اللي يقولون لك خلطات طبيعيه يسلكون لك لانه توهمهم بنتايج وقت الاستخدام فقط ونتيجتها تعدل فيك ١٪ فقط ومعروف نتايجها ترطيب فقط لا احد يضحك عليك زيت وليمون وزنجبيل. كلها خرابيطماتناسب مشاكلك ذي تناسبك يمكن بعد ماتعالجين مشاكلك لان انتي تحتاجين علاج مو اهتمام
📍علاج مشاكل بشرة الجسم والوجه/
لازم تسوي تقشير كيميائي. قوي بعد ماتخلصي كورس الروكتان عشان تزيل اللاثار ويفضل حتى لجسمك مع مرطب طبي قوي يناسب بشرتك والافضل تستشيري الصيدلي عن النوع ولازم مرطب مع التقشير عشان يتقشر الجلد ولازم ضروري جدا واقي شمس عشان التصبغات او الحبوب ماترجع لك كل مشاكل البشره من الشمس حتى لو كنتتي لابسه نقاب مايمنع الشمس العكس اللون الاسود يزيد الامتصاص والمرطبات فيه انواع حلوه وميزتها رخيصه باي هيرب وفيه زيوت فيتامين e ماتدهن البشره بس تعالج
ولازم يكون نظامك السومي بيشرتكً
اول ماتصحين تغسلينه بالغسوول وبعدها انسحي وجهك بتونر مناسب لنوع بشرتك ضروري واذا ماعندك مرري على وجهك ثلج بشكل دايري وبعده واقي شمس اذا خارجه برا او دوام
وبالليل نفس الشي تسوينه قبل النوم
تستخدمين سكراب لوجهك بدل الغسول مرتين بالاسبوع فيه سكراب نبيتروجينا غريب فروت حلو واذا بشرتك جافه حطي مرطب واذا تبين تفتيح بشره استخدمي مرطب يحتوي على تفتيح
📍علاج التشققات
اول شي لازم ٨ كاسات مويه باليوم ترطب الجلد داخليا وتخلصك من السموم وترطب حتى الشعر وتحسين شامل ولو تسوين مثلي تذكير بالجوال عشان مانسى
الكريمات العلاجيه للتشققات غير الكريمات المانعه للتشققات وفيه فرق ولازم تعرفي نوع الكريم قبل تاخذينه وتتاكدي انه علاجي مو بس مانع انتي فيك تشققات اصلا يعني لا م تاخذين الكريم العلاجي اللي يعالج ويحتوي على ماده تبني الجلد مكان التشققات فيه نوع مادحينه اكثر من وحده بالنت والمنتديات لازم استمرار اقل شي ثلاث شهور لاي كريم معالج للتشققات تستخدمينه ولا مستحيل تشوفي نتيجه مرطبات عاديه ماتفيد لانها ممكن تمنع التشققات للناس اللي ما عندهم تشققات لكن ماتعالج وترمم الجلد المتشقق والنوع اللي مدحوه اسمه
cozmo body صراحه مالقيته بالصيدليات لكن موجود بسوق كوم بالنت وباكثر من متجر متوفر انا عشان كوروناويتأخر الطلب ماطلبته وقلت بجرب نوع متوفر بالصيدليه اسمه babe وفيه خطوط بس مالاحظت عليه مدح بالنت كثير ولا عليه سب بس شفت مسوين عرض واحد وواحد مجانا قلت بجربه بستمر عليه ٣ شهور ادا جاب نتيجه ببلغك اذا ماجاب بطلب cozmo وانا صراحه تجارب النت استفدت منها كثير اكتب الشي وابحث عنه لقيت تجارب ومدح للي جربوه اشتريه والاغلب اللي جربته من مدح البنات له استفدت منه
📍من ناحية الشعر
تحتاجين حبوب علاجيه واسالي طبيب او ابحثي عن تجارب البنات بالنت لافضل نوع وتحتاجين شامبو علاجي وبلسم للشعر التالف ويفضل نوعيه كويسه مدحو لوريال للشعر التالف شريته مع البلسم بس باقي ماجربته لو جاب نتيجه ابلغك وتحتاجي زيت كويس واصلي بايهيريب في اشياء حلوه وكلها طبيعيه ابحثي عن المنتج اللي عليه اعلا تقييم واقري التجارب شي ناسبتك تجاربهم اشتريه
📍من ناحية سواد الفم/
توريد شفايف بالعياده جلسه ترجع لشفايفك لونها الاصلي مثل يوم الولاده . وهي افضل شي ومو غاليه ماقدرتي لازم تقشير قوي ينشال الجلد الداكن وبعده ترطيب قوي للمنطقه مع واقي شمسي فيه مرطبات شفايف تحتوي على واقي حلوه
📍الشعر بالجسم وجلد الدجاجه اللي هو الشعر تحت الجلد/مايشيله الا الليزر وضروري ليزر طبعا كم جلسه تحتاجين وهو رخيص الجلسه تحت ٥٠٠ باغلب العيادات جسم كامل
📍الجسم او التنحيف:
اذا عندك قدره تسوين رجيم معين وتمشين عليه بسهوله تنحفين ولكن لان الجلد يترهل تحتاحين رياضه وانتي بكيفك تبين تسوينها مع الرجيم او بعده ولازم ٨ كاسات مويه باليوم تشعرك بالشبع وامليظ البطن
ماقدرتي في حبوب مدحوها كثير بالنت وبالمنتديات جربتها نحفتني ١٠ كيلو تسد الشهيه لاني افشل بالرجيمات وما اقاوم الجوع تحول وزني من ٧٧ ل ٦٥ وبرجع استخدمها بعد رمضان لان ابي اوصل ٥٤ ولازم مع الحبوب ٨ كاسات مويه ضروري جدا مالاحظت اي اثار سلبيه وجربوها صاحباتي ونحفو تشترينها من النت ماتنباع بالصيدليات اسمها سليمينق ادفانسد لونها احمر صراحه يمر علي يومين ماحس بالجوع. وفادتني كثير
📍من ناحية تفتيح لون البشره/
مافي شي يفتح البشره ويكون طبيعي انسي والكيميائي يفتح صح خاصه الكورتيزون نتائج مؤقته فقط فتره الاستخدام وبعد ماتتركينه ترجعين نفس لونك قبل غير انه عيوبه يرقق الجلد ويطلع شعر بالجسم لكن تقدرين ترجعين لونك الاصلي يوم الولاده لان كثير ولدو بيض وحمر وكبرو صارو سمر مع الشمس والجو الحار معروف يسمر حتى سكان المناطق الحاره سمر اكثر من المناطق البارده بجون افتح بكثير وبشرتهم مورده وصافيه لان الحراره تزيد افراز الميلانين الجلد. وتقدرين ترجعين لونك الاصلي يوم الولاده عن طريق التقشير الكيميائي والاهم بشرتك تكون صافيه وموحده مو شرط بياض اعرف وحده كانت سمراء مره وبعد كم شهر جات مثل الثلج كانها روسيه يوم سالوها البنات قالت تقشير كيميائي قالولها التقشير كثير سووه ماصارو بيض قالت صحيح هو يبيض اللي اصلا ولدو بيض وتحولو لسمر وهي فعلا شفتا صورها وهي صغيره بعمر الشهور كانت نفس لونها بعد التقشير بيضاء ويمرت بفعل الجو. بعضهم خاصه البشرات الدهنيه تتحول من بشره بيضاء حمرا ليشره سمرا بنيه بفعل الحر والاغلب مذا ماعدا اللي بشراتهم جافه الجو ماياثر عليهم ولازم بعد التقشير تعتني ببشرتك حمايه وواقي وكذا
اما اذا مره تبين تبيبضين عادي جربي الكريمات المكيماويه تعطيك تفتيح على درجة لونك لحد ٣ درجات فقط واذا تركتيها ترجعين لونك الاصلي طبعا انا صديقتي سمرا وجربت كل الابر والحبوب والخرابيط ماحابت نتيجه وانا ذكرت لك تجاربها لانها فعلا ماخلت شي
الصفحة الأخيرة
ضرررررررووووووري وبتشوفين التغييير
خذي فيتامينات لشعرك وبشرتك واظافرك
قشري بشرتك كل اسبوع بمقشرات طبيعية بالبيت
الروكتان اختيار بطل ماجربته انا بس اغلب الاطباء يمدحونه
افضل خيار للحبوب لكن يحتاج ترطيب مستمر
المنطقة الحساسة ابتعدي كل البعد عن الامواس سواد + خشونه من الاخر دمار للمنطقة
وسوي ليزر مافي احسن منه يفتح ويعطي نظافة وانوثه
غيري طريقة اكلك لنظام صحي وشوفي كيف يتغير جسمك وعيونك + رياضة خذي جهاز عندك بالبيت واشتغلي ع جسمك
التشققات مااعرف لها علاج لكن الافضل دكتورة جلدية
عندك 6 سنوات ماشاء الله مدة كافية انك تتغيري جذرياً