ما أحب ابوي وهو سبب في حزني

انا بفضفض وبفتح لكم قلبي اتمنى محد يشتمني او يتهمني اني قاسيه تجاه ابوي بحكي لكم حياتي وانتم احكمو اتمنى ماتعطوني رأي مثالي عادي خلوكم صريحين معاي لاني انا تعبت تعبت 💔
انا عايشه في بيت الحمدلله بخير وعافيه متوسط الماديه في حاجات اقدر عليها في حاجات لا جداً راضيه ماقد ناظرت لفوق احترم ظروف ابوي لان لو عنده كان عطاني
انا اهلي امي تعبانه نفسياً واختي كذالك الكبير ابوي انسان طيب بس جداً جداً متشدد ومتحجر تجاه البنت كل شيء لا ممنوع عيب مستحيل
تخيلو عمري ٢٥ والله وبالله تمر شهور سنوات م اطلع مطاعم كوفي اسواق صحبات كل شيء لاااااااا والله ان طلعت رحت عماني خوالي فقط غير كذا ممنوع كل شيء
ابوي مدلع اخواني كلهم اصغر مني ب ١٣ و ١٠ سنوات لكن عايشين حياتهم طبيعي سفر وطلعات لاخر الليل وكشتات وانا والله ما ابالغ اجلس شهور سنوات ما اطلع عن محيطي كل شيء ممنوع ابوي يعامل اخواني معامله جداً زينه ولا يهاوشهم
انا ابوي مايحب الطلب مطاعم بقاله
امس طلبت من بقااله وقلب البيت فوق تحت وقال كولي ز..
وقالي انتي تسهرين بالليل والله يستر! قسم بالله اني ساكته ولا قد ناقشت ابوي اني بطلع خلاص احترمت وجهة نظره وسكت اخر مره شفت صحباتي قدييييييييييييم ولا قد زعلت او تهاوشت تخيلو انام واقوم ونا ماعندي شيء !
الناس تطلع وتروح وتجي وانا ماتحركت ابوي هو سبب حزني وضيقتي اللي انا فيها ابوي سبب الوسواس اللي جاني ابوي هو السبب بأني صرت ما اشوف الحياة بنظره ايجابيه ان قلت بطلع قالي ماله داعي واخواني بزارين يكشتون ويسافرون انا ابوي لو يصير له شيء بيضيق صدري عليه بس خلاص من داخل قلبي ماصرت احبه غصب علي لحد يلومني امي تعبانه فجئه تصيح واختي فجئه تصيح علينا مليت يابنات في بعض التفاصيل م اقدر احكيها لانها ماراح تحسون فيني الهواش اللي يهاوشني فيه اذا طلبت من برا تقولون مسويه جريمه ههههه تخيلو اخواني يراعيهم ويضحك لهم وانا عادي يصد بوجهي ولا يجاملني بنات انا فضفضت لكن لان مابي تعطوني جواب مثالي وادري ماعندكم شيء تقولونه بس شيء بخاطري مادري اشكي لمين ماشاء الله بنات عمي عايشين حياتهم طبيعي ويضيق صدري انهم يحبون ابوهم وانا لا انا غصب علي خلااص شعوري تجاه ابوي تبلد ماحس فيني شعور بس خلاص ابرّ فيه واجامله بس من داخلي زي الحجر اجبرني اني اتزوج ورفضت ويوم رفضت اخذ النت مني واخوي يوم طلع من السجن لانه قضيته مخدرات ماقال له شيء ويتكلم معاه بهدوء اخوي تحرش فيني لفضي وكتابه يوم قلت لابوي سكت وتجاهل الموضوع واهلي يوم عرفو محد ساعدني ووقف معاي لو بكلمه ؟ بالله شلون احبه!