق وصف
وريحته اخخخخخخخخف بكثيييييييييييييييييييييييييير حتى انا مااشمه الا لو قربت منه
صرت احطه يوميييييا تخييييلي لمدة شهررر بعدين جاب لياا حساسية في اكواعي بطلته اعتقد منه لانه حتى ابويا الله يهديه كان يجيب البول ويدهنه بكوعي ويربط يدي بالشاش لماا صارت زي الجروح جاء يكحلها عماها:hahaha::hahaha:
بعدها رحت عند دكتور عطاني دوا وراحت الحمدلله
بعدييييين لما تركته بصراحة القشرة اختفت وشعري فيه لمعة والمنابت طووولت بس شعري اللي ورا زي ماهواا :(
لكن بعد فترة قصيرة يمكن اسبوعين رجعت القشرة مضاااااااعفة وربي امي لما شافتهااا عيونها دمعععت مرة مفجوعة ورجعناا للدكاترة :44:

هذا الكلام كان قبل 3 سنين لكن الحين في تحسن كبييييييييييييييييييييير صرت استخدم اشياء طبيعية وراحت لو بترجع شي خفيف مو زي اول يارب لك الحمممممممد :39::icon28:

واعرف اني طولت عليكي اسسسسفة :35:

أمجاد ومنار • 13 سنة

والله قصتك عجيبة

لكن اذا احتسبت نية الامتثال للسنة المطهرة لان الرسول صلى الله عليه وسلم وصى بعض المرضى باستخدامه ونفعهم

الله يعينك ويعطيك شعر يسحب وراك من جماله قولي امين