ما ابي اتوتر واعصب وانا حامل

مساء الخير
انا زي ماذكرت قبل زوجي فيه طبع اذا رحت لم اهلي يخليني اجلس ٣ او ٤ ايام احيانا اكثر كثير تكلمت معه اني ما ابي أطول ابغى بيتي ولا كني اقول شي كنت اعصب وتهاوش معه بسبب هذا الموضوع وانكد على نفسي لحد ما مليت المهم زوجي اول يوم العيد إلى ثالث يوم يكون مرتبط بعمله يروح الصبح وما يرجع الا في الليل فقلت اروح لم اهلي اعيد معهم واساعد امي ورحت والى الان انا عندهم وكل ما أقوله متى تجي تاخذنا كل يوم يطلع له ظرف مره معزوم ومره مشغول ويقول لي انه بيجي يسلم على اهلي قهوة مغرب انا قلت بسلامته ليش اتوتر واتمشكل معه واجيب لنفسي مشاكل وانا حامل يكفيني تعب الوحام واحاول ما افكر في اي شي يضيق صدري زي موضوع زوجي واحاول اقنع نفسي اني الحمد لله انا اهون من غيري وان مشكلتي بسيطه بس امي الله يهديها تحاول تستفزني تقول وش فيه زوجك راميك ها الرميه اشوفك طولتي عندنا وووووو كلام امي استفزني وامي الله يهديها كنها تصب على النار الراكده بنزين قلت لها ابشري بكرى اذا ما جاء ابتصل عليه واتهاوش معه من جد امي المفروض تهدي الوضع مو تزيد النار حطب