الضرب ممنوع لكن لازم شكوى

ماانسى وانا 3 ابتدائي كتبت بدفتري حق المطالعه احبك يابله ساميه وابله بدريه مااحبك اخذته وحدة من البنات دفتري بتكمل شي منه ناقصها وانا فقدت الدفتر اﻻ يوم السبت البنت قدام الكل اعطت ابله بدرية الدفتر وورتها انا ايش كاتبه قامت ارسلت البنت تجيب المسطرة الخشب الي طولهانص متر وطرفها حديد قسم بالله انها ضرتني من جهه الحديد مو والمسطرة بالعرض ﻻ قلبتها ع الحواف حقت المسطرة بالحديد وتضرب ع قفا يدي تخيلو مو ببطن اليد وانا ابكي وهاذي تزيد تضرب ع قفا يدي بطرف المسطرة يمكن لو عادي بالمسطرة كان ماتعورت كدا ووالله الذي ﻻاله اﻻ هو ان اصابعي نزل منها الدم كأن باب رص ع يدي ولما شافت الدم وقفت وقالت فكي يدك وسارت تضرب ببطن اليد اذكر اني جلست اسبوع بس ابكي واتالم
وليومكم ذا ادعي عليها الله ﻻيسامحك يابله بدريه والله ماني محللتك ليوم الدين نتواجه والله ﻻقتص منك طفله عمرها 9سنين تسوين بها كدا

ياربي ايش المآسي دي اللي يشوف مصيبة غيره تهون عليه مصيبته انا في صف سادس اتهاوشت مع اخت المعلمه مربية فصلي وعايرتني بقبيلتي وعايرتها بقبيلتها وراحت اشتكت للمعلمه اللي هي اختها ثاني يوم جات اخدتني في فصل وارسلت البنات يجيبو لها مسطره وجابوها وخرجتهم من الفصل وقامت تضربني وتقول اني مااعايرها بقبيلتها قلت لها انا قصدت فلانه يعني اختها قامت قالت فلانه مين تكون طيب ومسكتني من مريولي من الصدر وشدتني وسبتني وطردتني من الفصل تقول بره وانا خارجه دفتني حسبي الله ونعم الوكيل فيها الله لايسامحها ولايوفقها اهانتي اهانه ماانساها مدى العمر وعند الله تجتمع الخصوم

بجد الله يهديهم معلمات زمان فيهم حقد غريب يضربو بحقد المشكله انو يضربو اطفال في الابتدائي حرام عليهم وزمان ماكان فيه شي يردعهم كانو اخذين راحتهم مره الاهل ماكانو يشتكو لو تذبح بنتهم بجد انقهرت ع مواقفكم واتذكر لما كنت في سادس ابتدائي فيه ابله اعطتني كف وعلى سبب تافه ضربتني ولما كنت في المتوسط كنت انا وصحبتي شاردين من ال*** ونلعب في المدرسه ولما رجعنا الفصل لقينا المديره قدامنا واعطتني كف انا وصحبتي صح اني مانسيت هدي الموقفين خاصه موقف المتوسط لان وقتها حسيت بالاحراج قدام صحباتي بس ع العموم انا مسامحتهم فين ماكنو والله يهديهم

انا صراحه مو ضرب بس احراااج
انا امي مديرة مدرسه اعدادي وثانوي
وانا كنت لسه بمدرسة الابتدائي وكنت من الاوائل بس في امتحان ماجبت علامه حلوه واقل من النص راحت المدرسه الله يسامحها حطتها بظرف وبعتتها لامي على مدرستها
يعني كنت حاسه ماالو داعي تصرفها