1 1 سنه لي ما حملت حتى احساس الحمل ما جربته ،، لاني ماقد حملت ولامره 
الله يرزقني من واسع فضله،، دايما نايمه ومنسدحه وطفشانه ابي احد يملي عليه البيت بس الحمدلله ربي كريم 

احمدي ربك يااختي على النعمه الي انتي فيها غيرك محروق قلبه على مايجيه ضنى

والله الحياه بدون اطفال ممله وكئيبه انا تاخرت في الحمل ثلاث سنوات والله تعبت نفسيتي وانا اشوف الي بعد زواجي يحملون ويخلفون وانا لا وكمان روتين ممل في حياتنا

بس لما حملت وجبت عنودي لبى قلبه تغيرت حياتي كلها للاحلى صرت حتى لو اجلس في البيت اسبوع ماطفش مثل قبل كنت ماحب اقعد في البيت يومين ورى بعض اقعد طفشانه مره واتضايق

صحيح انهم مسؤليه ويتعبون احيانا لكن والله عسل هما زينه الحياه

أختي قولي الحمدلله و استشعري انه ربي رزقك بنعمة عظيييمة ..

قال تعالى : " المال و البنون زينة الحياة الدنيا " ..

سبحان الله أنا ما تزوجت للآن بس أموووت ع الأطفال و ريحتهم ..

و أدعو الله أن يكرمني بهم ..

شوفي أختي انتي يمكن تعبانة من أطفالك عشان خلفتيهم ورا بعض - ربي يبارك فيهم - ..

أو يمكن تزوجتي صغيرة في العمر و اتحملتي المسؤولية من بدري ..

الحل :

1/هو انك تتوجهي لله عزوجل و تدعي ان يحفظهم و يصلحهم و يطعمك برهم ..

و ان يحنن قلبك عليهم و يزيد حبهم و غلاهم في قلبك ..

2/ ممكن من فترة للثانية توديهم عند أهلك أو عند أحد ثقة أو في حضانة ..

و تخرجي تتفسحي انتي و زوجك او تروحي صالون مثلا او حتى تسافري ..

عشان ما تحسي انهم سبب في إزعاجك ..

3/ حاليا روحي لدكتورة و اسأليها عن الطريقة الأنسب لمنع الحمل ..

4/ حاولي تلعبي مع أطفالك بطرق جديدة و مبتكرة ..

و اجلسي و احكي لهم قصص ..

و احرصي على الأمور اللي تزيد قربكم من بعض و توثق علاقتكم ..

5/بالنسبة لدراستك اذا كان أصغر أطفالك بعمر السنتين أو أكثر ..

قدمي أوراقك للجامعة و واصلي الدراسة ..

و بالنسبة للأطفال سجليهم في حضانة و استودعيهم الله ..

و ترا كل شي في الدنيا يحتاج صبر ..

اصبري عليهم دحين و بإذن الله راح يصبرو عليكي لما تكبري و تحتاجيهم ..

ربي يحفظهم و يبارك فيهم ..

أكرررره أسلوب المقارنه
أحمدي ربك شوفي غيرك بلا بلا بلا
عموما أنتي غلطك جبتي واحد ورا الثاني
خلاص وقفي عشر سنوات
حققي فيها أحلامك ادرسي ماستر توظفي شوفي حياتك
اذا حبيتي بعدين تجيبين رابع ولا خلاص 3 خير وبركه
ولاتسمحين لاحد يتحكم بحياتك ويقرر
قال ايش خواته يبون
خواته يبون وانتي تحملين ؟؟؟؟؟؟؟؟؟؟؟؟؟؟ وين شخصيتك
الله يعينك

من جدك انتي ؟!! كاتبة موضوعك وفهمنا انك ماتبغين الاطفال مكرررته مرة ثانية ليش ؟ اش تبغينا نسوي لك ماتبغينهم وديهم دار الايتام واخلصي وحققي احلامك وطز في الامومة عجيب امرك والله ماعندك رضى بالمكتوب لا ومعرفها في رحاب القران ليتك تطبيقن القران في حياتك لانك اذا طبقتيه بتحبين عيالك وبتجيبين عشرة وعشرين كمان لكن سبحان الله التبطر عالنعمة نصيحة تحمدي ربك وابلعي العافية لاربي يبلاك بحرمانك منهم
الحمدالله والشكر على نعمه