ما أحب الأطفال

أقول ااحمدي ربك االله يهديك
انتي في نعمه انحرم منها غيرك
الله االمستعان بس

مافي وحده ماتحب الاطفال هذي غريزة الامومه ربي خلقها فينا .. ممكن انتي كتبتي الموضوع وانتي طفشانه منهم بس كذا الامومه اكيد بتتعبين وانتي تربين اطفالك ولا ماكانت الجنه تحت رجولهم .. ولا كان قال الرسول صلى الله عليه وسلم امك ثم امك ثم امك ثم ابوك
نظمي وقتك ووقت اطفالك وان شاء الله ما بتتعبين الاطفال نعمه كثير محرومين منها احمدي ربي اللي رزقك ذريه صالحه تعينك اذا كبرتي وتدعي لك بعد عمر طويل
الله يخليهم لك ويصلحهم ويرزق كل المحرومات

عادي حبيبتي أرميهم في حلق أبوهم وارجعي لهلك خذي فترة نقاهه.... اقول يأختي تحمدي الله قبل لايبتليك وياخذهم منك في لمح البصر عشان تعرفين قيمتهم

ااه لو تحسين بالحرمان ماتقولين هالكلام يااختي احمدي ربك اللي رزقك بهالعيال غيرك محروم ويتمنى ريحة الطفل ومافي وحده ماتحب تصير ام وربي يصلح لك عيالك ويريح بالك

حبيبتي تعوذي من ابليس، احمدي الله تعالى عالنعمة يلي ربي عطاكي اياها، انا صار لي متزوجه خمس سنوات و نص و ما انجبت لحد دحين و الحمد لله، حملت بتوام السنه الماضيه و نزلوا في الشهر الخامس و الحمل كان بعد الله عن طريق الحقن المجهري :( الحمد لله، انا زيك ما احب الاطفال كثير، بس افكر لبعيد، لما اكبر ما ابغى اقعد لحالي، اشوف الكل مبسوط بذريتهم، يلي يزوجهم و يلي يشوفون له اولاد و انا وحيده، تخيلي يا اختي واحد من السيناروين: 
السيناريو الاول : ما خلفتي و كملتي ماجستير و دكتوراه و اشتغلتي بافخم الشركات و صار عندك منصب كبير فجأه صار عمرك خمسين سنه و دفنتي عمرك في الشغل و الدراسه فجأه ما فيه حد حولك اخوانك و خواتك كل واحد مشغول في حياته الخاصه، انتي قربتي تتقاعدي،  صحتك بطلت زي اول تتحمل كرف الشغل، قاعده لحالك في البيت طيب و بعدين! حلو الواحد يكون عنده طموح في حياته س فيه اولويات في الحياة،   ممكن اذا كبروا اولادك شوي تكملي ماجستير عن طريق الانترنت مو غلط. 
السيناريو الثاني : بسم الله على اطفالك، فجأة يدق الجوال و يجيكي خبر مو كويس عنهم، او انك فقدتيهم او واحد منهم، ايش راح يكون موقفك!!! على طول راح تذكري انك ما حمدتي ربي عليهم فاخذهم منك، راح تعيشي في تانيب ضمير مدى الحياة. 

ايش رايك دحين؟ روحي ضمي اطفالك و احمدي ربك على هالنعمه الرائعه، انتي دحين شايلتهم، بكره راح يشيلونك لما تكبري، ادعي ربي انهم يطلعوا اولاد بارين فيكي و في ابوهم و اطلبي السماح منه تعالى انك ما حمدتيه عالنعمه كما يجب.

و زي ما قلتلك كملي دراستك لما يكبروا شوي 

الله يوفقك و يهديكي و يسعدك دنيا و اخره يا رب 
يا رب تشوفين اولادك احسن ناس و مكملين اعلى المراتب في الدراسه و تفرحين فيهم 

انا مثلا حلمي كان اكون طبيبه بس ظروفي ما سمحت ادرس طب درست شيء بعيد عن رغبتي، بيني و بين نفسي اتمنى ان ارزق بطفل او طفله يطلع طبيب و احقق حلمي فيه