ما ابغى اسافر وحنا متهاوشين

هلا بنات ..رجعنالكم بعد غياب..اللي كان متابع وضعي حابه اخذ رايكم بالتطورات اللي صارت..
طبعا كان فيه خلافات بيني وبين زوجي وكان بينا شبه انفصال لمدة سنتين يعني هو عايش حياته بدون اعتبار لي كأنه انسان سنقل ،،وبعدها انتقل لمدينه ثانيه بسبب الوظيفه وكان يجينا بالويكيند وكان كلامه انه بيشوف حياته ومن هالكلام..ولا صار فيه حوار ابد على انتقالنا معه وفجأه بعد ٨ شهور من انتقاله قالنا تعالولي زياره في الويكيند ولما رحنا تفاجأنا انه ماخذ بيت وفارشه وعامل حسابنا ... ولا فتح موضوع انتقالنا ...هنا فكرت قلت يجوز انه كرامته ما تسمحله انه يطلب مننا اننا ننتقل ويمكن يخاف من ردة فعلي...فتكلمت معه وقلتله ماعندي مانع ننتقل بس لابد تكون النقله صفحه جديده ونرجع نبني اساس من اول وجديد ونداري ونراعي بعض وتكلمت كذا مره وهو مجرد مستمع ما يتكلم ...وسجلت العيال في المدارس علشان يعرف اني معزمه...بس داخليا انا عندي مخاوف اني انتقل وهو يستمر بتصرفاته وعدم اعتباره لي وتواجهت معه الاسبوع الماضي على موضوع الصديقات طبعا عنده صديقات وهو غامض ما يشاركني افكاره ووضحتله اني المفروض انا اللي اكون مقربه ما ابي اكون مجرد زوجه واجهه قدام الناس وام العيال طبعا ما علق وواضح ما يبي يغير من قناعاته ولا يبي يتنازل
طبعا انا حاسه بالاهانه المفروض ياخذ بخاطري واضح مشاعري مو مهمه عنده.. فاثنينا مطنشين بعض حاليا ..وبالعيد المفروض نسافر مع العيال فمحتاره كيف نسافر واحنا ماخذين موقف من بعض وعلاقتنا رسميه لأن الذكرى حق السفرة بتكون سيئة..وبنفس الوقت ما ابغى اتنازل في هالموضوع احس اهانه لي اني قابله بموضوع الصديقات وراضيه على عدم احترامه لي.


ايش رايكم كيف اتصرف بطريقة تحفظلي كرامتي وبنفس الوقت تكون علاقتنا كويسه وقت السفر ؟