بسم الله الرحمن الرحيم
كيف كم يابنات عساكم بخير
بقولكم وش صار معي في المستشفى :44:
مره كنت تعبانه حيل حراره وزكام وهبوط وووو
كنت 24 ساعه نايمه لدرجه كانت تفوتني الصلاه :44:
المهم وداني اخوي المستشفى ودخلت عند الدكتوره واكشفت علي وقالت لازم مغذي
خذتني السيستر و ودتني غرفه بعيده في مكان مافيها احد :eek: واخوي جلس برا ينتظرني
تسطحت وحطت السيستر المغذي وراحت وانا جلست لحالي طول الوقت ماحد طل علي بدا المغذي ينزل شوي شوي وانا اراقب تعرفون اذا خلص المغذي يبدا يشفط هوا واذا دخل هوا تموتين مادري اذا هالمعلومه صح او لا بس سمعته أكثر من مره وصار عندي خوف مو طبيعي وانا انادي سيستآآآآر سيستآآآآر بأعلى صوت ولااحد رد ولا جبت جوالي عشان ادق على اخوي خلاااص استسلمت للموت شوي وببكي من الخوف :08: واتذكر اني ماصليت آآآه بموت وقمت استغفر واستغفر واستغفر وانا دمعتي بعيني :06: ولفيت وجهي ما ابي اشوف لي المغذي وانصرع اكثر وعلى فكره جا على بالي اسحب الأبره بس ماعرفت خفت اكسر الأبره بيدي عشانه يد وحده المهم تأخرت بنت الذين نستني تقريبا جلست نص ساعه وانا على هذيك الحاله طول الوقت استغفر ناظرت ولا دمي صار يطلع بلي المغذي آآآه خلاص مت استغفرالله استغفرالله استغفرالله :06: الله لا يحطكم بهذا الموقف واستغفر واستغفر شوي الا ويوقف وتجي بنت الذين تركض وانا حالتي حاله واعصب وينك :mad: انهد حيلي بدال ما اتعالج مرضت اكثر والحمدلله طلعت وانا سالمه ويشوفني اخوي الله يهديه يحسبني ألعب جوه يقول وينك ليش تأخرتي؟ وانا مبوزه مالي خلق اتكلم سفهته ومشيت :(
مدام جويل @mdam_goyl
محررة برونزية
يلزم عليك تسجيل الدخول أولًا لكتابة تعليق.
مجوده majooda
•
الحمدلله على السلامة
سلامات ماتشوفي شر ان شاء الله . واسال الله العظيم با سمائه الحسنى ان يشفي امك وابيك وجميع مرضى المسلمين امين
الصفحة الأخيرة