ما أدري وش فيني !

السلام عليكم ورحمة الله وبركاته
أخواتي أنا فتاة جامعية عمري 27 جميلة ولله الحمد وأخلاقي عالية 
ماني ملتزمة ولكن  ولله الحمد أصلي الوتر دائماً كفلت يتيم من فترة أتصدق بين فترة وفترة الأستغفار دائماً على لساني 
ماقلت هالكلام إلا عشان تفهمون وضعي
عمري 27 ولكن ما انخطبت الا تقريباً مرتين !!!
لا أحد يقول فيكي عين لأن دائماً أحصن نفسي سواء خرجت من البيت أولا 
أمنيتي أفرح أمي فيني ف أنا بكريتها 
أمنيتي تعزم قرايبها وحبايبها على زواجي 
أمنيتي أخليها تكون جده 
أؤمن بأن كل تأخيرة وفيها خيرة بس أنا بدأت أكبر 
وأمي بدأت تكبر ولا خليتها جدة 
من فترة وحده قالت لي يمكت فيكي نفس أو محسودة كيف أنحسد وأنا أحصن نفسي كيف تجيني نفس وأنا ما أطلع من البيت إلا ومستودعة نفسي !!!
ماني عارفه إيش فيني 
ودي أفرح مثل البنات ودي أتجهز لزواجي ودي أحمل وأبشر والدتي نفسي أشوف الفرحة في عيونها 
السنين تعدي بسرعة وأنا كل سنة بتعدي بـ أكبر 
وأكبر
تعبت كثير .. وأتعب أكثر لما أشوف النساء اللي بعمر أمي صاروا جدات وهي لا !




إعتبروها مجرد فضفضة 
وإدعولي لعلى منكن إذا أقسمت على الله لا أبرها