ما أظن فيه رجال طبيعي كذاااااااا

السلام عليكم
خواتي الله يسعدكم عطوني أراءكن بسرعه أنا في حيرة من أمري
يمكن الأغلب يعرف قصتي بس ما اعرف احط الرابط وأنه زوجي تزوج علي بعد عشرة عمر وهجرنا واحداث كثيره
الخلاصه
الرجال بدل مايتركني في حالي ويكفيني شره زاد جنانه على انا بيتي كبير ولله الحمد وفيه ملحق صغير ويبي يجيب زوجته فيه مجرد ماكلموه اهلي رضخ عشان عياله وبدأ الكيد والحرمان المكيفات اذاجاء قفلها اللمبات تخرب أولادي يطلبونه مايصلحها مكيف المقلط خربان من سنه مو راضي يصلحه السباكه تحتاج صيانه نفس الشئ يعطينا مصروف في اليوم 100 ريال واحنا 9 أشخاص في البيت
مقاضي للبيت في الشهرين مرررررره
السواق مايخليه يوصلني فضحني عنده مرتين يسبني وينزلني من سيارته
طبعا السواق مخلي عنده سيارتين قديمه مررره وجديده
الجديده كان يوصل زوجته للكليه وقت المدارس مجرد ماخلصت خلاه يوقفها وانا وعيالي في القديمه حتى مكيف مافيها بناتي كلموه وخلى السواق ياخذ الجديده اسبوعين وبعدين رجع أخذها منه وخلاه يوقفها
انا مايعطيني ريال واحد حتى في العيد من شدة حسده ياخذ بناتي وعيالي ويقضي لهم بناتي يقولون مانعرف بدون ماما يقول تعودوا اسألوا اي حرمه في السوق
هوايات الحمامات فصلها من فوق يقول ليه شغاله
زوجته الثانيه بيسفرها السفره الرابعه دوليه وانا واولادي ولا عمرنا طلعنا برى المملكه حدنا الجنوب
انا ماعاد على لو يلف بها الدنيا كلها ماعاد يهمني
انا معه سنين واصرف من راتبي وهو راتبه يجمعه حتى المستشفى انا اللي أودى عيالي يوم صفعني موقفه معي وتزوج انصدمت وتغيرت وصرت ما اصرف مرررررره اشتريت أرض وصار القسط جامد على راتبي من غير الشغاله وراتب سواق المدرسه وناس كافلتهم وينخصم من راتبي
يعني اللي يزيد شي بسيط
الزبده
البارح جوني ضيوووف والله فرحت فيهم انا وبناتي مانروح ولانجي
صادف انه جاي لعياله اول ما حس ان عندي ضيوف ارعد وزمجر طبعا الضيوف حطيتهم بمجلس الرجال لأن مجلس الحريم في الملحق وهو مانعنا نطلع واخاف يصلح شئ لو نط علينا فجاءه
وحده من بناتي قالت صحبتي اللي جايه وامها وسكت وراح الشغاله وسألها فيه بنت قد فلانه يقصد بنتي الشغاله قالت لا صحبات مدام
وبدأ الخبال والجنان وقام يصرخ ويسب ويضرب في البيبان وحده معاها بنتها عمرها 6 سنوات تبكي أولادي الصغار متعودين على الموقف جنبي وساكتين انا ما ادري ايش أصلح والله نفسي تنشق الأرض وتبلعني موووووقف صعب صعب ملائكة البيت تقف إذا دخلوا ضيوف وهذا يزعق ويطرد ويسب ويلعن ويقول خلي الناس يعرفونك على حقيقتك مانعتني من بيتي لأجيب زوجتي فوق ومن هالسب ومن هالتجريح ومن هالتصفيع في البيبان
ما أرتحنا وكل شويه يدقون بيرحون وانا امسكهم وقال هاتوا القهوه ابتقهوي وهاتوا الحلي وهاتوا وهاتوا........ وبناتي يشيلون ويعطونه بيسكتونه ومافيه طب آخر شي قال انقلعوا من المجلس جايين رجال ووقف على مدخل الرجال انا قلت ايش اسوي المقلط مكيفه خربان والطاولات والضيافة اخليها له الله لايوفقه عمره ماجوه ضيوف من زمان قلت لبناتي ايش اسوي آخر شئ استسلمت ودقوا صحباتي وجات سياراتهم وراحوا ضميتهم وبكيت وبكيت اه ياقهري يارب تزوج وراح وتاركته ولا ريال ما أخذ منه يصلح في كذا عشان ملحق غرفتين يصلح في كذا عشان زوجته هو عنده عماره 6 شقق غني راتبه كبير وارث بالملايين والله اللي يشوفني انا وعيالي احيانا مانقدر نخرج لأن ماعندنا شئ حتى سياره السواق مايحط فيها بنزين تاركها من المصروف 100
الخلاصه قررت اخرج لشقه اجار وانفك من الذل ذا بس وقتها ماراح أوفر ولا ريال عشان اعمر أرضى وراح يكون كل شئ علي
طبعا ابوي عنده شقق فاضيه لكن رافض اجيب عيالي يقول عياله عنده
شوروا على أخذ شقه وانسى اجمع عشان اعمر الا بعد ما اخلص من قرض الأرض
أو اجلس عند واحد ذالني ابسط حق ماهو لي
طبعا البارح بعد الموقف خرجت رحت لأهلي وبناتي يبكون ليه تسوي فينا كذا ماعنده لا احساس ولاضمير
وأهلي قالوا لاترجعين بس ماقدرت ما اقدر اترك عيالي يكفيهم ابوهم اتركهم لمين مع الشغاله
امي تقول ماهو طبيعي فيه شئ ماعمر احد طرد ضيوفه لو أسوأ انسان فيه مرض قلت ليه ماطلع المرض غير يوم قالت الشغاله صحبات مدام والله فيه حقد على مو طبيعي بالرغم اني مسالمه وتركت كل شئ له ما ابغى منه شئ بعد كل اللي صلحه في
اللهم أرني عجائب قدرتك في نصري ياااااااارب يارب انه تجبر كسرى جبرا يتعجب منه من في السموات والأرض
بعد ماراحوا صحباتي وهم في الحوش يطالع من فوق ويقول يامنحرفات انتم مع صاحبتكم يابويات ياعالم ياعالم ابموت من القهر ولا احد داري عني حتى ابوي غني غني لكن ناسيني وتاركني عند واحد ذالني والله ان ابوي من أصحاب الملايين وزوجي شبعان ومع ذلك لازوج طيب ولا اب حنون وين اروح وين